قازاقستان رەسپۋبليكاسى باس پروكۋراتۋراسىنىڭ بۇيرىعى  №65 

2016 جىلعى 31 ناۋرىز, استانا قالاسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسى قىزمەت قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 3) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسى (بۇدان ءارى – اكادەميا) قىزمەت قاعيدالارى بەكىتىلسىن. 2. اكادەميانىڭ رەكتورى ۇ.س. بايجانوۆ: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىقتى قازاقستان رەسپۋبليكاسى باس پروكۋراتۋراسىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى ي.د. مەركەلگە جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ باس پروكۋرورى ا.داۋىلباەۆ قازاقستان رەسپۋبليكاسى باس پروكۋرورىنىڭ 2016 جىلعى 31 ناۋرىزداعى № 65 بۇيرىعىمەن بەكىتىلگەن قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ قىزمەت قاعيدالارى 1. جالپى ەرەجەلەر 1. وسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ قىزمەت قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-1-بابىنىڭ 3) تارماقشاسىنا سايكەس ازىرلەنگەن. 2. قاعيدالار قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسى (بۇدان ءارى – اكادەميا, وقۋ ورنى) قىزمەتىنىڭ ءتارتىبىن ايقىندايدى. 3. اكادەميانىڭ نەگىزگى مىندەتتەرى: 1) قۇقىق قورعاۋ ورگاندارى قىزمەتكەرلەرىنىڭ, ونىڭ ىشىندە قازاقستان رەسپۋبليكاسى قۇقىق قورعاۋ ورگاندارىندا پرەزيدەنتتىك رەزەرۆتە تۇرعان باسشىلاردىڭ كاسىبي دەڭگەيىن ارتتىرۋ; 2) قۇقىق قورعاۋ قىزمەتى سالاسىنداعى ۆەدومستۆوارالىق عىلىمي زەرتتەۋلەردى ۇيلەستىرۋ جانە جۇرگىزۋ; 3) جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىرۋ. 4. اكادەميا ءوز قىزمەتىن قازاقستان رەسپۋبليكاسىنىڭ كونستيتۋتسياسىنا, ءبىلىم بەرۋ جانە عىلىم قىزمەتىن رەتتەيتىن «ءبىلىم تۋرالى», «عىلىم تۋرالى» قازاقستان رەسپۋبليكاسىنىڭ زاڭدارىنا, سونداي-اق وسى قاعيدالار مەن اكادەميا جارعىسىنا سايكەس جۇزەگە اسىرادى. 5. اكادەميا جوعارى وقۋ ورنىنان كەيىنگى ءبىلىم بەرۋدىڭ وقۋ باعدارلامالارىن قازاقستان رەسپۋبليكاسىنىڭ قولدانىستاعى زاڭناماسىنا سايكەس بەرىلگەن ليتسەنزيانىڭ نەگىزىندە جۇزەگە اسىرادى. 2. اكادەميا قىزمەتىنىڭ ءتارتىبى 6. اكادەميانى باسقارۋ وسى قاعيدالارعا جانە اكادەميا جارعىسىنا سايكەس جۇزەگە اسىرىلادى. 7. اكادەميانى تىكەلەي باسقارۋدى قازاقستان رەسپۋبليكاسى باس پروكۋرورىنىڭ ۇسىنىسى بويىنشا قازاقستان رەسپۋبليكاسىنىڭ پرەزيدەنتىمەن قىزمەتكە تاعايىندالاتىن رەكتور جۇزەگە اسىرادى. 