جاسامپازدىق جولباسشىسى

مەملەكەتتىڭ ەڭ ۇلكەن قۇندىلىعى –  حالىق اقپاننىڭ 25-26-سى كۇندەرى وڭتۇستىك قازاقستان وبلىسىنا ەلباسىنىڭ  قازاقستان حالقىنا ارناعان “بولاشاقتىڭ ىرگەسىن بىرگە قالايمىز” جولداۋىن ناسيحاتتاۋ ماق­ساتىندا قۇرامى 16 ادامنان تۇراتىن رەسپۋبليكالىق اق­پا­رات­تىق-ناسيحاتتىق توپ كەلىپ, وبلىستىڭ قالا, اۋداندارىندا تۇر­عىندارمەن كەزدەسۋلەر وتكىزدى. وبلىستىق فيلارمونيادا ءوت­كەن جۇزدەسۋدى وبلىس اكىمى اسقار مىرزاحمەتوۆ جۇرگىزىپ وتىردى. رەسپۋبليكالىق اقپاراتتىق توپ جەتەكشىسى, قازاقستان رەسپۋب­لي­كاسىنىڭ ءبىلىم جانە عىلىم ءمينيسترى باقىتجان جۇماعۇلوۆ بايانداما جاسادى. باقىتجان تۇر­سىن­ ۇلى قازاقستاننىڭ بۇگىنگى الەۋەتىن تانىتاتىنداي دەرەكتەردى مىسالعا كەلتىرىپ, سالا-سالا بو­يىنشا جىلىكتەپ بەردى. ماسە­لەن, وسىدان اتتاي ون جىل بۇرىن ءبىلىم جانە عىلىم مي­نيستر­­لىگى­نىڭ رەسپۋبليكالىق بيۋدجەتى 15 ميلليارد تەڭگە عانا بول­سا, قازىر 300 ميللياردقا جەت­كەن. ياعني, وسى ارالىقتا ءبىلىم سالاسىن قار­جىلاندىرۋ جيىر­ما ەسەگە وسكەن. ىشكى جال­پى ءونىمنىڭ ون ەكى ەسەگە ارتقانى الەمدىك تاريحتا ورنى بار ورلەۋ. جولداۋدا ايتىلعان مىندەتتەر مەن تاپسىرمالاردى ەگجەي-تەگجەيىن بايانداعان مينيستر ءبىلىم سا­لاسىندا قوردالانعان كۇر­دەلى ءما­سەلەلەردىڭ شەشىلۋ تەتىگىن ايتتى. ول جاڭبىردان كەيىنگى س­ا­ڭى­راۋ­قۇلاقتاي قاپتاعان ۋنيۆەرسيتەتتەر, ساپاسى مەن مازمۇنى سىن كوتەرمەيتىن پەداگوگ كادر­لا­رى­نىڭ تومەندەگەن بەدەلى, جو­عارى وقۋ ورىندارىنداعى عى­لىم­­دى دا­مىتۋعا نەمكەتتىلىك ءجا­نە ورتا مەك­تەپ پەن بالا­باق­شالارعا قا­تىس­تى پايىم­داۋ­لارىن ءبىلدىردى. كەزدەسۋدە وبلىستىق ءماسليحات­تىڭ دەپۋتاتى, بەلگىلى كاسىپكەر س.سەيت­جانوۆ, “وڭتۇستىك قازاقستان وبلىسى ايەل جانە بالالاردى قور­عاۋ ورتالىعى” قوعامدىق ءبىر­لەس­تىگى­نىڭ ءتورايىمى و.لي, م.اۋەزوۆ اتىن­داعى وقمۋ پرو­فەس­سورى ج.باقوۆ, شىمكەنت قالا­سىن­داعى №26 مەك­تەپ-گيمنازيا­نىڭ مۇعالى­مى ز.