"نۇر وتاننىڭ" ستراتەگيالىق زەرتتەۋلەر ورتالىعى اشىلدى

كەشە «نۇر وتان» پارتياسىنىڭ ساياسي تالداۋ جانە ستراتەگيالىق زەرتتەۋلەر ورتالىعىن جۇرتشىلىققا تانىستىرۋ ءراسىمى ءوتتى. مەملەكەت باسشىسىنىڭ تاپسىرماسىمەن اشىلعان ورتالىق پارتيا قىزمەتتەرىنە تالداۋ جاساۋدى قامتاماسىز ەتەدى. ورتالىقتىق اشىلۋ سالتاناتىندا پارتيا توراعاسىنىڭ ءبىرىنشى ورىنباسارى مۇحتار قۇل-مۇحاممەد: «2016 جىلدىڭ 6 مامىرىندا وتكەن «نۇر وتان» پارتياسى ساياسي كەڭەسىنىڭ وتىرىسىندا نۇرسۇلتان نازارباەۆ جەتەكشى ساياسي كۇش رەتىندە پارتيانىڭ يدەيالار گەنەراتورى بولۋى كەرەكتىگىن, ول ءۇشىن وزىندىك مىقتى تالداۋ ورتالىعىن قۇرۋ قاجەتتىگىن اتاپ ءوتتى. بۇگىندە بىزدەر ەلباسىمىزدىڭ تاپسىرماسىن ءساتتى جۇزەگە اسىردىق دەپ ماقتانىشپەن ايتا الامىز», – دەدى. سونىمەن قاتار, ول: «بەل­گىلى «وي فابريكالارىن» جۇزە­گە اسىرۋدىڭ الەمدىك ءتاجىري­بەسىن جان-جاقتى زەرتتەۋ نەگى­زىندە بۇگىن جاڭا ورتالىق ءوز جۇ­مىسىن باستايدى. وسىعان وراي, ءبىز الەمنىڭ دامىعان ەلدەر­ىن­دەگى ەڭ جەتەكشى پارتيا­لاردىڭ اناليتيكالىق قۇرىلىم­دارى­نىڭ جۇمىسىن سارالاي كەلىپ, سىزدەردىڭ نازارلارىڭىزعا جا­ڭا ورتالىقتىڭ اشىلعانىن قۋا­نىشپەن حابارلايمىز. بۇل ورتا­لىق ەلباسىمىز ۇسىنعان قالىپ­تاسقان مەملەكەتتىڭ جاڭا ساياسي, ستراتەگيالىق باعىتىن ءجۇ­زەگە اسىرۋدى تالدامالىق جا­عىنان قامتاماسىز ەتەتىن بولادى», – دەدى. ورتالىقتى الەۋمەتتىك عى­لىمدار كانديداتى يۋليا كۋ­چينسكايا باسقارادى. اشىلۋ سال­تاناتىندا ول الەمدە وسى­عان ۇقساس 6500-دەن استام تال­داۋ الاڭى بار ەكەنىن اتاپ ءوتتى. «وزدەرىنىڭ ستراتەگيالارىن جاساپ, الەۋمەتتىك-ەكونوميكالىق ءىس-ارەكەتتەرىن جەتىلدىرۋدە, سونداي-اق, ساياسي شەشىمدەر قابىلداۋدا سايا^­سي پارتيالار تالداۋ ماتەريال­دارى مەن زەرتتەۋ توپتارىنىڭ بولجامدارىنا سۇيەنەدى. ەندى بىزدە دە اقش, ۇلىبريتانيا, رەسەي, قى­تاي, جاپونيا جانە ەۋروپالىق وداق­تىڭ جەتەكشى ساياسي پارتيالارى سەكىلدى وزىندىك «وي فابريكامىز» بار», – دەدى يۋليا كۋچينسكايا. ستراتەگيالىق زەرتتەۋلەر ور­تا­­لىعىنىڭ باسىم باعىتتارى: جا­­ھاندىق ۇدەرىستەگى قازاقستان, جاڭا شىنايىلىقتاعى اقىلدى ەكو­نو­ميكا, اقپاراتتىق قاۋىپسىزدىك, مەملە­كەتتىك جانە ساياسي باعدارلا­ما­لار­دىڭ ناتيجەلىلىگىن باقىلاۋ, پار­تيالىق جۇيەنىڭ دامۋى, قو­عامدىق پىكىرگە باقىلاۋ جانە بول­جاۋ جاساۋ. قازىردىڭ وزىندە ورتالىقتا 30 تالداۋشى مەن ساراپشى جۇمىس ىستەيدى. ولاردىڭ اراسىندا عىلىم دوكتورلارى مەن كانديداتتارى, PhD دوكتورانتتارى مەن ماگيسترانتتارى, «بولاشاق» باعدارلاماسى مەن نازارباەۆ ۋنيۆەرسيتەتتىڭ تۇلەك­تەرى بار. ساراپشىلىق قاۋىم­داس­تىقپەن بىرلەسكەن جۇمىس شەڭ­بەرىندە ورتالىق «Sarap Time» پىكىرسايىس جانە كيپر تالداۋ كلۋب­تارىمەن ءوزارا قارىم-قاتىناس جاسايدى. ورتالىق جانىندا «زەر­دە» ساراپتاما كلۋبى بار. بۇل – ەلى­مىز­دىڭ الەۋمەتتىك-ەكونوميكالىق جانە ساياسي دامۋىنا قاتىستى وزەك­تى سۇراقتار بويىنشا عالىمدار مەن ساراپشىلاردىڭ پىكىر-تالاس الاڭى بولىپ تابىلادى. شەتەل مامان­دارىنىڭ تاجىريبەلەرىن تارتۋ ءۇشىن ورتالىق جانىندا حالىق­ارالىق ساراپتامالىق كەڭەس قۇرى­ل­عان. كەڭەس قۇرامىنا ءىرى ساراپ­تامالىق «وي ترەستەرى» مەن الەم ۋنيۆەرسيتەتتەرىنىڭ, اتاپ ايتقاندا, اقش, ۇلىبريتانيا, نيدەرلاند, رەسەي, يزرايل, سينگاپۋر, جاپو­نيا جانە وڭتۇستىك كورەيادان وكىل­دەر كىرگەن. ءاليسۇلتان قۇلانباي, «ەگەمەن قازاقستان»