8. اكادەميا رەكتورىنىڭ قازاقستان رەسپۋبليكاسىنىڭ قۇقىق قورعاۋ ورگاندارىندا كادر ساياساتى ماسەلەلەرى جونىندەگى قازاقستان رەسپۋبليكاسىنىڭ پرەزيدەنتى جانىنداعى كوميسسيانىڭ كەلىسىمىمەن قازاقستان رەسپۋبليكاسىنىڭ باس پروكۋرورى تاعايىندايتىن ورىنباسارلارى: ءبىرىنشى پرورەكتور جانە پرورەكتورلارى بولادى. 9. رەكتور اكادەميا اتىنان سەنىمحاتسىز ارەكەت ەتەدى, بارلىق مەملەكەتتىك ورگانداردا جانە مەكەمەلەردە, باسقا ۇيىمداردا ونىڭ مۇددەسىنە وكىلدىك ەتەدى. 10. اكادەميادا القالىق باسقارۋ ورگاندارى قۇرىلادى: 1) اكادەميانىڭ عىلىمي-ادىستەمەلىك كەڭەسى; 2) اكادەميانىڭ عىلىمي كەڭەسى; 3) اكادەميانىڭ وقۋ-ادىستەمەلىك كەڭەسى; 4) اكادەميانىڭ عىلىمي-زەرتتەۋ جانە رەداكتسيالىق-باسپا كەڭەسى. 11. اكادەميا رەكتورىنىڭ بۇيرىعىمەن وزگە دە القالىق جانە كونسۋلتاتيۆتى-كەڭەستىك ورگاندار قۇرۋعا مۇمكىندىك بەرىلەدى. 12. عىلىمي-ادىستەمەلىك كەڭەستى قوسپاعاندا, القالىق باسقارۋ ورگاندارىنىڭ قىزمەتىن, قۇرامى مەن مۇشەلەرىنىڭ سانىن اكادەميا ءوزى انىقتايدى. 13. اكادەميا قۇرىلىمىن جانە شتاتتىق كەستەسىن قازاقستان رەسپۋبليكاسىنىڭ باس پروكۋرورى بەكىتەدى. 14. اكادەميا ءوزىنىڭ قۇرىلىمدىق بولىمشەلەرى تۋرالى ەرەجەلەرىن دەربەس ازىرلەيدى جانە بەكىتەدى, وندا ولاردىڭ قىزمەتىنىڭ نەگىزگى باعىتتارى ايقىندالادى. 15. اكادەميا جۇمىسكەرلەرىنىڭ (قىزمەتكەرلەردىڭ, اكىمشىلىك مەملەكەتتىك قىزمەتشىلەردىڭ جانە ەڭبەك شارتى بويىنشا جۇمىسكەرلەردىڭ) لاۋازىمدىق نۇسقاۋلىقتارىن دەربەس ازىرلەيدى جانە بەكىتەدى, وندا ولاردىڭ وكىلەتتىكتەرى مەن جاۋاپكەرشىلىكتەرى ايقىندالادى. اكادەميادا لاۋازىمعا تاعايىنداۋ جانە بوساتۋ, لاۋازىمدارعا ورنالاستىرۋ, جۇمىسقا قابىلداۋ, جۇمىستان بوساتۋ جانە ەڭبەك شارتىن بۇزۋ قازاقستان رەسپۋبليكاسى زاڭناماسىندا بەلگىلەنگەن تارتىپپەن جۇزەگە اسىرىلادى. 16. اكادەميا قۇرامىنا: كاسىبي دەڭگەيدى ارتتىرۋ ينستيتۋتى (بۇدان ءارى - كداي), ۆەدومستۆوارالىق عىلىمي-زەرتتەۋ ينستيتۋتى (بۇدان ءارى - ۆعزي), جوعارى وقۋ ورنىنان كەيىنگى ءبىلىم بەرۋ ينستيتۋتى (بۇدان ءارى - جووكبي) جانە دەربەس قۇرىلىمدىق بولىمشەلەر كىرەدى. 17. ينستيتۋت قىزمەتىن باسقارۋدى قازاقستان رەسپۋبليكاسى باس پروكۋرورىنىڭ كەلىسىمى بويىنشا رەكتوردىڭ بۇيرىعىمەن تاعايىندالاتىن جانە بوساتىلاتىن ديرەكتور جۇزەگە اسىرادى. 