قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №1032

  2015 جىلعى 28 جەلتوقسان, استانا قالاسى قازاقستان رەسپۋبليكاسىندا كاسىپتىك پاتولوگيا بويىنشا مەديتسينالىق كومەكتى ۇيىمداستىرۋ ستاندارتىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىندا كاسىپتىك پاتولوگيا بويىنشا مەديتسينالىق كومەكتى ۇيىمداستىرۋ ستاندارتى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلiگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن ون كۇنتىزبەلىك كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا كەلىسىلدى قازاقستان رەسپۋبليكاسىنىڭ ۇلتتىق ەكونوميكا ءمينيسترى __________________ ە.دوساەۆ 2016 جىلى 2 اقپان قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 جەلتوقسانداعى №1032 بۇيرىعىمەن بەكىتىلگەن قازاقستان رەسپۋبليكاسىندا كاسىپتىك پاتولوگيا بويىنشا مەديتسينالىق كومەكتى ۇيىمداستىرۋ ستاندارتى 1. جالپى ەرەجەلەر 1. قازاقستان رەسپۋبليكاسىندا كاسىپتىك پاتولوگيا بويىنشا مەديتسينالىق كومەكتى ۇيىمداستىرۋ ستاندارتى (بۇدان ءارى – ستاندارت) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا سايكەس ازىرلەندى. 2. وسى ستاندارت مەنشىك نىسانىنا قاراماستان مەديتسينالىق ۇيىمداردا كاسىپتىك پاتولوگيا بويىنشا پاتسيەنتتەرگە مەديتسينالىق كومەك كورسەتۋ ءتارتىبىن بەلگىلەيدى. 3. قازاقستان رەسپۋبليكاسىندا كاسىپتىك پاتولوگيا بويىنشا مەديتسينالىق كومەك كورسەتۋدى ۇيىمداستىرۋ «قازاقستان رەسپۋبليكاسىنىڭ حالقىنا كاسىپتىك پاتولوگيا بويىنشا مەديتسينالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2012 جىلعى 25 مامىرداعى № 374 (بۇدان ءارى – № 374 بۇيرىق) بۇيرىعىمەن (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە №7748 بولىپ تىركەلگەن) بەكىتىلگەن قازاقستان رەسپۋبليكاسىنىڭ حالقىنا كاسىپتىك پاتولوگيا بويىنشا مەديتسينالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتى تۋرالى ەرەجەنىڭ تالاپتارىنا سايكەس جۇزەگە اسىرىلادى. 4. كاسىپتىك پاتولوگيا بويىنشا مەديتسينالىق كومەك كورسەتەتىن ۇيىمداردىڭ شتاتتارى «دەنساۋلىق ساقتاۋ ۇيىمدارىنىڭ ۇلگى شتاتتارى مەن شتات نورماتيۆتەرىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 7 ساۋىردەگى № 238 بۇيرىعىمەن (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 6173 بولىپ تىركەلگەن) (بۇدان ءارى – № 238 بۇيرىق) بەكىتىلگەن دەنساۋلىق ساقتاۋ ۇيىمدارىنىڭ ۇلگى شتاتتارى مەن شتات نورماتيۆتەرىنە سايكەس بەلگىلەنەدى. 