مەرگەنباەۆا ءسوز الىپ, ەلبا­سى­نىڭ جولداۋىن قول­­داي وتىرىپ, ءوز­دەرى­نە ارتىل­عان تالاپتار بو­يىن­شا كوز­قاراس­تارىن ءبىلدىردى, ات­قا­رىپ جاتقان جۇمىس­تارىن بايان­دا­دى. اقپاراتتىق توپ تۇركىستان قا­لا­سىندا كەزدەسۋلەرىن جالعاس­تىر­دى. ق.ا.ياساۋي اتىنداعى حقتۋ-ءدىڭ ءماجىلىس زالىندا قالا جانە كەن­تاۋ قالاسى مەن وتىرار اۋدا­نى تۇرعىندارى, ۋنيۆەرسيتەتتىڭ ۇجى­مىمەن كەزدەستى. مۇنداعى ءما­­­جىلىستى ۋنيۆەرسيتەت باسشىسى لەس­­بەك ءتاشىموۆ جۇرگىزىپ وتىر­دى. وسىنداي جۇزدەسۋ ءوڭتۇس­تىك­تەگى ىرگەلى وقۋ ورىندارىنىڭ ءبىرى – م.اۋەزوۆ اتىنداعى وڭتۇستىك قا­زاق­ستان مەملەكەتتىك ۋنيۆەر­سي­تە­تى­نىڭ ستۋدەنتتەرى جانە ۇجى­مى­مەن دە ءوتتى.  ەركىن سۇحبات را­يىن­دا ءوت­كەن كەزدەسۋدە سۇراق­تارعا تو­لىم­دى جاۋاپ بەرىلدى. ءبىلىم سالا­سىنىڭ ال­دىندا تۇرعان مىندەتتەر سارا­لان­دى. اكادەميك ۋ.بيشىمباەۆ باسقا­را­تىن  وقۋ ورنىنىڭ رەسپۋبليكادا عىلىم­دى وركەندەتۋگە ەرەكشە ءمان بەرىپ وتىرعاندىعىنا ريزا­شى­لىق ءبىلدىرىلدى. باقتيار تايجان. وڭتۇستىك قازاقستان وبلىسى. * * * اقپاراتتىق- ناسيحاتتىق توپ –  اقتاۋدا ەلباسىنىڭ قازاقستان حالقىنا كەزەكتى جولداۋىنىڭ باستى باعىتتارىن تەرەڭدەتە ءتۇسىندىرۋ جونىندەگى اقپاراتتىق-ناسيحاتتىق توپ اقتاۋعا كەلدى.  مۇناي جانە گاز ءمينيسترى ساۋات مىڭباەۆ باستاعان توپتىڭ قۇرامىندا پارلامەنت ءماجىلىسىنىڭ دەپۋتاتتارى زەينوللا الشىمباەۆ, گۇلنار سەيىتماعانبەتوۆا, سونداي-اق مينيسترلىكتەردىڭ وكىلدەرى بولدى. ەلىمىزدەگى مۇناي الىبى – «ماڭعىستاۋمۇنايگاز» اق ەڭبەك ۇجىمىمەن كەزدەسۋدە س.مىڭ­باەۆ «قازاقستان ەكونومي­كا­سى­نىڭ قوزعاۋشى كۇشى مۇناي-گاز كەشەنىندەگى بيىك جەتىستىكتەر ەلى­مىز­دىڭ, سونىڭ ىشىندە ايماق­تار­دىڭ تۇراقتى  دامۋىنا يگى اسەر ەتەدى. سوندىقتان دا بۇل جىلى مينيسترلىك وسى سالاداعى جۇ­مىس­تاردىڭ قارقىندى دامۋىن قولداۋعا «ەلباسى جولداۋىنىڭ «قارقىندى ەكونوميكالىق جاڭ­عىرۋ – ۇدەمەلى يننوۆاتسيالىق يندۋستريالاندىرۋ باعدار­لاما­سى­نىڭ جالعاسى» اتتى تاراۋىن­داعى مىندەتتەردى جۇزەگە  اسى­رۋعا باعىتتالعاندىعىن اتاپ كور­سەتتى. وبلىس اكىمى ق.