18. كافەدرالار, ورتالىقتار, باسقارمالار اكادەميا ينستيتۋتتارىنىڭ قۇرىلىمدىق بولىمشەلەرى بولىپ تابىلادى. كافەدرا ءبىر نەمەسە بىرنەشە ماندەس پاندەر بويىنشا وقۋ, ادىستەمەلىك جانە عىلىمي-زەرتتەۋ جۇمىسىن, ءبىلىم الۋشىلار اراسىندا تاربيە جۇمىسىن جۇزەگە اسىراتىن اكادەميانىڭ وقۋ-عىلىمي قۇرىلىمدىق بولىمشەسى بولىپ تابىلادى. كافەدرا شتاتى وقۋ پروتسەسىنىڭ ەرەكشەلىگىن ەسكەرە وتىرىپ ايقىندالادى. كافەدرا شتاتىنا كافەدرانىڭ مەڭگەرۋشىسى, پروفەسسورلار, دوتسەنتتەر, اعا وقىتۋشىلار, وقىتۋشىلار, وقۋ-كومەكشى پەرسونال كىرەدى. كافەدرانى كانديداتۋراسى بەلگىلەنگەن بىلىكتىلىك تالاپتارىنا سايكەس كەلۋگە ءتيىس مەڭگەرۋشى «قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرى قىزمەتكەرلەرىنىڭ لاۋازىمدارى ءۇشىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى باس پروكۋرورىنىڭ 2016 جىلعى 5 اقپانداعى № 27 بۇيرىعىنا سايكەس باسقارادى. (نورماتيۆتىك قۇقىقتىق اكتىلەردىڭ مەملەكەتتىك تىركەۋ رەەسترىندە № 13510 تىركەگەن). 19. اكادەميانىڭ ينستيتۋتتارى جانە دەربەس قۇرىلىمدىق بولىمشەلەرىنىڭ قىزمەتىن ۇيىمداستىرۋ اكادەميا جارعىسىنا, وسى قاعيدالار جانە اكادەميا جۇمىس جوسپارلارىنا, سونداي-اق جۇمىسكەرلەردىڭ قىزمەتتىك مىندەتتەرىنە سايكەس جۇزەگە اسىرادى. 20. اكادەميانىڭ ينستيتۋتتارى جانە دەربەس قۇرىلىمدىق بولىمشەلەرىنىڭ قىزمەتتەرى ءوزارا الماسۋ, ەسەپ بەرۋ, جوسپارلاۋ, جەدەل-قىزمەتتىك قىزمەتتەرى ماسەلەلەرىن شەشۋدەگى ءبىرىزدى ۇيلەسىم, ولاردىڭ الدىنا قويىلعان مىندەتتەردى ورىنداۋىنداعى جۇمىسكەرلەردىڭ جەكە جاۋاپكەرشىلىگى نەگىزىندە جۇزەگە اسىرىلادى. 21. اكادەميالىق لەك جانە توپتىڭ تولىقتىعى جىل سايىنعى مەملەكەتتىك ءبىلىم بەرۋ تاپسىرىسىمەن ايقىندالادى. 22. ءبىلىم الۋشىلاردىڭ قۇقىقتارى مەن مىندەتتەرى اكادەميا جارعىسىمەن بەلگىلەنەدى. 23. ءبىلىم الۋشىلاردىڭ ءتارتىبىن قامتاماسىز ەتۋ جانە نىعايتۋ ماقساتىندا اكادەميا رەكتورىمەن تارتىپتىك جازالاۋ شارالارى قولدانىلادى. 3. اكادەميانىڭ ءبىلىم بەرۋ قىزمەتىن ۇيىمداستىرۋ: 24. اكادەميانىڭ ءبىلىم بەرۋ قىزمەتىنىڭ تۇرلەرى: 1) قوسىمشا ءبىلىم; 2) جوعارى وقۋ ورنىنان كەيىنگى ءبىلىم. 25. كداي-دا قوسىمشا ءبىلىم بەرۋ قىزمەتىنىڭ كەلەسى تۇرلەرى ىسكە اسىرىلادى: 1) پرەزيدەنتتىك رەزەرۆتە تۇرعان قازاقستان رەسپۋبليكاسى قۇقىق قورعاۋ ورگاندارىنىڭ باسشىلىعى قىزمەتكەرلەرىن كاسىبي قايتا دايارلاۋ جانە بىلىكتىلىكتەرىن ارتتىرۋ; 2) قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كاسىبي قايتا دايارلاۋ جانە بىلىكتىلىكتەرىن ارتتىرۋ; 3) قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كاسىبي دايارلاۋ. اكادەمياداعى قۇقىق قورعاۋ ورگاندارى قىزمەتكەرلەرىنىڭ كاسىبي دايارلىعى, قايتا دايارلاۋ جانە بىلىكتىلىكتى ارتتىرۋ ءتارتىبى قازاقستان رەسپۋبليكاسىنىڭ زاڭناماسىمەن بەلگىلەنگەن. 