شىعىس-باتىس ۇنقاتىسۋى جولىندا

كەشە قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قازاقستانعا جۇمىس ساپارىمەن كەلگەن اقش پرەزيدەنتى ب.وبامانىڭ يسلام كون­فەرەنتسياسى ۇيىمى (يكۇ) جانىنداعى ارنايى وكىلى راشاد حۋسسەينمەن كەزدەستى. قر-نىڭ يكۇ سىرتقى ىستەر مي­نيسترلەرىنىڭ كەڭەسىنە تاياۋداعى توراعالىعىنىڭ قارساڭىندا تاراپتار يكۇ مەن اقش اراسىن­دا­عى ەكى ەلدىڭ ءوزارا ارەكەتتەستىگىن العا جىلجىتۋداعى, سونىمەن قا­تار, جال­پى يسلام الەمى مەن با­تىس ارا­سىنداعى ءوزارا تۇسىنىستىك پەن ۇنقاتىسۋدى نىعايتۋداعى ورتاق تال­پىنىستاردىڭ شەڭبەرىن­دەگى ىن­تىماقتاستىق جايىن تال­قىلادى. كەزدەسۋدە قازاقستاننىڭ ەقىۇ-عا تابىستى توراعالى­عى­نان كەيىن الەمدىك قوعامداستىق قازاقستاننىڭ الداعى يكۇ سىمك-گە توراعالى­عىنا ۇلكەن ءۇمىت ارتىلىپ وتىرعان­دىعى جانە وسى تەكتەس تالپىنىستار تەڭ دارە­جەدە قازاقستاننىڭ دا, اقش-تىڭ دا مۇددەلەرىنە سايكەس كەلەتىندىگى اتاپ ءوتىلدى. پرەزيدەنت نۇرسۇلتان نازارباەۆ الەمدىك جانە ءداستۇرلى دىندەر كوشباسشىلارىنىڭ سەزىن وتكىزۋگە باستاما جاساۋ ارقىلى دا وركەنيەتارالىق ۇنقاتى­سۋدى نى­عاي­تۋ يدەيالارى مەن تەتىكتەرىن دايەكتى تۇردە دامىتۋدا. اقش پرەزيدەنتى ب. وباما 2009 جىلعى ءوزىنىڭ ايگىلى كاير بايانداماسىندا يسلام الەمىمەن بايلانىستاردى تەرەڭدەتۋدى باسىمدىق رەتىندە جا­ريا­لاعان بولاتىن. ق. ساۋداباەۆ پەن ر.حۋسسەيننىڭ كەز­دەسۋى بارىسىندا اتالعان سالا­داعى ءوزارا تىعىز ارەكەتتەستىك تۋرالى ناقتى ۋاعدالاستىققا قول جەتكىزىلدى.