كوشەرباەۆ ەل­باسى جولداۋىنداعى تاپسىرما­لار­عا وراي كومىرسۋتەگىن تاسى­مال­داۋ باعىتتارىن كەڭەيتۋ, ولاردىڭ قاۋىپسىز جانە سەنىمدى جەتكىزىلۋ سالدارىن قامتاماسىز ەتۋ باستى نازاردا بولۋ قاجەتتىگىن ايتا كەلىپ, تەڭىز ينفراقۇرىلىمدارى مەن ايماقتىڭ ەكسپورتتىق باعىت­تارىن ۇلعايتا ءتۇسۋ جولىنداعى ىستەلىپ جاتقان ۇلان-عايىر يگى ىستەر جاي­لى اڭگىمەلەدى. ودان سوڭ اقپاراتتىق توپ جەتەكشىسى ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆە­رسي­تەتى­نىڭ وقىتۋشىلار  قۇرامى مەن ستۋدەنت جاستارى الدىندا ءسوز ءسوي­لەدى.  وبلىستىق اكىمدىكتە وبلىس ءبىلىم بەرۋ قىزمەتكەرلەرىنىڭ اكتيۆ جينالىسىنا قاتىسىپ, ەلى­مىزدىڭ يندۋستريالاندىرۋ كارتا­سى بويىنشا قۇرىلىستارى ءجۇرىپ جاتقان نىساندار مەتالل قۇرىل­عىلارىن شىعاراتىن ونەركاسىپ كەشەنى مەن بيتۋم زاۋىتى قۇرى­لىسىنىڭ ءجۇرۋ بارىسىمەن تانىستى. ال پارلامەنت ءماجىلىسىنىڭ دە­پۋتاتتارى ز.الشىمباەۆ, گ.سە­يىتماعانبەتوۆا, ءتۇرلى مينيستر­لىك­تەر وكىلدەرى ءوڭىردىڭ ونەركاسىپ ورىندارىنىڭ, ەلدى مەكەندەردىڭ تۇرعىندارىمەن, الەۋمەتتىك سالا جانە ەتنومادەني بىرلەستىكتەردىڭ وكىلدەرىمەن كەزدەستى. وندا ەل­باسىنىڭ «بولاشاقتىڭ ىرگەسىن بىرگە قالايمىز» اتتى جولداۋى­نىڭ حالقىمىزدىڭ بىرلىگىن نى­عاي­تىپ, ەلىمىزدى جوعارى قارقىن­مەن دامۋ كوكجيەگىنە نىق قادام باسۋعا باستايتىندىعىنا سەنىمدى ەكەندىكتەرىن ءبىلدىردى. جولامان بوشالاق. اقتاۋ. * * * باعدارلاما وسى جىلى ورىندالادى ەلباسى وسى جىلعى حالىققا جولداۋىندا ءۇش اسا ماڭىزدى مەملەكەتتىك باعدارلاما – ءبىلىم بەرۋ, دەنساۋلىق ساقتاۋ جانە تىلدەردى دامىتۋدى ەرەكشە اتاپ كور­سەتكەنى بەلگىلى. بۇل رەتتە ماڭ­عىستاۋدا يگىلىكتى ىستەر بارشىلىق. وعان وبلىس­تىق ءبىلىم بەرۋ سالا­سىنداعى جەتىستىك دالەل. اتاپ ايت­ساق, وسىدان بەس جىل بۇرىن ۇلت­تىق بىرىڭعاي تەستىلەۋ قورىتىن­دى­سى بويىنشا وبلىس 14-ورىندا بولسا, وتكەن جىلى ەلىمىزدە ال­عاشقى ورىنعا شىقتى. ال مەكتەپكە دەيىنگى تاربيەگە كەلسەك, وتكەن جىلى ولاردى بالا­باق­شامەن قامتۋ 72 پايىزدى قۇرا­دى. ال بيىلدىڭ وزىندە تاعى دا مەكتەپكە دەيىنگى 11 بالالار مەكەمەسى كەرى قايتارىلىپ, 17 جەكە مەن­شىك با­لا­باقشا مەن 33 شاعىن