26. كاسىبي دايارلىق, قايتا دايارلاۋ جانە بىلىكتىلىكتى ارتتىرۋ كەزىندە كداي ءبىلىم الۋشىلارى (تىڭداۋشىلار) اكادەميا جاتاقحاناسىندا تۇرادى جانە ونىڭ اۋماعى شەگىندە بولادى. وقۋ ورنىنىڭ اۋماعى شەگىنەن شىعۋ جانە اكادەميا جاتاقحاناسىنان تىس جەردە تۇرۋ اكادەميا رەكتورىنىڭ جازباشا رۇقساتىمەن بەرىلەدى. 27. قۇقىق قورعاۋ ورگاندارى قىزمەتكەرلەرىنىڭ كاسىبي دايارلىعى, قايتا دايارلاۋ جانە بىلىكتىلىكتى ارتتىرۋ قۇقىق قورعاۋ ورگاندارىنا جۇكتەلگەن مىندەتتەردى ورىنداۋعا, قىزمەتتىك جۇمىستى ەسەپكە الا وتىرىپ, قاجەتتى ءبىلىم, يكەم مەن داعدىلارىن بويىنا ءسىڭىرۋ, تەرەڭدەتۋ جانە كەڭەيتۋدى كوزدەيتىن ۇيىمداستىرۋشىلىق, وقۋ ءىس-شارالارىنىڭ جۇيەسىن قامتيدى. 28. قۇقىق قورعاۋ ورگاندارى قىزمەتكەرلەرىنىڭ كاسىبي دايارلىعى, قايتا دايارلاۋ جانە بىلىكتىلىكتى ارتتىرۋ وقۋ پروتسەسىنىڭ مازمۇنى قۇقىق قورعاۋ ورگاندارىمەن كەلىسىلگەن ءتيىستى وقۋ جوسپارلارىمەن جانە وقۋ باعدارلامالارىمەن ايقىندالادى. 29. كداي-دىڭ وقۋ-ادىستەمەلىك جۇمىسىنا: 1) قۇقىق قورعاۋ ورگاندارى قىزمەتكەرلەرىنىڭ ارنايى العاشقى وقىتۋ كۋرستارى, بىلىكتىلىكتى ارتتىرۋ جانە قايتا دايارلاۋ, قۇقىق قورعاۋ ورگاندارى باسشىلىعىنىڭ پرەزيدەنتتىك رەزەرۆىن دايارلاۋداعى وقۋ پروتسەسى ناتيجەسىن جيناقتاۋ جانە تالداۋ; 2) كداي قىزمەتى تاجىريبەسىن جيناقتاۋ, جەتىلدىرۋ بويىنشا ۇسىنىستار ەنگىزۋ, ۇيىمداستىرۋشىلىق-اناليتيكالىق جانە وقۋ-ادىستەمەلىك جۇمىستىڭ يننوۆاتسيالىق فورمالارى مەن ادىستەرىن ەنگىزۋ; 3) كداي-دىڭ شتاتتىق قىزمەتكەرلەرىمەن قاتار, جەتەكشى عالىمدار, ساراپشىلاردى, قۇقىق قورعاۋ جانە مەملەكەتتىك ورگاندارىنىڭ, سونىڭ قاتار شەتەلدىك پراكتيكا قىزمەتشىلەرىن وقۋ ساباقتارىن وتكىزۋگە تارتۋ; 4) وقۋ پروتسەسىن ۇيىمداستىرۋ, وقۋ جوسپارلارى مەن باعدارلامالارىن ازىرلەۋ جانە بەكىتۋ; 5) جۇمىس جوسپارلارىنا سايكەس وقۋ ساباقتارىن وتكىزۋدى ۇيلەستىرۋ; 6) ءبىلىم الۋشىلاردىڭ وزدىك جۇمىسىن ۇيىمداستىرۋ جانە وقۋ-ادىستەمەلىك قامتاماسىز ەتۋ; 7) قۇقىق قورعاۋ ورگاندارى قىزمەتكەرلەرىنە وقىتۋ ءىس-شارالارىن (سەمينارلار, كونفەرەنتسيالار, «دوڭگەلەك ۇستەلدەر», ترەنينگتەر) ۇيىمداستىرۋ جانە وتكىزۋ; 8) ءبىلىم بەرۋ جانە وقۋ-ادىستەمەلىك قىزمەتىن ىسكە اسىرۋدا عىلىمي, ءبىلىم بەرۋ, مامانداندىرىلعان ۇيىمدار جانە مەكەمەلەرمەن جاسالعان كەلىسىمدەردىڭ اياسىندا مەملەكەتتىك جانە قۇقىق قورعاۋ, سونىڭ ىشىندە حالىقارالىق ورگاندارمەن ىنتىماقتاستىق جانە ءوزارا ارەكەت ەتۋ كىرەدى. 30. كداي-دا وقىتۋدىڭ قاشىقتىقتان ءبىلىم بەرۋ تەحنولوگيالارىن قوسىمشا ءبىلىم بەرۋ كەزىندە پايدالانۋعا رۇقسات ەتىلەدى. 31. جوعارى وقۋ ورنىنان كەيىنگى ءبىلىمى بار كادرلاردى دايارلاۋ جووكبي-دا وقىتۋدىڭ كۇندىزگى نىسانى بويىنشا جۇزەگە اسىرىلادى. 32. اكادەمياعا وقۋعا قابىلداۋ «جوعارى وقۋ ورنىنان كەيىنگى ءبىلىم بەرۋدىڭ كاسىبي وقۋ باعدارلامالارىن ىسكە اسىراتىن قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنا وقۋعا قابىلداۋ ەرەجەلەرىن بەكىتۋ تۋرالى» قازاقستان رەسپۋبليكاسى باس پروكۋرورىنىڭ 2015 جىلعى 13 تامىزداعى № 101 بۇيرىعىنا سايكەس جۇزەگە اسىرىلادى. (نورماتيۆتىك قۇقىقتىق اكتىلەردىڭ مەملەكەتتىك تىركەۋ رەەسترىندە № 12000 تىركەگەن). 33. جووكبي-دىڭ وقۋ-ادىستەمەلىك جۇمىسى جوعارى وقۋ ورنىنان كەيىنگى جانە قوسىمشا ءبىلىم بەرۋ باعدارلامالارىمەن وقۋ پروتسەسىن ىسكە اسىراتىن جانە ۇيلەستىرەتىن كافەدرالارمەن جۇزەگە اسىرىلادى. 34. جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا وقۋ پروتسەسىن ۇيىمداستىرۋ ءۇشىن كرەديتتىك وقىتۋ تەحنولوگياسى قولدانىلادى. 35. اكادەميادا وقۋ جۇمىسىنىڭ مىناداي تۇرلەرى بەلگىلەنەدى: دارىستەر, سەمينار (پراكتيكالىق) ساباقتار, كونسۋلتاتسيالار, وقىتۋشىنىڭ باسشىلىعىمەن وتكىزىلەتىن ءبىلىم الۋشىلاردىڭ وزىندىك جۇمىسى, پراكتيكۋمدار, كاسىپتىك پراكتيكالار جانە تاعىلىمداما, ماگيسترانتتار جانە دوكتورانتتاردىڭ ديسسەرتاتسيالىق زەرتتەۋلەرىنە عىلىمي جەتەكشى, ءبىلىم الۋشىلاردىڭ ۇلگەرىمىنە اعىمداعى باقىلاۋ, ارالىق جانە قورىتىندى اتتەستاتتاۋ جۇرگىزۋ جانە دايىنداۋ. 36. ءدارىس ساباقتارىن وتكىزۋگە, ماگيسترانتتار جانە دوكتورانتتاردىڭ ديسسەرتاتسيالىق زەرتتەۋلەرىنە عىلىمي جەتەكشىلىك ەتۋگە رەكتور, پرورەكتور, ينستيتۋت ديرەكتورى, ينستيتۋت ديرەكتورىنىڭ ورىنباسارى, كافەدرا مەڭگەرۋشىسى, پروفەسسور, دوتسەنت, اعا وقىتۋشى, وقىتۋشى لاۋازىمدارىن اتقاراتىن قىزمەتكەرلەر جىبەرىلەدى. سونىمەن قاتار, دارىستەر جانە/نەمەسە باسقا وقۋ ساباقتارىنىڭ تۇرلەرىن وتكىزۋگە عىلىمي قىزمەتكەرلەر, ماماندىق بەيىنى بويىنشا كەمىندە 3 جىلدان كەم ەمەس پراكتيكالىق جۇمىس ءوتىلى بار مامانداردى تارتۋعا جول بەرىلەدى. 37. ءبىلىم الۋشىلاردىڭ ءبىلىم بەرۋدىڭ جوعارى وقۋ ورنىنان كەيىنگى جانە قوسىمشا ءبىلىم باعدارلامالارىن مەڭگەرۋى ءۇشىن بارىنشا قولايلى جاعدايلار جاساي وتىرىپ, اكادەميا وقىتۋ نىساندارىن, ادىستەرى مەن قۇرالدارىن دەربەس انىقتايدى. 