«گۆاردەيسك» اسكەري پوليگونىندا وقىس وقيعا بولدى. ارميا حالىقارالىق ويىندارىنا دايىندالۋ بويىنشا جاتتىعۋ ساباقتارى كەزىندە انگولا كومانداسىندا 120 مم مينا اتقىشتىڭ سناريادى جارىلىپ كەتكەن.
سونىڭ سالدارىنان ءبىر ءاسكەري قىزمەتشى اۋىر, تاعى ءبىرنەشە اسكەري قىزمەتشى جەڭىل جاراقات الدى. زارداپ شەككەندەر وتار اسكەري بازاسىنىڭ جەكەلەگەن مەديتسينالىق جاساعىنا جەتكىزىلدى. الدىن الا تەرگەۋ انگولا كومانداسىنىڭ 2ب11 مينا اتقىشىنان وق اتۋ كەزىندە قاۋىپسىزدىك شارالارىنىڭ بۇزىلۋىنا جول بەرگەنى جانە كەلىسپەي اتىس بەكىنىسى ورنىن اۋىستىرىپ, وردان شىعىپ كەتكەنى بەلگىلى بولدى. بۇل ورەسكەل ءتارتىپ بۇزۋشىلىق بولىپ تابىلادى. ودان باسقا سناريادتىڭ جارىلۋىنىڭ سەبەبى, ەكى مارتە وقتالۋى بولۋى مۇمكىن.
قورعانىس ءمينيسترى يمانعالي تاسماعامبەتوۆتىڭ بۇيرىعى بويىنشا قورعانىس ءمينيسترىنىڭ ورىنباسارى گەنەرال-لەيتەنانت وقاس ساپاروۆتىڭ باسشىلىق ەتۋىمەن كوميسسيا قۇرىلدى. ول جاعدايدى انىقتاۋ جانە كەشەندى تەكسەرۋدى جۇرگىزۋ ءۇشىن وقيعا ورنىنا ۇشىپ باردى.
بۇدان بۇرىن باس تورەشى – «ارتيللەريالىق وق اتۋ شەبەرلەرى» بايقاۋىنىڭ جەتەكشىسى گەنەرال-مايور لۇت الشەكەنوۆ 13 ەلدىڭ كومانداسىنا تەحنيكا قاۋىپسىزدىگى بويىنشا نۇسقاما وتكىزگەنىن ايتا كەتۋ قاجەت. اتالعان پروتسەدۋرادان كەيىن عانا كوماندانىڭ جاراقتاندىرىلعان قاتىسۋشىلارى جاتتىعۋلارعا كىرىسە الدى.
«ەگەمەن-اقپارات»
