اسەم اۋەندى سۋبۇرقاق ەندى اۋىلدا دا بار

سوڭعى جىلدارى بارقىتبەلدىڭ باۋىرىنداعى بەرەكەلى تارباعاتاي ەلى جىلدام كوركەيىپ كەلەدى. جۋىردا اۋدان ورتالىعى – اقسۋات­تا ەل تاۋەلسىزدىگىنىڭ 25 جىل­دى­عىنا وراي جاڭادان مۋزىكالى سۋبۇرقاق اشىلدى. اتالعان نىساننىڭ اشىلۋ سالتاناتىندا جەرگىلىكتى اقساقالدار مەن اق كيمەشەكتى اجەلەردەن ەڭبەكتەگەن بالالارعا دەيىن جۇزدەرى بال-بۇل جايناپ, ەرەكشە قۋانىشقا بولەندى. ەلباسى نۇرسۇلتان نازارباەۆ قالالار مەن اۋىلداردى اباتتاندىرۋعا ەرەكشە ءمان بەرىپ كەلەدى. سوندىقتان, اۋىل كوشەلەرىنىڭ اسەم دە ادەمى, تازا دا كورىكتى بولۋى كوپشىلىكپەن بىرگە اتقارىلاتىن, تاربيەلىك جانە مادەني ءمانى جوعارى ءىس دەپ بىلگەن ءجون, – دەدى اۋدان اكىمى دىلدابەك ورازباەۆ سۋبۇرقاقتىڭ تۇساۋكەسەرىندە. اتالعان شارادا تارباعا­تاي­لىقتار جارىق ديودتى شامدارمەن ءتۇرلى تۇسكە ەنىپ, سان قۇبىلعان سۋبۇرقاقتىڭ تاماشا كورىنىسىنە ءتانتى بولدى. ءارى جارىق شاشىپ, ءارى اسەم اۋەندەر ويناپ تۇراتىن سۋبۇرقاق ءالى-اق اقسۋاتتىقتاردىڭ سۇيىنىشىنە, سۇيىكتى دەمالىس ورنىنا اينالادى, دەستى تۇرعىندار. وسى ىسپەتتى سۋبۇرقاق جاقىندا اۋدان­نىڭ تاعى ءبىر ءىرى ەلدى مەكەنى سانالاتىن اقجار اۋىلىندا دا پايدالانۋعا بەرىلمەك. ايتا كەتۋ كەرەك, كەيىنگى ۋا­قىتتا تارباعاتاي اۋدانىندا مادەني ەسكەرتكىشتەر, دەمالىس ورىندارى كوپتەپ اشىلۋدا. ماسەلەن, جۋىردا بوي كوتەرگەن اباي, مۇرىن انا, ماقتا اپا مەن بايجىگىت بابا, توعاس باتىر ەسكەرتكىشتەرىنىڭ ماڭى گۇل­دەندىرىلىپ, جۇرتشىلىق دەم-الا­تىن ساياباققا اينالىپ ۇلگەردى. دۋمان اناش, «ەگەمەن قازاقستان» شىعىس قازاقستان وبلىسى, تارباعاتاي اۋدانى