38. اكادەميانىڭ جووكبي پوق جانە كداي قىزمەتكەرلەرى وقۋ جوسپارلارى مەن وقۋ باعدارلامالارىنىڭ تالاپتارىن ساقتاۋ شارتىمەن, وقۋ ساباقتارىن ۇيىمداستىرۋ مەن وتكىزۋ تاسىلدەرى مەن نىساندارىن, وقىتۋ ادىستەرىن تاڭداۋ ەركىندىگىنە يە. 39. جوعارى وقۋ ورنىنان كەيىنگى ءبىلىم بەرۋدىڭ ءبىلىم باعدارلامالارى پاندەردىڭ ەكى تسيكلىن قامتيدى: بازالىق پاندەر تسيكلى جانە بەيىندىك پاندەر تسيكلى, سونداي-اق وقىتۋدىڭ قوسىمشا تۇرلەرى جانە قورىتىندى اتتەستاتتاۋ. ءار تسيكل تىزبەسى مەن مازمۇنى ۇلگىلىك وقۋ جوسپارلارىندا جانە تيپتىك وقۋ باعدارلامالارىندا انىقتالاتىن مىندەتتى كومپونەنت پاندەرىنەن, سونداي-اق تىزبەسى مەن مازمۇنى جۇمىستىق وقۋ جوسپارلارىندا, جۇمىستىق وقۋ باعدارلامالارىندا ايقىندالاتىن پاندەردەن تۇرادى. ءاربىر ءپان ءبىر اكادەميالىق كەزەڭ ىشىندە وقىتىلادى. 40. اكادەميا ءبىلىم الۋشىلاردىڭ اعىمداعى جانە مەجەلىك ۇلگەرىمىن باقىلاۋ جانە ارالىق اتتەستاتتاۋدان وتكىزۋ نىساندارىن, ءتارتىبى مەن مەرزىمدىلىگىن دەربەس تاڭدايدى. 41. وقۋ-ادىستەمەلىك جۇمىسىن ۇيىمداستىرۋعا جاۋاپتى قۇرىلىم ءبىلىم الۋشىلاردى وقۋ پاندەرىنە تىركەۋدى ىسكە اسىرادى, اكادەميالىق توپتار مەن اعىمداردى قالىپتاستىرادى, مەڭگەرىلگەن كرەديتتەردى ەسەپكە الۋدى, ارالىق جانە قورىتىندى اتتەستاتتاۋدى ۇيىمداستىرىپ, وتكىزەدى, ءبىلىم الۋشىلاردىڭ ترانسكريپتىسىن ەسەپكە الادى, اكادەمياداعى ءبىلىم الۋشىلاردىڭ وقۋ جەتىستىكتەرىنىڭ بۇكىل تاريحىن جۇرگىزەدى. 42. كداي-دا وقۋ پروتسەسىن قامتاماسىز ەتۋ ماقساتىندا وقۋ زەرتحانالارى قۇرىلادى. 43. ءبىلىم الۋشىلاردىڭ ءبىلىمىن باعالاۋ ءۇشىن اكادەميادا ءبىلىم الۋشىلاردىڭ ءبىلىمىن باقىلاۋ مەن باعالاۋ جۇيەسى جۇمىس ىستەيدى. اكادەميادا ءبىلىم الۋشىلاردىڭ وقۋ جەتىستىكتەرىن باقىلاۋ جۇيەسى ءتۇرلى نىسانداردى قامتيدى: كىرىس جانە شىعىس باقىلاۋ, ۇلگەرىمنىڭ اعىمداعى باقىلاۋى, ارالىق اتتەستاتتاۋ جانە قورىتىندى اتتەستاتتاۋ. 44. كداي-داعى كىرىس باقىلاۋ ءبىلىم الۋشىلاردىڭ كۋرستان ءوتۋ الدىنداعى, شىعىس – كۋرستى اياقتاعان سوڭ كاسىبي قۇزىرەتتىلىك دەڭگەيىن انىقتاۋ ماقساتىندا جۇرگىزىلەدى. 45. اكادەميانىڭ تاربيە قىزمەتى وقۋ پروتسەسىنىڭ قۇرامداس بولىگى بولىپ تابىلادى جانە تۇلعانىڭ وتانشىلدىق, ادامگەرشىلىك, الەۋمەتتىك, زياتكەرلىك, كاسىبي, شىعارماشىلىق قاسيەتتەرى مەن سالاۋاتتى ءومىر سالتىن قالىپتاستىرۋعا باعىتتالعان. 46. اكادەميانىڭ تاربيە جۇمىسى مىنالاردى قامتيدى: 1) ءبىلىم الۋشىلاردىڭ بويىندا پاتريوتيزم, ازاماتتىلىق, ينتەرناتسيوناليزم, جوعارى مورال مەن ادامگەرشىلىكتى قالىپتاستىرۋ; 2) ءبىلىم الۋشىلاردىڭ بويىندا ءوز بەتىنشە جانە بىلىكتى تۇردە شەشىمدەر قابىلداۋ مەن بىلىكتىلىكتى جۇزەگە اسىرۋ يكەمدىلىكتەرىن قالىپتاستىرۋ; 3) ءبىلىم الۋشىلاردى سالاۋاتتى ءومىر سالتىنا, قوعامدىق ءىس-شارالارعا بەلسەندى قاتىسۋعا ىنتالاندىرۋ; 4) ءبىلىم الۋشىلاردىڭ وي-ءورىسىن كەڭەيتۋگە, ءوزىنىڭ ماماندىعىنا قۇندىلىق قاتىناستى قالىپتاستىرۋعا ىقپال ەتەتىن تاقىرىپتىق ءىس-شارالار وتكىزۋ; 5) ءبىلىم الۋشىلاردىڭ سىبايلاس جەمقورلىققا قارسى مىنەز-قۇلقىن قالىپتاستىرۋ; 6) ءبىلىم الۋشىلاردىڭ بويىندا قۇقىقتىق سانا جانە قۇقىقتىق مادەنيەتتى دامىتۋ. 