بيزنەس يدەيالار قارجىلاندىرىلادى

ەلىمىزدە جاستاردىڭ كاسىپ اشۋىنا, وزىندىك يدەيالارىن جۇزەگە اسىرۋىنا جاڭا مۇمكىندىك پايدا بولدى. ول بىلتىرعى جىلدان بەرى ۇيىمداستىرىلىپ كەلە جاتقان – «Startup Bolashak» جوباسى. اتالعان بايقاۋعا قازاقستاننىڭ 18-29 جاس ارالىعىنداعى جاس بۋىن وكىلدەرى, سونىمەن بىرگە, جوبالىق توپتار قاتىسا الادى. وسىعان وراي ورتالىق كوممۋنيكاتسيالار قىزمەتىنىڭ ءباسپاسوز ورتالىعىندا جوبانىڭ بيىلعى جوسپارى تالقىلانىپ, تالاپ-ەرەجەلەرى ءتۇسىندىرىلدى. – «Startup Bolashak» بيزنەس بايقاۋىنىڭ ەكىنشى ماۋسىمىنداعى جۇلدە قورى 30 ميلليون تەڭگەنى قۇراپ وتىر. بايقاۋعا قاتىسۋ ءۇشىن وتىنىشتەر 2016 جىلدىڭ 23 قىركۇيەگىنە دەيىن «دامۋ» قورىنىڭ بارلىق وڭىرلەردە اشىلعان كاسىپكەر­لەرگە قىزمەت كورسەتۋ ورتالىق­تارىندا قابىلدانادى. جوبا 8 باعىتتى قامتيدى. ولار – بيزنەس ورتاسىن جاقسارتۋ, قورشاعان ورتانى قورعاۋ, ءبىلىم بەرۋ, دەنساۋلىق ساق­تاۋ, قايىرىمدىلىق, دەنە شىنىق­تىرۋ مەن سپورتتى دامىتۋ, مادەني جانە پاتريوتتىق ءىس-شارالار. قاتىسۋ­شىلارعا قويىلاتىن نەگىزگى تالاپ – تىڭ, ءارى «قازاقستاندا جاسالعان» دەگەن يدەيانى قالىپتاستىرۋ», – دەدى, «بولاشاق» قاۋىمداستىعى كەڭەسىنىڭ مۇشەسى, «دامۋ» قورىنىڭ باسقارما توراعاسى قۋانىش تىلەۋشين. «ايتا كەتەيىك, وتكەن جىلى «Startup Bolashak» باي­قاۋى­نىڭ ءبىرىنشى ماۋسىمى قورى­تىن­دىلانىپ, جەڭىمپازدار كولەمدى قارجىعا يە بولىپ, ءوز ىستەرىن باس­تاپ كەتكەن بولاتىن. ولاردىڭ قاتارىنداعى 1-ورىندى جەڭىپ الىپ, 10 ملن. تەڭ­گەنى قانجى­عاعا بايلاعان ادىلەت ەلەۋسوۆ «نەيترون» عىلىمي-ساۋىق زەرتحاناسىن اشسا, ەكىنشى ورىندى ەنشىلەگەن ەلدوس بايالىشباەۆ 8 ملن. تەڭگەگە يە بولىپ, دەرتكە شيپا الاكولدە مۇقتاج جاندارعا ارنالعان «اسار» پانسيوناتىن اشقان بولاتىن. ال 3-ورىن الىپ, 5 ملن. تەڭگەنى ەنشىلەگەن باقتىگۇل قاسىموۆا «الاۋ» شىنى بۇيىمدارىن وڭدەۋ جانە ءوندىرۋ شەبەرحاناسىن قولعا العان. وسى جوبالاردىڭ ماقساتى جاس بۋىننىڭ زياتكەرلىك الەۋەتىن ارتتىرۋ, يدەيالارىن حالىق اراسىندا ناسيحاتتاۋدى جۇزەگە اسىرۋ», – دەدى ول. جەڭىمپازداردىڭ ەسىمدەرى قارا­شا­نىڭ 26-سى كۇنى وتەتىن بيز­نەس-جوس­پار­لار مارافونىندا بەلگى­لى بولادى. ايمان مۇقىشەۆا