جۇيرىكتەن جۇيرىك وزار جارىسقاندا

Eۋرازيالىق توپ (ERG) وتكىزگەن العاشقى سپارتاكيادا ساڭلاقتاردى انىقتادى جاقىندا اقسۋ قالاسىندا سپورتتىڭ 7 تۇرىنەن باسەكە بولدى. ەۋرازيالىق توپتىڭ (ERG)  ەنشىلەس كاسىپورىندارىنان ىرىكتەلىپ كەلگەن تاڭداۋلى ساڭلاقتار العاشقى كورپوراتيۆتىك سپارتاكيادادا باق سىنادى. جارىسقا ەلىمىزدىڭ التى وڭىرىندەگى وندىرىستىك كاسىپورىنداردان قۇرالعان توعىز قۇراما كوماندا ساپىندا جالپى سانى 500-گە جۋىق سپورتشى قاتىستى. «دوستىق» ستاديونىندا وتكەن ERG سپارتاكياداcىنىڭ اشى­لۋ سالتاناتى اقسۋلىقتارعا ەرەك­شە قۋانىش سىيلادى. ۇيىم­داس­­تىرۋشىلار ارتىستەر توبىن جۇ­­مىلدىرىپ, قالانىڭ كەمەل تاري­حىن, ەۋرازيالىق توپ كاسىپ­ورىندارىن تۇگەل قامتيتىن تەاتر­لاندىرىلعان كورىنىس ۇيىم­داستىردى. سپارتاكيادا الاۋىن جاعۋ ءرا­سىمى ءوز الدىنا ەرەكشە سالتانات رەتىندە جۇرتشىلىقتىڭ جانارىن ءجىپسىز بايلادى. ءاۋ باستا جارىس الاۋىن اقسۋ فەرروقورىتپا زاۋىتىنىڭ №21 پەشىنەن كاسىپ­ورىننىڭ بالقىتۋشى-بريگاديرى ءارى كۇرەستەن قازاقستان رەسپۋب­ليكاسىنىڭ ەڭبەك سىڭىرگەن جات­تىق­تىرۋشىسى ەركىن شابانباي تۇتاتىپ الىپ بەردى. جارىس الاۋىن قوجدى قايتا وڭدەۋ تسەحىندا كونۆەيەر ءماشينيسى بولىپ ەڭبەك ەتەتىن پولياتلوننان قازاقستاننىڭ ءابسوليۋتتى چەمپيونى ەۆگەني مۋزۋر لاۋلاتىپ زاۋىتتان شىعارىپ شاڭعىمەن جۇگىرۋدەن سپورت شەبەرى يرينا باكرادەنوۆاعا تاپسىردى. ال كاسىپورىننىڭ جاس مامانى,  ءجون­دەۋ-قۇرىلىس تسەحىنىڭ گاز­ەلەكتر دانەكەرلەۋشىسى ارمان اح­مەنوۆ ERG-ءدىڭ العاشقى سپار­ت­اكياداسىنىڭ الاۋىن جاقتى. – اقسۋ – ايرىقشا قالا. مۇن­داعى فەرروقورىتپا زاۋىتىندا ەۋرازيالىق توپتىڭ ساپىندا ون مىڭنان استام ادام تۇراقتى ەڭبەك ەتىپ ءجۇر. ءبىزدىڭ باسىم باعىتتاردىڭ ءبىرى – وندىرىستىك كاسىپورىندارىمىز ورنالاسقان وڭىرلەردىڭ دامۋىنا ىقپال ەتۋ. سول سەبەپتى ءبىز اقسۋ قالاسى مەن جالپى پاۆلودار وبلىسىنىڭ دامۋىنا قوماقتى كولەمدە الەۋمەتتىك ينۆەستيتسيالارىمىزدى باعىتتاپ وتىرمىز. سىزدەر ونى جاقسى بىلەسىزدەر دەپ ويلايمىن. ويتكەنى, قالادا جاڭا تۇرعىن ۇيلەر بوي كوتەرىپ, بالالار ويىن الاڭدارى اباتتاندىرىلىپ, كەرەمەت سپورت سارايى سالىندى. سونىمەن قاتار, بيىل ءبىز ريوداعى وليمپيادا ويىندارىنا اتتانعان ۇلتتىق قۇراما كومانداسىنا قولداۋ كورسەتتىك. ءبىزدىڭ بۇگىنگى سپارتاكيادامىز دا ەستافەتانى برازيليادان قابىلداپ الىپ وتىر. مەن وليمپيادانىڭ اشىلۋ سالتاناتىنا قاتىسىپ قايتتىم. ايتايىن دەگەنىم ءبۇ­گىنگى سالتاناتتىڭ اۋانى ودان ەش كەم تۇسپەيدى,– دەدى ERG-ءدىڭ باس ات­قارۋشى ديرەكتورى بەنەديكت سوبوتكا. – بۇل تەڭدەسسىز اۋقىمدى سپورت شاراسىنىڭ قازاقستان رەس­پۋبليكاسى تاۋەلسىزدىگىنىڭ 25 جىل­دىعى مەن اقسۋ قالاسىنىڭ 55 جىلدىعى سىندى مەرەيلى كەزەڭ­دەرمەن تۇسپا-تۇس كەلۋى كەزدەي­سوق­تىق ەمەس,– دەدى پاۆ­لودار وبلىسىنىڭ اكىمى بولات باقاۋوۆ. – ەۋرازيالىق توپتىڭ ءبىزدىڭ وندىرىستىك ولكەمىزدىڭ وركەن­دەۋىنە قوسىپ جاتقان ۇلەسى سۇبەلى. وسى ورايدا ERG كومپانياسى مەن پاۆلودار وبلىسى اكىمدىگى اراسىنداعى ارىپتەستىككە دەگەن الەۋمەتتىك جاۋاپكەرشىلىكتى بارىنەن جوعارى باعالاۋعا لايىق ەكەنىن ايتقىم كەلەدى. ەۋرازيالىق توپ تەك «ەرتىس» فۋتبول كلۋبىن قارجىلاندىرۋمەن شەكتەلمەي, ءتۇرلى سپورتتىق شارالار وتكىزىپ, باستىسى سپورت نىساندارىن سالۋ ارقىلى وبلىستاعى بۇقارالىق سپورتتىڭ دامۋىنا بارىنشا جاعداي جاساپ وتىر. ماسەلەن, وسى اقسۋ قالاسىندا تاياۋدا جابىق حوككەي كورتى اشىلادى. – «قازحروم» كومپانياسى 13 جىل بويى ءوز قىزمەتكەرلەرى ارا­سىندا كورپوراتيۆتىك سپورت ويىن­دارىن تۇراقتى وتكىزىپ كەلەدى. سول سەبەپتى مەن وسى ىشكى سپارتاكيادالار ءورىسىن كەڭگە جايىپ, جالپى توپتىق دەڭگەيگە شىققانىنا ەرەكشە قۋانىشتىمىن. بۇل ۇلكەن جەتىستىك. ءبىز قاشان دا ۇجىمدا سالاماتتى ءومىر سالتىن ناسيحاتتاپ, قىزمەتكەرلەرگە قاجەتتى جاعداي جاساپ كەلەمىز. سول سەبەپتى ەندىگى جەردە سالاماتتى ءومىر سال­تىن ۇستاناتىن ەۋرازيالىق توپ قىزمەتكەرلەرىنىڭ قاتارى كو­بەيە تۇسەرىنە سەنىمدىمىن, – دەپ ا­تاپ ايتتى «قازحروم» تۇك» اق پرەزيدەنتى ۆيكتور تيل. سپورت الاڭدارىنداعى باسەكەنىڭ تارتىسى دا وليمپيادا ويىندارىنان ەش كەم تۇسپەدى. كاسىبي سپورتشى ەمەستىگىنە قاراماستان, سايىسقا ۇجىمدار ابدەن شىنىعىپ, بابىندا كەلىپتى. وندىرىستىك كاسىپورىندا ەڭبەك ەتىپ جۇرگەن مەتاللۋرگتەردىڭ قايراتى, بالقىتۋشىلاردىڭ جا­لىنى, شاحتەرلەردىڭ جىگەرى, ەنەر­گە­تيكتەردىڭ قۋاتى مەن كولىك سالاسى قىزمەتكەرلەرىنىڭ شاپ­شاڭدىعى سىنعا ءتۇستى. مىنە, وسىنداي باپتانىپ كەلگەن ۇزدىكتەردەن جاساقتالعان ۇجىمدار قالانىڭ بارلىق الاڭدارىندا ءبىر