4. اكادەميانىڭ عىلىمي-زەرتتەۋ جانە حالىقارالىق قىزمەتى 47. اكادەميادا قۇقىق قورعاۋ ورگاندارىنىڭ قىزمەتىندەگى ىرگەلى جانە قولدانبالى ۆەدومستۆوارالىق عىلىمي-زەرتتەۋ ماسەلەلەرىن ۇيىمداستىرۋ, ۇيلەستىرۋ جانە جۇرگىزۋ بويىنشا, سونداي-اق ۆەدومستۆولىق عىلىمي مەكەمەلەرمەن جانە قۇقىق قورعاۋ ورگاندارىنىڭ ءبىلىم بەرۋ ۇيىمدارىندا وتكىزىلەتىن عىلىمي زەرتتەۋلەردىڭ مونيتورينگىن بەلگىلەنگەن وكىلەتتىكتەر شەگىندە جانە وزىنە جۇكتەلگەن قىزمەتتەرىن جۇزەگە اسىراتىن, اكادەميانىڭ دەربەس عىلىمي-زەرتتەۋ قۇرىلىمدىق بولىمشەسى ءوز بەتىنشە جۇمىس ىستەيدى – ۆعزي. 48. عىلىمي-زەرتتەۋ قىزمەتى ءبىلىم مەن عىلىمنىڭ ىقپالداسۋىن قامتاماسىز ەتۋگە, وسى نەگىزدە عىلىمي-ءبىلىم بەرۋ پروتسەسىن, باسەكەگە قابىلەتتى عىلىمي-زەرتتەۋ جانە يننوۆاتسيالىق قىزمەتتى ۇلتتىق يننوۆاتسيالىق جۇيەنىڭ ناتيجەلىلىگى مەن تيىمدىلىگىنىڭ ماڭىزدى ەلەمەنتى رەتىندە دامىتۋعا باعىتتالعان. 49. عىلىمي-زەرتتەۋ جۇمىستارىن (ىرگەلى, ىزدەنگىشتىك, قولدانبالى عىلىمي زەرتتەۋلەر) جانە قۇقىق قورعاۋمەن باسقا دا مەملەكەتتىك ورگانداردىڭ قىزمەتىنە جانە نورماشىعارماشىلىققا ولاردىڭ ناتيجەلەرىن ەنگىزۋ اكادەميانىڭ ۆعزي جۇزەگە اسىرىلادى. 50. اكادەميانىڭ حالىقارالىق قىزمەتى جەتەكشى شەتەلدىك ۋنيۆەرسيتەتتەرمەن جانە ۇيىمدارمەن ىنتىماقتاستىق جاساۋ باعدارلاماسىنىڭ, حالىقارالىق ءبىلىم بەرۋ باعدارلامالارى مەن جوبالارىن ىسكە اسىرۋ, بىرلەسكەن عىلىمي-زەرتتەۋ قىزمەتىن جۇزەگە اسىرۋ, عىلىمي-پراكتيكالىق سەمينارلار مەن كونفەرەنتسيالار ۇيىمداستىرۋ, عىلىمي-وقىتۋشىلىق كادرلارمەن الماسۋ جانە ءبىلىم الۋشىلارمەن ۇتقىرلىقتى دامىتۋ شەڭبەرىندە جۇزەگە اسىرىلادى. 5. اكادەميا قىزمەتىن اقپاراتتىق جانە ماتەريالدىق-تەحنيكالىق قامتاماسىز ەتۋ 51. اكادەميانىڭ اقپاراتتىق رەسۋرستارمەن قامتاماسىز ەتىلۋى ءبىلىم بەرۋ جانە عىلىمي-زەرتتەۋ قىزمەتىن جۇزەگە اسىرۋدىڭ مىندەتتى شارتى بولىپ تابىلادى. 52. اكادەميانىڭ اقپاراتتىق رەسۋرستارى قالىپتاستىرىلعان يدەيالار مەن بىلىمدەردى, ءارتۇرلى دەرەكتەردى, ولاردىڭ جيناۋ ادىستەرى مەن قۇرالدارىن, اقپارات كوزدەرى مەن تۇتىنۋشىلارى اراسىنداعى ساقتاۋ مەن الماسۋدى بىلدىرەدى. 