5. وسى ستاندارتتا پايدالانىلاتىن تەرميندەر مەن انىقتامالار: 1) اۋىسىم الدىنداعى مەديتسينالىق كۋالاندىرۋ - جەكە تۇلعانى وندا اۋرۋىنىڭ بولۋ نەمەسە بولماۋ فاكتىسىن انىقتاۋ نەمەسە راستاۋ, ونىڭ دەنساۋلىق جاعدايىن, سونداي-اق ەڭبەككە ۋاقىتشا جارامسىزدىعىن, كاسىپتىك جانە وزگە دە جارامدىلىعىن ايقىنداۋ ماقساتىندا زەرتتەپ-قاراۋ; 2) بەيىندى مامان – جوعارى مەديتسينالىق ءبىلىمدى, بەلگىلى ءبىر ماماندىق بويىنشا سەرتيفيكاتى بار مەديتسينا قىزمەتكەرى; 3) زياندى (ەرەكشە زياندى) ەڭبەك جاعدايلارى – بەلگىلى ءبىر وندىرىستىك فاكتورلاردىڭ اسەرى قىزمەتكەردىڭ ەڭبەككە قابىلەتتىلىگىنىڭ تومەندەۋىنە نەمەسە سىرقاتتانۋىنا نە ونىڭ ۇرپاقتارىنىڭ دەنساۋلىعىنا تەرىس ىقپال ەتۋىنە اكەپ سوقتىراتىن ەڭبەك جاعدايى; 4) كاسىپتىك اۋرۋ (پاتولوگيا) – قىزمەتكەردىڭ ءوز ەڭبەك (قىزمەت) مىندەتتەرىن ورىنداۋىنا بايلانىستى وعان زياندى وندىرىستىك فاكتورلاردىڭ اسەر ەتۋىنەن تۋىنداعان سوزىلمالى نەمەسە قاتتى اۋرۋ (بۇدان ءارى – كاسىپتىك اۋرۋ); 5) ەڭبەك قىزمەتىنە بايلانىستى جازاتايىم وقيعا – ءوزىنىڭ ەڭبەك (قىزمەتتىك) مىندەتتەرىن نەمەسە جۇمىس بەرۋشىنىڭ تاپسىرمالارىن ورىنداۋى كەزىندە جۇمىسكەردىڭ وندىرىستىك جاراقاتتانۋى, دەنساۋلىعىنىڭ كەنەتتەن ناشارلاۋى نەمەسە ۋلانۋى سالدارىنان ونىڭ ەڭبەككە قابىلەتتىلىگىنەن ۋاقىتشا نەمەسە تۇراقتى ايىرىلۋىنا نە قايتىس بولۋىنا اكەپ سوقتىرعان زياندى جانە (نەمەسە) قاۋىپتى وندىرىستىك فاكتوردىڭ جۇمىسكەرگە اسەر ەتۋى; 6) قاۋىپتى ەڭبەك جاعدايلارى – ەڭبەكتى قورعاۋ قاعيدالارى ساقتالماعان جاعدايدا بەلگىلى ءبىر وندىرىستىك نەمەسە جويۋعا بولمايتىن تابيعي فاكتورلاردىڭ اسەرى جۇمىسكەردىڭ وندىرىستىك جاراقاتتانۋىنا, دەنساۋلىعىنىڭ كەنەتتەن ناشارلاۋىنا نەمەسە ۋلانۋىنا اكەپ سوقتىراتىن, سونىڭ سالدارىنان ەڭبەككە قابىلەتتىلىكتەن ۋاقىتشا نەمەسە تۇراقتى ايىرىلۋى, كاسىپتىك اۋرۋعا شالدىعۋى نە قايتىس بولۋى ورىن الاتىن ەڭبەك جاعدايلارى; 7) مامانداندىرىلعان مەديتسينالىق كومەك – دياگنوستيكانىڭ, ەمدەۋدىڭ جانە مەديتسينالىق وڭالتۋدىڭ مامانداندىرىلعان ادىستەرىن تالاپ ەتەتىن اۋرۋلار كەزىندە بەيىندى ماماندار كورسەتەتىن, ونىڭ ىشىندە تەلەمەديتسينا قۇرالدارىن پايدالانا وتىرىپ كورسەتەتىن مەديتسينالىق كومەك; 8) مەديتسينالىق وڭالتۋ – ناۋقاستار