قازاقستان رەسپۋبليكاسىنىڭ ۇلتتىق برەندىن انىقتاۋ جونىندەگى بايقاۋدىڭ ۇيىمداستىرۋ كوميتەتى وتىنىمدەر قابىلداۋدى 2017 جىلدىڭ 15 قازانىنا دەيىن ۇزارتۋ تۋرالى شەشىم قابىلدادى. بۇل تۋرالى اقپارات جانە كوممۋنيكاتسيالار ءمينيسترى داۋرەن اباەۆ فەيسبۋكتەگى پاراقشاسىندا حابارلادى.
– بايقاۋعا قازىرگى كۇنگە دەيىن 260 جۇمىس كەلىپ ءتۇستى. بۇل جۇمىستارعا قاراپ, ەل داڭقىن اسقاقتاتۋعا دەگەن قۇشتارلىقتى كورۋگە بولادى. دەگەنمەن, سوڭعى اپتادا مينيسترلىكتىڭ اتىنا بايقاۋ مەرزىمىن ۇزارتۋ جونىندە كوپتەگەن ءوتىنىش ءتۇستى. ولاردىڭ كوپشىلىگى بايقاۋ تۋرالى دەر كەزىندە ەستىپ ۇلگەرمەگەنىن العا تارتۋدا. وسى ورايدا ءبىز كوپشىلىكتىڭ ۇسىنىس-تىلەگىن ەسكەرگەندى ءجون كورىپ وتىرمىز, — دەدى د.اباەۆ.
سونداي-اق, مينيستر ءوز پاراقشاسىندا ءالى ىرىكتەلىپ الىنباعان, كەزدەيسوق تاڭدالعان بىرنەشە جۇمىستى ەل نازارىنا ۇسىندى.
ەگەمەن-اقپارات