53. اقپاراتتىق رەسۋرستار كەز-كەلگەن تاسىمالداعىشتاعى ءبىلىم بەرۋ باعىتىنداعى (باسقارۋشىلىق, وقۋ, عىلىمي, وقۋ-ادىستەمەلىك) تولىق ماتىندىك, فاكتوگرافيالىق جانە بيبليوگرافيالىق دەرەكتەر بازاسىن; انىقتامالىق-ىزدەستىرۋ جۇيەلەرىن; ونىڭ ىشىندە ءداستۇرلى جانە ەلەكتروندى كىتاپحانالىق كاتالوگتار مەن كارتوتەكالاردى; جەرگىلىكتى قولجەتىمدىلىكتەگى ەلەكتروندى رەسۋرستاردى; ءبىلىم بەرۋشى اقپاراتتى جاساۋدى, ساقتاۋدى جانە پايدالانۋدى قامتاماسىز ەتەتىن باعدارلامالىق قۇرالداردى; اقپاراتتى تاراتۋ ارنالارىن; ءبىلىم بەرۋ ماقساتتى رەتىندە پايدالانىلاتىن كوممۋنيكاتسيا قۇرالدارىن قامتيدى. 54. كىتاپحانا قورى اقپاراتتىق رەسۋرستاردىڭ قۇرامداس بولىگى بولىپ تابىلادى جانە وقۋ, وقۋ-ادىستەمەلىك جانە عىلىمي ادەبيەتتى, سونداي-اق نورماتيۆتىك قۇقىقتىق اكتىلەردى قامتيدى. 55. جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىرۋ ءبىلىم الۋشىلاردىڭ ەلەكتروندى كىتاپحانالاردا ورنالاستىراتىن حالىقارالىق دەرەككوزدەردى قوسا العاندا, كىتاپحانا قورىنا, كومپيۋتەرلىك تەحنولوگيالارعا, وقۋ-ادىستەمەلىك جانە عىلىمي ادەبيەتكە, وقۋ, عىلىمي, اقپاراتتىق دەرەكتەر بازاسىنا, ەركىن قول جەتكىزۋمەن قامتاماسىز ەتىلەدى. 56. اكادەميا كىتاپحاناسىنىڭ عىلىمي قورى مامانداردى دايارلاۋ باعىتتارى مەن ماماندىقتارىنا زەرتتەۋ سالاسىن قامتيتىن مونوگرافيالىق, عىلىمي جانە عىلىمي-وندىرىستىك سيپاتتاعى كىتاپتار تىزبەسىن قامتيدى. عىلىمي قورعا سونداي-اق ەنتسيكلوپەديالار, سوزدىكتەر, انىقتامالىقتار, تۇسىنىكتەمەلەر, باعدارلاما بويىنشا وقىتىلاتىن ادەبي شىعارمالار, نورماتيۆتىك قۇقىقتىق اكتىلەر, مەرزىمدى باسىلىمدار, ونىڭ ىشىندە ءبىلىم بەرۋ ۇيىمدارىنىڭ حابارشىلارى, عىلىمي ەڭبەكتەردىڭ, وقىتۋ بەيىنىنە سايكەس كەلەتىن حالىقارالىق كونفەرەنتسيالاردىڭ جيناقتارى كىرەدى. 57. اكادەميانىڭ وقۋ ادەبيەتى باسىلىمدارىن: وقۋلىقتار, وقۋ قۇرالدارىن, وقۋ-ادىستەمەلىك قۇرالداردى جانە وقۋ پاندەرىن وقىتۋ, يگەرۋ, وقۋ جۇمىستارىنىڭ جەكەلەگەن تۇرلەرىن ورىنداۋ بويىنشا باسقا دا وقۋ باسىلىمدارى قامتيدى. 58. اكادەمياداعى وقۋ-عىلىمي اقپاراتتىق اكتيۆتەرىن جيناۋ, جيناقتاۋ, ساقتاۋ, شىعارۋ پروتسەستەرى اكادەميادا وزدىگىنەن جۇزەگە اسىرىلادى. 59. اكادەميادا وقۋ ساباقتارىن جۇرگىزۋ جانە باسقا ءبىلىم بەرۋ شارالارى ءۇشىن قاجەتتى اۋديتوريالىق بازالار, وقۋ كابينەتتەرى, سپورت زالدارى, پوليگوندار مەن باسقا دا ءۇي-جايلار ورنالاسادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 ءساۋىر نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13653 بولىپ ەنگىزىلدى.