مەن مۇگەدەكتەر ورگانيزمىنىڭ بۇزىلعان جانە (نەمەسە) جوعالتقان فۋنكتسيالارىن ساقتاۋعا, ءىشىنارا نەمەسە تولىق قالپىنا كەلتىرۋگە باعىتتالعان مەديتسينالىق قىزمەتتەر كورسەتۋ كەشەنى; 9) مىندەتتى الدىن الا مەديتسينالىق قاراپ-تەكسەرۋ – جالپى, كاسىپتىك اۋرۋدى ەسكەرتۋ, ماماندىعىنا بايلانىستى مىندەتتەردى ورىنداۋعا جارامدىلىعىن انىقتاۋ ماقساتىندا جۇمىسقا تۇرۋ كەزىندە وتكىزىلەتىن مەديتسينالىق تەكسەرۋلەر; 10) مىندەتتى مەرزىمدىك مەديتسينالىق قاراپ-تەكسەرۋ – جۇمىس ىستەۋشىنىڭ دەنساۋلىق جاعدايىنا ديناميكالىق باقىلاۋدى, اۋرۋدىڭ العاشقى بەلگىلەرىن دەر كەزىندە انىقتاۋدى, جالپى, كاسىپتىك اۋرۋلاردىڭ الدىن الۋدى قامتاماسىز ەتۋ ماقساتىندا وتكىزىلەتىن مەديتسينالىق تەكسەرىپ-قاراۋلار (بۇدان ءارى – مەدتەكسەرىپ-قاراۋلار); 11) پروفيلاكتيكا – اۋرۋلاردىڭ پايدا بولۋىنىڭ, ولاردىڭ ەرتە ساتىدا ءورشۋىنىڭ الدىن الۋعا جانە ورىن العان اسقىنۋلاردى, اعزالار مەن تىندەردىڭ ب ۇلىنۋلەرىن باقىلاۋعا باعىتتالعان مەديتسينالىق جانە مەديتسينالىق ەمەس ءىس-شارالار كەشەنى; 12) تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى - تمككك) – قازاقستان رەسپۋبليكاسىنىڭ ازاماتتارىنا جانە ورالماندارعا كورسەتىلەتىن مەديتسينالىق قىزمەتتەر كورسەتۋدىڭ تىزبەسى بويىنشا بىرىڭعاي مەديتسينالىق كومەكتىڭ كولەمى. 2. قازاقستان رەسپۋبليكاسىندا كاسىپتىك پاتولوگيا بويىنشا مەديتسينالىق كومەك كورسەتەتىن ۇيىمدار قىزمەتتەرىنىڭ نەگىزگى باعىتتارى 6. قازاقستان رەسپۋبليكاسىندا كاسىپتىك پاتولوگيا بويىنشا مەديتسينالىق كومەك كورسەتەتىن مەديتسينالىق ۇيىمداردىڭ (بۇدان ءارى – مۇ) ماقساتى زياندى جانە قاۋىپتى وندىرىستىك فاكتورلاردىڭ اسەرىنەن بولاتىن كاسىپتىك اۋرۋلاردى ەرتە انىقتاۋ جانە تومەندەتۋ, مۇگەدەكتىكتى تومەندەتۋ ارقىلى قازاقستان رەسپۋبليكاسىنىڭ جۇمىس ىستەيتىن حالىقتىڭ كۇتىلەتىن ەڭبەككە قابىلەتتىلىگى مەن ءومىر ءسۇرۋ ۇزاقتىن ۇلعايتۋ بولىپ تابىلادى. 7. حالىققا كاسىپتىك پاتولوگيا بويىنشا مەديتسينالىق كومەك پروفيلاكتيكاعا, دياگنوستيكالاۋعا, قالپىنا كەلتىرىپ ەمدەۋگە جانە مەديتسينالىق وڭالتۋعا باعىتتالعان ءىس-شارالاردى دەر كەزىندە وتكىزۋ ءۇشىن امبۋلاتوريالىق-ەمحانالىق, ستاتسيونارلىق, ستاتسيوناردى الماستىراتىن نىسانداردا تمككك شەڭبەرىندە كورسەتىلەدى. 8. مۇ نەگىزگى قىزمەتتەرى, فۋنكتسيالارى № 374 بۇيرىقپەن ايقىندالعان. 