مەزەتتە شاعىن-فۋتبول, ۆولەيبول, باس­كەتبول, ۇستەل تەننيسى مەن جەڭىل اتلەتيكا, گىر تاسىن كوتەرۋ سپورتى مەن شاحماتتان مىقتىلاردى انىقتادى. كوماندالىق سپورت تۇرلەرىندە ءتىپتى كاسىپورىننىڭ قۇراماسىن قولداۋعا كەلگەن جان­كۇيەرلەر اراسىندا دا باسەكە قىزدى. سويتە تۇرا, ERG سپورتشىلارى سپارتاكيادادا شىنايى دوستىق ءىلتيپات تانىتىپ, ءتىپتى وسال كوماندالارعا دا قىزۋ قولداۋ كورسەتىپ جاتتى. سپورت ۇزىكتەرى س­پار­تا­كيادا­نىڭ جابىلۋ سالتاناتىندا ماراپاتتالدى. جەكەلەي جانە كومان­دالىق سايىستا توپ جارعان ۇزدىك­تەر تۇعىرعا كوتەرىلىپ, مەدال, كۋبوكتاردان بولەك, اقشالاي سىيلىقتارمەن ماراپاتتالدى. ءتورت كۇندىك تارتىستى سىننىڭ ناتيجەسىندە «قازحروم» ۇك» اق قىزمەتكەرلەرى گىر تاسىن كوتەرۋ, جەڭىل اتلەتيكا مەن باسكەتبول باسەكەلەرىندە الدىنا جان سالمادى. ۆولەيبولدان ەرلەر اراسىندا «قازاقستان ءاليۋمينيى» اق ۇجىمى الدا بولسا, ايەلدەر اراسىندا «ەەك» اق كومانداسى قارسىلاس شاق كەلتىرمەدى. شاعىن-فۋتبولدا «سسكوب» دارا شىقتى. ۇستەل تەننيسىندە «ەەك» اق ماماندارى ۇزدىك بولسا, شاحماتتا «قازاقستان ءاليۋمينيى» اق ماماندارىنىڭ الدىن ەشكىم وراي المادى. قورىتا كەلگەندە, جالپى كوماندالىق ەسەپتە «قازحروم» تۇك» اق توپ باستادى. «سسكوب» اق ەكىنشى, ال ۇزدىك ۇشتىكتى «ەۋروازياتتىق ەنەرگەتيكالىق كورپوراتسياسى» اق كومانداسى تۇيىندەدى. جانكۇيەرلەر دە سىيلىقتان قۇر الاقان قايتپادى. كاسىپورىن سپورتشىلارىن جىگەرلى ۇران, جالىندى بيىمەن قولداپ, سپورتتىق دۋمان كورىگىن قىزدىرعان «سسكوب» اق جانكۇيەرلەرى ماراپاتتالدى. «قازحروم» تۇك» اق فيليالى – اقسۋ فەرروقورىتپا زاۋىتى­نىڭ ديرەكتورى سەرگەي پروكوپەۆ ERG سپارتاكياداسىنىڭ ەستافەتاسىن «سسكوب» اق وكىلدەرىنە تا­بىس­تادى. 2018 جىلى باس­تى كورپوراتيۆتىك سپورتتىق ساي­­ىستار رۋدنىي قالاسىندا وتكى­زىلمەك. – ءبىز الەۋمەتتىك باعدارلى ساياسات­تى بەرىك ۇستانىپ كەلە جاتقان كومپانيامىز – ەۋرا­زيا­لىق توپقا ەرەكشە العىس ايتقى­مىز كەلەدى. وزگە كومپانيالار ءوندى­رىس­تەگى وسى ۇجىمداردان ونەگە السىن. ويتكەنى, بۇل سپارتا­كيادا قاراپايىم ەڭبەك ادامىنا دەگەن ەرەكشە ىقىلاس پەن جاناشىرلىقتىڭ وزىق ۇلگىسى, – دەپ العىسىن تۇيىندەدى «سسكوب» اق كومانداسىنىڭ وكىلى تاتيانا شەرستوۆيتوۆا. مارات اققۇل, «ەگەمەن قازاقستان»