زەينەتاقى كوتەرۋدىڭ زاڭدىق كەپىلى

2016 جىلعى 10 تامىزدا جوسپار-كەستەلەردە كوزدەلگەن اسكەري قىزمەتشىلەردىڭ (مەرزىمدى قىز­مەتتەگى اسكەري قىزمەتشىلەردەن باسقا), ارناۋلى مەملەكەتتىك جانە قۇقىق قورعاۋ ورگاندارى, مەملەكەتتىك فەلدەگەرلىك قىزمەت قىزمەتكەرلەرىنىڭ, سونداي-اق ارناۋلى اتاقتارعا, سىنىپتىق شەندەرگە يە بولۋ جانە نىساندى كيىم كيىپ ءجۇرۋ قۇقىقتارى 2012 جىلعى 1 قاڭتاردان باستاپ جويىلعان تۇلعالاردىڭ پايداسىنا بيۋدجەت قاراجاتى ەسەبىنەن بۇرىن اۋدارىلعان مىندەتتى زەينەتاقى جارنالارىنىڭ 50 پايىزىن رەسپۋبليكالىق بيۋدجەتكە قايتارۋ شارالارى اياقتالدى.  اتالعان شارانىڭ 2016 جىلعى 18 اقپاندا باستالعانىن ەسكە سالا كەتەيىك. جوسپار-كەستەلەردە بەلگىلەنگەن مەرزىمدەر مەن شارالار دەنساۋلىق ساقتاۋ جانە الەۋمەتتىك دامۋ مينيسترلىگىمەن, ۇلتتىق بانكپەن جانە ءتيىستى ۋاكىلەتتى مەملەكەتتىك ورگاندارمەن كەلىسىلدى. اسكەري قىزمەتشىلەردىڭ جانە كۇشتىك قۇرىلىمدار قىزمەت­كەر­لەرىنىڭ پايداسىنا بيۋدجەت قاراجاتى ەسەبىنەن بۇرىن اۋدا­­رىلعان مىندەتتى زەينەتاقى جار­نالارىنىڭ 50 پا­يىزىن رەسپۋبليكالىق بيۋدجەتكە قايتارۋ – اتالعان ساناتتاعى ازاماتتاردى تولىق مەملەكەتتىك زەينەتاقىمەن قام­­سىزداندىرۋعا اۋىستىرۋدىڭ مىندەتتى تالابى. اتالعان شارا ولار­دىڭ زەينەتاقى مولشەرىن ەلەۋ­لى تۇردە كوبەيتۋگە مۇمكىندىك بەرەدى. زەينەتاقى جيناقتارىنىڭ قالعان بولىگىن پايدالانۋ قۇقىعى اسكەري قىزمەتشىلەر مەن كۇشتىك قۇرىلىمدار قىزمەتكەرلەرىنە زەينەتاقى زاڭناماسىنىڭ نورمالارىنا سايكەس جالپى نەگىزدەر بويىنشا بەرىلەدى. قانداي دا ءبىر سەبەپپەن جارنالارىنىڭ 50 پايىزى قايتارىلماعان اسكەري قىزمەتشىلەر مەن كۇشتىك قۇرىلىمدار قىزمەتكەرلەرى دە زەينەتاقى تولەمدەرىن وسى تالاپتارعا سايكەس الادى. اسكەري قىزمەتشىلەر مەن كۇش­تىك قۇرىلىمدار قىزمەت­كەرلەرىنىڭ پايداسىنا مىندەتتى زەينەتاقى جارنالارىن تولەۋ 2016 جىلعى 1 قاڭتاردان باستاپ توقتاتىلدى. وسى كەزەڭنەن باستاپ «تولىق ەمەس» كولەمدە ەڭبەك سىڭىرگەن جىلدارى بويىنشا زەينەتاقى تولەمدەرىن الاتىن (1998 جىلعى 1 قاڭتارداعى جاعداي بويىنشا قىزمەت مەرزىمى 10 جىلدان از) اسكەري قىزمەتشىلەر مەن كۇشتىك قۇرىلىمدار قىزمەتكەرلەرىنىڭ زەينەتاقى مولشەرى مىندەتتى زەينەتاقى جارنالارىنىڭ سوماسىنان 50 پايىزدى جەكە زەينەتاقى شوتىنان ەسەپتەن شىعارۋ تۋرالى بجزق راستاۋ-انىقتاماسىنىڭ نەگىزىندە قايتا ەسەپتەلەدى. سونىمەن قاتار مىندەتتى زەي­نەتاقى جارنالارىنىڭ سوماسىنان 50 پايىزدى جەكە زەينەتاقى شوتىنان ەسەپتەن شىعارۋ تۋرالى بجزق راستاۋ-انىقتاماسىن وتكىزۋ – 1998 جىلعى 1 قاڭتاردا قىزمەتكە العاش كىرىسكەن اسكەري قىزمەتشىلەر مەن كۇشتىك قۇرىلىمدار قىز­مەت­كەر­لە­رىنە ەڭبەك سىڭىرگەن جىلدارى بويىنشا مەملەكەتتىك بيۋدجەت­تەن زەينەتاقى تاعايىنداۋ تالاپ­تا­رىنىڭ ءبىرى. «ەگەمەن-اقپارات»