9. زياندى جانە (نەمەسە) قاۋىپتى ەڭبەك جاعدايلارىندا جۇمىس ىستەيتىن ادامدارعا الدىن الا جانە مەرزىمدىك مەديتسينالىق تەكسەرىپ-قاراۋلار وتكىزۋدى ۇيىمداستىرۋ: «مىندەتتى مەديتسينالىق قاراپ تەكسەرۋدى وتكىزۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشىنىڭ 2015 جىلعى 24 اقپانداعى №128 بۇيرىعىنا (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە №10634 بولىپ تىركەلگەن) (بۇدان ءارى – № 128 بۇيرىق); «مىندەتتى مەديتسينالىق قاراپ تەكسەرۋ وتكىزىلەتىن زياندى وندىرىستىك فاكتورلاردىڭ, كاسىپتەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 28 اقپانداعى № 175 بۇيرىعىنا (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 10987 بولىپ تىركەلگەن) (بۇدان ءارى – № 175 بۇيرىق); «اۋىر جۇمىستار, ەڭبەك جاعدايلارى زياندى (ەرەكشە زياندى) زياندى جانە (نەمەسە) قاۋىپتى جۇمىستار سالاسىندا, جەراستى جۇمىستارىنا ەڭبەك شارتتارىن جاساسۋ ءۇشىن, سونداي-اق حالىقتىڭ دەكرەتتەلگەن توبىنداعى ادامداردى جۇمىسقا جىبەرۋ ءۇشىن مەديتسينالىق قارسى كورسەتىلىمدەر تىزبەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 مامىرداعى № 379 بۇيرىعىنا (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 11466 بولىپ تىركەلگەن) (بۇدان ءارى – №379 بۇيرىق) سايكەس جۇرگىزىلەدى. 10. الدىن الا جانە مەرزىمدىك مەديتسينالىق تەكسەرىپ-قاراۋ ناتيجەلەرىنىڭ قورىتىندىسى № 379 بۇيرىقپەن بەكىتىلگەن كاسىبى بويىنشا مىندەتتەردى ورىنداۋعا جارامدىلىعىن انىقتاۋ كەزىندە مەديتسينالىق قارسى كورسەتىلىمدەر تىزبەسىن ەسكەرە وتىرىپ, № 175 بۇيرىققا سايكەس بەرىلەدى. 11. مۇ مەدتەكسەرىپ – قاراۋ ناتيجەسى بويىنشا, ودان ءارى باقىلاۋ, ەمدەۋ جانە وڭالتۋ بويىنشا كەلەسى ديسپانسەرلىك توپتاردى قالىپتاستىرادى: 1) د1 – وڭالتۋعا مۇقتاج ەمەس دەنى ساۋ جۇمىسكەرلەر; 2) د2 – ءارتۇرلى اعزالارى مەن جۇيەلەرىنىڭ تۇراقسىز فۋنكتسيالىق وزگەرىستەرى بار ءىس جۇزىندە دەنى ساۋ جۇمىسكەرلەر; 3) د3 – جالپى اۋرۋلاردىڭ باستاپقى نىساندارىمەن اۋىراتىن جۇمىسكەرلەر; 4) د4 – ماماندىعى بويىنشا جۇمىسىن جالعاستىرۋعا قارسى كورسەتىلىمدەرى بار, سونداي-اق كورسەتىلىمدەرى جوق جالپى اۋرۋلاردىڭ ايقىن نىساندارىمەن اۋىراتىن جۇمىسكەرلەر; 5) د5 – اعزاعا زياندى وندىرىستىك فاكتورلاردىڭ اسەر ەتۋ بەلگىلەرى بار جۇمىسكەرلەر; 6) د6 – كاسىپتىك اۋرۋ بەلگىلەرى بار جۇمىسكەرلەر. 