ورتالىق اشى­لادى. بۇل – «بالاپان» باعدارلاماسى ماڭعىستاۋدا وسى مەرەكەلى جىلى 100 پايىز ورىندالادى دەگەن ءسوز. سونداي-اق, وسى جىلى وبلىستا ال­عاش رەت مەكتەپكە دەيىنگى تاربيەنى ءۇي­لەس­تىرۋ ورتالىعىن قۇرۋ قولعا الىنۋدا. جولامان بوشالاق. اقتاۋ. * * * ەل ىشىندەگى جۇزدەسۋلەردىڭ ماڭىزى زور كەزەكتى رەسپۋبليكالىق اقپاراتتىق-ناسيحاتتىق توپ شەجىرەلى دە كورىكتى كوكشە وڭىرىنە اتباسىن تىرەدى. رەسپۋب­ليكالىق اقپاراتتىق-ناسيحاتتىق توپتى قارجى ءمينيسترى بولات جامىشەۆ باستاپ كەلدى. بۇل توپتىڭ نەگىزگى ماقساتى قازاقستان رەسپۋبليكاسى پرەزيدەنتىنىڭ «بولاشاق­تىڭ ىرگەسىن بىرگە قالاي­مىز» اتتى قازاقستان حالقىنا جولداۋىنىڭ نەگىزگى تۇجىرىم­دارىن كەڭىنەن ناسيحاتتاۋ جانە جولداۋدا بەلگىلەنگەن ءمىن­دەتتەردىڭ ورىندالۋ بارىسىن باقىلاۋ بولىپ تابىلادى. اقمولا وبلىسىندا 26-28 اق­پان كۇندەرىندە ناسيحات جۇمىس­تارىن جۇرگىزەتىن توپتىڭ جۇمىس جوس­پارى اۋقىمدى دا ماڭىزدى. رەسپۋبليكالىق اقپاراتتىق-نا­سي­حاتتىق توپ وبلىستىڭ اقكول, ار­شالى, ەرەيمەنتاۋ, بۇلاندى, ەگىن­دىكول, زەرەندى, اتباسار, جارقايىڭ جانە ساندىقتاۋ اۋداندارىندا, سونداي-اق ستەپنوگور جانە كوك­شەتاۋ قالالارىندا بولىپ, ەڭبەك ۇجىمدارىندا, قوعامدىق ۇيىم­دارىندا كەزدەسۋ وتكىزەدى دەپ جوسپارلانۋدا. ساپاردىڭ العاشقى كۇنى بولات جامىشەۆ ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەر­سي­تەتىنىڭ ستۋدەنتتەرى جانە وقىتۋ­شىلار قۇرامىمەن كەزدەستى. كەزدەسۋ بارىسىندا بولات جامىشەۆ قاتىسۋشىلاردىڭ كوپتەگەن سۇراقتارىنا جاۋاپ بەردى. ودان ءارى رەسپۋبليكالىق اق­پاراتتىق-ناسيحاتتىق توپ وبلىس ورتالىعىنداعى «ەنكي», «اگريمەر استىق» جشس-لەرىن, «تى­نىس» اق-تى ارالادى. كوكشەتاۋ قالاسىنداعى قان ورتالىعىنىڭ ەڭبەك ۇجىمىمەن كەزدەستى. وسىن­داي ءىس-شارالار بارىسىندا رەس­پۋبليكالىق اقپاراتتىق-ناسي­حات­تىق توپ مۇشەلەرى جولداۋدا بەلگىلەنگەن ەكونوميكا, ءبىلىم بەرۋ, الەۋمەتتىك سالالارعا قاتىستى وزەكتى ماسەلەلەردى تىلگە تيەك ەتتى. باقبەرگەن امالبەك. اقمولا وبلىسى. * * * دامۋدىڭ سارا باعىتى 28 قاڭتاردا ەلباسىنىڭ پارلامەنت پالاتالارىنىڭ بىرلەسكەن وتىرىسىندا قازاقستان حال­قىنا ارنالعان ءداستۇرلى جول­داۋى جاريا ەتىلدى. ەلدىڭ ورتا­لىق تەلەراديوارنالارى ارقىلى تىكەلەي ەفيردەن بەرىلگەن مەملەكەت باسشىسىنىڭ كەزەكتى جول­داۋى «بولاشاقتىڭ ىرگەسىن بىرگە قالايمىز» دەپ اتالعانى بەلگىلى. پرەزيدەنت اتالعان جولداۋ با­رى­سىندا اتقارىلعان ىستەر مەن ال­داعى مىندەتتەرىمىزدى ناقتى مى­سالدارمەن ايشىقتاپ ءوتتى. ەل دامۋىنىڭ ستراتەگياسىن, با­سىم­­دىقتار مەن بولاشاعىن, مەم­لە­كەتى­مىزدىڭ ىرعاقتى دا­مۋى­نا قا­­تىستى ناقتى ماقسات­تاردى ا­ي­قىن­­داپ بەرگەن باستى قۇجاتتا دەن­ساۋلىق ساقتاۋ, ءبىلىم بەرۋ, ءتىلدى دامىتۋ, حالىقتى تازا اۋىز سۋمەن قامتاماسىز ەتۋ, تۇرعىن ءۇي-كوممۋنالدىق شارۋاشىلىق سا­لا­لارىنا ايرىقشا نازار اۋ­دارىل­دى. ەلباسى اتقارىلعان جۇمىس­تاردى سارالاي وتىرىپ, بولا­شاق­تا اتقارىلاتىن يگىلىكتى ىستەرگە دە كەڭىنەن توقتالدى. ءبىلىم بەرۋدى الەمدىك كەڭىستىككە شىعارۋ – باس­تى ماقسات. وسى باعىتتا ءبىلىم بەرۋ سالاسىنداعى تۇيتكىلدى ءما­سەلە­لەردى وڭتايلى شەشۋ تۋرا­سىندا تىڭ ويلار قوزعالدى. سالا­ماتتى ءومىر سالتىن قالىپتاس­تىرۋ ەل بولاشاعىنىڭ كەپىلى ەكەندىگى باسا ايتىلدى. ۋاقىت تا­لابىن كوتەر­گەن, كەلەشەكتى بول­جاعان جولداۋ ەل ىشىندە ۇلكەن سەرپىلىس تۋعىزدى. وي – ايقىن, مىندەت – ناقتى. وسىناۋ ماڭىزدى مىندەتتەردى ىسكەرلىكپەن جۇزەگە اسىرۋ – بار­شامىزدىڭ ورتاق مىندەتىمىز. ەلباسىمىز ايتقانداي, «ءبىز جاسامپازدىقپەن جۇمىلا كىرىسكەندىكتەن, دامۋدىڭ داڭعىل جو­لىنا تۇستىك. تولاعاي تابىس­تارى­مەن دۇنيە ءجۇزىن مويىن­داتقان قازاقستاننىڭ الەۋەتى ارتىپ, ەكو­نوميكاسى سەرپىندى بو­لا ءتۇستى». بيىلعى جولداۋ – ەلدىڭ ەر­تەڭگى دامۋىنىڭ ارقاۋى. قا­سيەتتى جۇما كۇنى جالپى جۇرت­شى­لىققا جول تارتقان ەل­با­سىنىڭ كەزەكتى جول­داۋى بۇگىندە قا­زاق­­ستان­دىق­تار تا­را­پىنان قول­داۋ تاۋىپ قانا قوي­ماي, ەل حال­قى ونى جۇزەگە اسىرۋ جول­دا­رى­ن­داعى جۇمىس­تار­دى قىزۋ باستاپ كەتتى دەسەك, قاتە­لەس­پەيتىنىمىز انىق. س.قاسىموۆ, فيزيكا-ماتەماتيكا عىلىمدارىنىڭ كانديداتى. قاراعاندى.