پرەزيدەنتتىككە كانديدات رەتىندە تىركەدى

26 اقپاندا ورتالىق سايلاۋ كوميسسياسىنىڭ جامبىل اۋجان­ ۇلى احمەتبەكوۆتى, ال 28 اقپاندا مەلس حامزا ۇلى ەلەۋسىزوۆ پەن عاني ەسەنكەلدى ۇلى قاسىموۆتى قازاقستان رەسپۋبليكا­سى­نىڭ پرەزيدەنتتىگىنە كانديدات رەتىندە تىركەۋ تۋرالى ماسە­لەلەر بويىنشا وتىرىستارى بولىپ ءوتتى. «قازاقستان رەسپۋبليكاسىن­دا­ع­ى سايلاۋ تۋرالى» كونستيتۋ­تسيا­لىق زاڭنىڭ 59-بابى 5-تارماعىنا ءساي­كەس اتالعان كانديداتتار ور­تا­لىق سايلاۋ كوميسسياسىنا بارلىق قا­جەتتى قۇجاتتاردى تاپسىرعان. «قا­زاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 56-بابى 2-تارماعىنا ءساي­كەس پرەزيدەنتتىككە كانديداتتى ەلىمىزدەگى وبلىستاردىڭ, رەسپۋب­لي­كالىق ما­ڭى­زى بار قالانىڭ جانە استانانىڭ كەم دەگەندە ۇشتەن ەكىسىنىڭ اتىنان تەڭدەي وكىلدىك ەتەتىن سايلاۋ­شى­لار­دىڭ جالپى سانىنىڭ كەم دەگەندە 1 پايىزى قولداۋعا ءتيىس. ج.ا.احمەتبەكوۆتىڭ كانديدا­تۋرا­سىن قولداپ, ەلىمىزدىڭ 15 وڭىرىنەن تەڭدەي وكىلدىك ەتەتىن 96 557 سايلاۋشىنىڭ قولى جي­نالعان. بۇل – بەلسەندى سايلاۋ قۇقىعىنا يە سايلاۋشىلاردىڭ 1 پايىزىنان استامىن, م.­ح.ەلەۋ­سىزوۆ­تىڭ كاندي­داتۋراسىن قولداپ ەلىمىزدىڭ 15 وڭىرىنەن تەڭدەي وكىل­دىك ەتەتىن  97 830 سايلاۋشىنىڭ قولى جينالعان, بۇل – بەلسەندى سايلاۋ قۇقىعىنا يە سايلاۋ­شىلاردىڭ 1 پايىزىنان استامىن قۇرايدى. ال ع.ە.قاسىموۆتىڭ كانديداتۋراسىن قولداپ, ەلىمىزدىڭ 15 وڭىرىنەن تەڭدەي وكىلدىك ەتەتىن 99 728 سايلاۋشىنىڭ قولى جينالعان, بۇل – بەلسەندى سايلاۋ قۇقىعىنا يە سايلاۋشىلاردىڭ 1 پايىزىنان استامى. قازاقستان رەسپۋبليكاسىنىڭ ورتالىق سايلاۋ كوميسسياسى ءوزىنىڭ وتىرىستارىندا ۇسىنىلعان قۇجاتتاردى قاراي كەلىپ, ولار «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ قوياتىن تالاپتارعا سايكەس كەلەدى دەپ بەلگىلەدى جانە جامبىل اۋجان ۇلى احمەتبەكوۆتى, مەلس حامزا ۇلى ەلەۋسىزوۆتى, سونداي-اق عاني ەسەنكەلدى ۇلى قاسىموۆتى قازاقستان رەسپۋبليكاسىنىڭ پرەزيدەنتتىگىنە كانديداتتار رەتىندە تىركەۋ تۋرالى قاۋلىلار قابىلدادى. «ەگەمەن-اقپارات».