12. ۇيىم جۇمىسكەرلەرىنە دارىگەرگە دەيىنگى مەديتسينالىق كومەك كورسەتۋ جانە ەمدەۋ-پروفيلاكتيكالىق ءىس-شارالار كەشەنىن وتكىزۋ ءۇشىن كاسىپورىنداردىڭ جانىنان «مەديتسينالىق كومەكتىڭ تۇرلەرى مەن كولەمدەرى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 7 جەلتوقسانداعى № 1481 قاۋلىسىنا سايكەس مەديتسينالىق پۋنكت ۇيىمداستىرىلادى 13. مەديتسينالىق پۋنكت مەنشىك نىسانى مەن ۆەدومستۆولىق تيىستىلىگىنە قاراماستان, سونداي-اق وسى ۇيىمعا قىزمەت كورسەتەتىن ەلدىمەكەندەردەن تىس ورنالاسقان مۇ-نىڭ قۇرىلىمدىق بولىمشەسى بولىپ تابىلادى. 14. مەديتسينالىق پۋنكتىڭ جۇمىسىن وسى ۇيىمعا قىزمەت كورسەتەتىن مۇ نەمەسە اۋماقتىق قاعيدات بويىنشا مۇ ۇيلەستىرەدى. 15. مەديتسينالىق پۋنكتىڭ مامانى ۇيىم جۇمىسكەرلەرىنە مەديتسينالىق-سانيتاريالىق العاشقى (دارىگەرگە دەيىنگى مەديتسينالىق كومەك) كومەك كورسەتەدى, وعان: 1) ءجىتى جانە سوزىلمالى اۋرۋلار, جاراقاتتار, ۋلانۋلار مەن باسقا دا شۇعىل جاعدايلار كەزىندە جۇمىسكەرلەرگە دارىگەرگە دەيىنگى جانە شۇعىل مەديتسينالىق كومەك كورسەتۋ; 2) مەديتسينالىق ۇيىمدارعا ناۋقاستار مەن زارداپ شەككەندەردى تاسىمالداۋدى ۇيىمداستىرۋ; 3) دارىگەردىڭ تاعايىنداۋلارىن ورىنداۋ; 4) دارىگەردىڭ تاعايىنداۋلارىنا (ينەكتسيالار, تاڭۋلار, فيزيوەمشارالار) سايكەس ەمدەۋ جانە وڭالتۋ ءىس-شارالارىن وتكىزۋ; 5) پروفيلاكتيكالىق ەكپەلەر جۇرگىزۋ (قىزمەتكەرلەردىڭ رۇقساتى بولعان جاعدايدا); 6) بىلىكتى مەديتسينالىق كومەك الۋعا جولداما; 7) جۇمىسكەردىڭ مەرزىمدىك مەديتسينالىق قاراپ-تەكسەرۋدەن ۋاقتىلى ءوتۋىن مونيتورينگىلەۋ; 8) كاسىپورىننىڭ اۋماعىندا سانيتاريالىق-ەپيدەميولوگيالىق (پروفيلاكتيكالىق) ءىس-شارالار وتكىزۋ; 9) كاسىپورىن جۇمىسكەرلەرىنىڭ اراسىندا بۇقارالىق اقپارات قۇرالدارىن پايدالانا وتىرىپ, ءتۇسىندىرۋ جۇمىستارىن جۇرگىزۋ, اۋرۋدىڭ پروفيلاكتيكاسى جانە سالاماتتى ءومىر سالتىن قالىپتاستىرۋ بويىنشا ستەندتەردى جانە كورنەكتى اقپاراتتى رەسىمدەۋ; 10) جەدەل جانە داعدارىس جاعدايىندا وزىنە-ءوزى جانە ءوزارا كومەك كورسەتۋ, ءوزىن-ءوزى ساقتاۋ مىنەز-ق ۇلىق داعدىلارىن ءسىڭىرۋ ادىستەرىنە كاسىپورىن جۇمىسكەرلەرىن وقىتۋ ارقىلى ازاماتتاردىڭ دەنساۋلىعىن ساقتاۋ پروتسەسىنە قاتىستىرۋ; 11) پروفيلاكتيكالىق تەكسەرىپ-قاراۋلاردىڭ جانە سكرينينگتىك زەرتتەۋلەردىڭ ناتيجەلەرى بويىنشا كاسىپتىك اۋرۋلاردىڭ قاۋىپ فاكتورلارى بار جۇمىسكەرلەردى باقىلاۋ; 12) ۇيىم (كاسىپورىن) جۇمىسكەرلەرىنىڭ سانيتاريالىق-ەپيدەميولوگيالىق جاعدايىن جاقسارتۋ بويىنشا ۇسىنىستاردى ەنگىزۋ; 13) پروفيلاكتيكالىق جانە ساۋىقتىرۋ ءىس-شارالار كەشەنىن ازىرلەۋگە جانە وتكىزۋگە, ونىڭ ىشىندە كاسىپورىندارداعى مەرزىمدىك مەديتسينالىق قاراپ-تەكسەرۋلەردىڭ ناتيجەلەرى بويىنشا ۇسىنىمداردىڭ ورىندالۋ بارىسىن قاداعالاۋعا قاتىسۋ; 14) «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن (مەملەكەتتىك نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) (بۇدان ءارى - № 907 بۇيرىق) بەكىتىلگەن نىسان بويىنشا مەديتسينالىق قۇجاتتاردى ەسەپكە الۋ-ەسەپتىلىك جۇرگىزۋ. 16. اۋىسىم الدى مەديتسينالىق كۋالاندىرۋ جۇمىس اۋىسىمىنىڭ باستالۋىنان 1 ساعات جانە 30 مينۋت بۇرىن جۇرگىزىلەدى. 17. مۇ كاسىپورىننىڭ مەديتسينالىق پۋنكتىمەن بىرلەسىپ, جىل سايىن ديسپانسەرلىك توپ جۇمىسشىلارىنا ساۋىقتىرۋ ءىس-شارالارىن ازىرلەيدى جانە جۇزەگە اسىرادى, وڭالتۋ, پروفيلاكتيكالىق ەمدەۋ-دياگنوستيكالىق ءىس-شارالاردى وتكىزەدى. 18. كاسىپورىن جۇمىسكەرلەردىن ديسپانسەرلەۋ, كاسىپتىك اۋرۋلارى بار ادامداردى ديسپانسەرلەۋ جانە مەديتسينالىق وڭالتۋ كاسىپورىنعا قىزمەت كورسەتەتىن نەمەسە جۇمىسكەردىڭ تىركەلگەن جەرى بويىنشا دەنساۋلىق ساقتاۋ ۇيىمدارىنا جۇكتەلەدى. 19. كاسىپورىندارداعى جۇمىسكەرلەردى ديسپانسەرلەۋدى, كاسىپتىك اۋرۋلارى بار ادامداردى ديسپانسەرلەۋ جانە مەديتسينالىق وڭالتۋدى باقىلاۋ وبلىستىق (قالالىق) كاسىپتىك پاتولوگيا كابينەتتەرىنە جۇكتەلەدى. 20. مۇ دارىگەرى مەرزىمدىك مەديتسينالىق قاراپ-تەكسەرۋ نەمەسە جۇمىسكەردىڭ بەلسەندى قارالۋى كەزىندە انىقتالعان كاسىپتىك پاتولوگيالىق اۋرۋ بەلگىلەرى بار جۇمىسكەرلەردى كاسىپتىك پاتولوگ دارىگەرگە كونسۋلتاتسيا الۋ ءۇشىن جىبەرەدى. 21. كاسىپتىك پاتولوگ دارىگەر جۇمىسكەردىڭ ەڭبەك قىزمەتىن راستايتىن قۇجاتتارىن, الدىن الا جانە مەرزىمدىك مەديتسينالىق قاراپ-تەكسەرۋلەردىڭ دەرەكتەرىن, جۇمىسكەر اۋرۋىنىڭ انامنەزىن زەردەلەيدى. قاجەت بولعان جاعدايدا قوسىمشا مەديتسينالىق زەرتتەپ-قاراۋلارعا جىبەرەدى. 22. جۇمىسكەردىڭ ەڭبەك جاعدايىنا سانيتاريالىق-ەپيدەميولوگيالىق سيپاتتامانى ۇسىنۋ ءۇشىن كاسىپورىنعا قىزمەت كورسەتەتىن مۇ-نىڭ باسشىسى نەمەسە اۋماقتىق مۇ-نىڭ باسشىسى قازاقستان رەسپۋبليكاسى حالقىنىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگاننىڭ ۆەدومستۆوسىنىڭ اۋماقتىق بولىمشەسىنە سۇراتۋ جىبەرەدى. 