كارىم ءماسىموۆ جۇمىس ساپارىمەن اتىراۋ وبلىسىنا باردى

[caption id="attachment_55070" align="aligncenter" width="700"] فوتو: pm.kz[/caption] پرەمەر-مينيستر كارىم ءماسىموۆ مەملەكەت باسشىسىنىڭ تاپسىرماسى بويىنشا اتىراۋ وبلىسىنا جۇمىس ساپارىمەن باردى. Pm.kz مالىمەتى بويىنشا, ساپار بارىسىندا ايماقتىق الەۋمەتتىك-ەكونوميكالىق دامۋىن باعالاۋ, جۇرتشىلىق وكىلدەرىمەن پروبلەمالىق ماسەلەلەردى تالقىلاۋ جوسپارلانۋدا. پرەمەر-مينيستر ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا سالىنعان قاشاعان كەن ورنىنداعى جاساندى «د» ارالىن, «جىگەرمۇنايسەرۆيس» جشس بۇرعىلاۋ قوندىرعىلارىن ءوندىرۋ زاۋىتىن, «Caspian Royal Fish» جشس بەكىرە بالىعى فەرماسىن, اتىراۋ مۇناي وڭدەۋ زاۋىتىن ارالايدى دەپ كۇتىلۋدە. سونىمەن قاتار, كارىم ءماسىموۆ «سامۇرىق-قازىنا» ۇلتتىق ءال-اۋقات قورى» اق قولداۋىمەن سالىنعان «نۇرسايا» شاعىن اۋدانىنداعى «جەرۇيىق» تۇرعىن ءۇي كەشەنىن, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قالالىق ءبولىمىن جانە «كاسپيمۇنايگاز» عزي جشس زەرتحاناسىن ارالايدى. بۇدان وزگە, كارىم ءماسىموۆ جۇمىس ساپارى اياسىندا كاسىپكەرلەرمەن كەزدەسۋ وتكىزىپ, بالىق شارۋاشىلىعىنىڭ دامۋ پەرسپەكتيۆالارىن تالقىلايدى, سونداي-اق وتاندىق مۇناي سەرۆيسىن دامىتۋ ماسەلەلەرى بويىنشا كەڭەس وتكىزەدى. ايان ءابدۋالي