كاراتەدەن وليمپيادا جۇلدەسىن الۋعا مۇمكىندىك بار

[caption id="attachment_55085" align="aligncenter" width="640"] el.kz[/caption] كاراتە-دو سپورتىنان قازاقستان ۇلتتىق قۇراماسىنىڭ 2020 جىلى توكيودا وتەتىن وليمپيا ويىندارىندا ولجا سالۋعا تولىق مۇمكىندىگى بار. بۇگىن قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە وسى سپورت ءتۇرى بويىنشا ازيا چەمپيوناتىنىڭ جۇلدەگەرى, حالىقارالىق دارەجەدەگى تورەشى شاتتىق قاجىمۇقان وسىلاي دەدى. — ازيا چەمپيوناتتارىنداعى ەڭ باستى فاۆوريتتەر — جاپونيا مەن يران. ءبىز ءار چەمپيونات سايىن ۇزدىك ۇشتىككە كىرىپ ءجۇرمىز. توكيودا وتكەن سوڭعى چەمپيوناتتا كوماندالىق ەسەپتە يراننان وزىپ, ەكىنشى ورىنعا كوتەرىلدىك. الەمدىك دودالاردا فرانتسيا, يتاليا, مىسىر ەلدەرى فاۆوريت سانالادى. قۇداي قالاسا, ءبىزدىڭ دە وليمپيا ويىندارىندا مەدال الۋعا مۇمكىندىگىمىز بار. قازىردەن باستاپ ازىرلىكتى كۇشەيتىپ, ليتسەنزياعا قول جەتكىزۋگە تىرىسۋ كەرەك,— دەدى شاتتىق قاجىمۇقان. جاقىندا كاراتە-دو سپورتىن 2020 جىلدان باستاپ وليمپيا ويىندارىنىڭ ساناتىنا قوسۋ تۋرالى شەشىم شىعارىلعانى بەلگىلى. ورتالىق كوممۋنيكاتسيالار قىزمەتىندە وتكەن باسقوسۋدا ەلىمىزدەگى كاراتە مەكتەپتەرىنىڭ بولاشاعى, وليمپيا ويىندارىنا ىرىكتەۋ جۇيەسى جانە ليتسەنزيا الۋ, تاعى دا باسقا ماسەلەلەر قوزعالدى. نۇرتورە سامارقان