23. قازاقستان رەسپۋبليكاسى حالقىنىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ اۋماقتىق بولىمشەسى جۇمىسكەردىڭ ەڭبەك جاعدايىنىڭ سانيتاريالىق-ەپيدەميولوگيالىق سيپاتتاماسىن جاسايدى جانە وندىرىستىك ورتانىڭ زەرتتەلۋى جوق بولعان جاعدايدا عىلىمي ادەبيەت, ۇلگىلەۋ دەرەكتەرىن, سونداي-اق «حالىقتىڭ ينفەكتسيالىق جانە پارازيتتىك, كاسىپتىك اۋرۋلارى مەن ۋلانۋ جاعدايلارىن تەكسەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 23 ماۋسىمداعى № 440 بۇيرىعىنا (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 11748 بولىپ تىركەلگەن) (بۇدان ءارى - № 440 بۇيرىققا) سايكەس ۇقساس كەڭ تاراعان وندىرىستىك جاعدايلاردىڭ جاساندىلىعىن ەسەپكە الادى. 24. ورتالىقتىڭ كلينيكاسىنا جانە ونىڭ فيليالدارىنا جىبەرەدى: 1) كاسىپورىنعا قىزمەت كورسەتەتىن دەنساۋلىق ساقتاۋ ۇيىمى; 2) جۇمىسكەردىڭ تىركەلگەن تۇرعىلىقتى جەرى بويىنشا دەنساۋلىق ساقتاۋ ۇيىمى; 3) كاسىپتىك پاتولوگيا كابينەتتەرى; 4) كۇردەلى جانە داۋلى جاعدايلار ورىن العان كەزدە ورتالىق فيليالدارىنىڭ كلينيكالارى جۇزەگە اسىرادى. 25. كاسىپتىك پاتولوگيا كابينەتىنىڭ جانە (نەمەسە) مۇ كاسىپتىك پاتولوگ دارىگەرى كاسىپتىك اۋرۋلارعا كۇدىكتى جانە اۋىراتىن ادامداردىڭ ورتالىقتىڭ كلينيكاسىنا ۋاقتىلى زەرتتەپ-قارالۋىن, ەمدەلۋىن جانە جىبەرىلۋىن قامتاماسىز ەتەدى. 26. ورتالىقتىڭ كلينيكاسىنا جىبەرۋ تۋرالى ماسەلە وسى كاسىپورىنعا قىزمەت كورسەتەتىن مۇ دارىگەرلىك-كونسۋلتاتسيالىق كوميسسياسى شەشەدى نەمەسە اۋماقتىق قاعيدات بويىنشا شەشىلەدى. 27. كاسىپتىك اۋرۋلارعا كۇدىگى بار ادامداردى ورتالىقتىڭ كلينيكاسىنا زەرتتەپ-قاراۋعا جىبەرۋ كەزىندە زياندى جانە قاۋىپتى ەڭبەك جاعدايىنداعى جۇمىس ءوتىلى - ينفەكتسيالىق جانە اللەرگيالىق ەتيولوگيا مەن ۋلانۋ اۋرۋلارىن قوسپاعاندا, زياندى جانە قاۋىپتى ەڭبەك جاعدايىندا ۇزدىكسىز ەڭبەك ءوتىلى 8 جىلدان كەم ەمەس ۇزدىكسىز ءوتىلى ەسەپكە الىنادى. 28. ورتالىقتىڭ كلينيكاسىنا زەرتتەپ-قاراۋعا زياندى جانە قاۋىپتى ەڭبەك جاعدايىندا جۇمىسىن توقتاتقاننان كەيىن كاسىپتىك اۋرۋلارعا كۇدىگى بار پاتسيەنتتەر ءۇش جىل بويى جىبەرىلەدى. 29. ورتالىقتىڭ كلينيكاسىنا پاتسيەنتتى ەمدەۋگە جاتقىزۋعا جىبەرۋ № 440 بۇيرىققا سايكەس قۇجاتتار توپتاماسى بولعان جاعدايدا عانا جۇزەگە اسىرىلادى. 30. ورتالىقتىڭ كلينيكاسىنا ەمدەۋگە جاتقىزۋ «تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە ستاتسيونارعا جوسپارلى ەمدەۋگە جاتقىزۋ بيۋروسى پورتالى ارقىلى ۇيىمداستىرۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 3 تامىزداعى № 492 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6380 بولىپ تىركەلگەن) سايكەس جۇرگىزىلەدى. 31. مەديتسينالىق ۇيىمداعى كاسىپتىك پاتولوگيا كابينەتى مەن كاسىپتىك پاتولوگيا بولىمشەسىنىڭ جۇمىسىن ۇيىمداستىرۋ № 374 بۇيرىققا سايكەس جۇرگىزىلەدى. 32. پاتسيەنتتىڭ اۋرۋىنىڭ انامنەزى, ەڭبەك جاعدايى, مەديتسينالىق قاراپ-تەكسەرۋلەردىڭ ناتيجەلەرى تۋرالى تولىق ەمەس اقپاراتتار ۇسىنىلعان جاعدايدا: 1) پاتسيەنتتى جىبەرگەن دەنساۋلىق ساقتاۋ ۇيىمىنا; 2) جۇمىس بەرۋشىگە; 3) قازاقستان رەسپۋبليكاسى حالقىنىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ اۋماقتىق بولىمشەلەرىنە قوسىمشا اقپاراتقا سۇراتۋ رەسىمدەلەدى. 33. ورتالىقتىڭ كونسۋلتاتسيالىق-دياگنوستيكالىق بولىمشەسىنىڭ مامانى الدىن الا دياگنوز قويادى, كلينيكالىق حاتتامالارعا سايكەس زەرتتەپ-قاراۋلار مەن ەمدەۋدى تاعايىندايدى. 34. پاتسيەنتتى زەرتتەپ-قاراۋ ورتالىقتىڭ كونسۋلتاتسيالىق-دياگنوستيكالىق بولىمشەسى نەمەسە ستاتسيوناردىڭ بولىمشەلەرى جاعدايىندا جۇرگىزىلەدى. 35. قۇرامىندا دارىگەر, بولىمشە مەڭگەرۋشىسى جانە كونسۋلتانت (جوعارى بىلىكتى كاسىپتىك پاتولوگ مامان, مەديتسينا عىلىمدارىنىڭ دوكتورى نەمەسە كانديداتى) بار دارىگەرلىك ساراپتاۋ كوميسسياسى (بۇدان ءارى – دسك) پاتسيەنتتىڭ زەرتتەپ-قاراۋ ناتيجەلەرىن تالداپ, اۋرۋدىڭ اسقىنۋلارىن جانە قوسالقى پاتولوگياسىن كورسەتە وتىرىپ, تولىق كلينيكالىق دياگنوزىن بەلگىلەيدى. 36. كاسىپتىك اۋرۋدىڭ كلينيكالىق دياگنوزى (ونىڭ ورىندايتىن جۇمىسىنا نەمەسە ماماندىعىنا بايلانىسى) № 379 بۇيرىقپەن بەكىتىلگەن كاسىپتىك اۋرۋلار مەن ۋلانۋلار تىزبەسىنە سايكەس سانيتاريالىق-ەپيدەميولوگيالىق سيپاتتامادا, اۋرۋ انامنەزىندە, كلينيكالىق دەرەكتەرىدە, زەرتتەپ-قاراۋ ناتيجەلەرىندە, كورسەتىلگەن زياندى جانە قاۋىپتى ەڭبەك جاعدايىنا, پاتسيەنتتىڭ كاسىبي باعدارىنىڭ نەگىزىندە بەلگىلەنەدى. 37. ەمدەۋشى دارىگەر پاتسيەنتتى № 440 بۇيرىققا سايكەس اۋرۋلاردىڭ سايكەس بەيىنىنە بايلانىستى كاسىپتىك پاتولوگيا جونىندەگى ساراپتاۋ كوميسسياسىنا جىبەرەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 3 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13386 بولىپ ەنگىزىلدى.