باعانى باقىلاۋدا ۇستاۋ ءۇشىن

استانا اكىمدىگى ازىق-ت ۇلىك باعالارىنىڭ وسۋىنە جول بەرمەۋ بويىنشا شارالار قولدانادى كەشە قالا اكىمى اسەت يسەكەشەۆتىڭ توراعالىعىمەن ازىق-ت ۇلىك باعاسىن تۇراقتاندىرۋ ماسەلەلەرىن تالقىلاۋ بويىنشا كەڭەس ءوتتى. وعان قالالىق وكىلەتتى ورگانداردىڭ, ستاتيستيكا دەپارتامەنتىنىڭ, ۇەم تابيعي مونوپوليالار جانە باسەكەلەستىكتى قورعاۋ كوميتەتىنىڭ, «قازاگروماركەتينگ» اق وكىلدەرى, سونداي-اق, ەلوردانىڭ ءىرى كاسىپورىندارىنىڭ باسشىلارى قاتىستى. كەڭەس بارىسىندا مەملەكەت باسشىسىنىڭ ەلوردادا ازىق-ت ۇلىك ونىمدەرىنىڭ قاۋىپسىزدىگىن قامتاماسىز ەتۋ جونىندەگى تاپسىرماسىن ورىنداۋعا باعىتتالعان شارالار تالقىلاندى. ەلوردا اكىمى الەۋمەتتىك-ماڭىزدى تاۋارلاردىڭ, سونىڭ ىشىندە نان, جارما جانە قانتتىڭ باعاسىن ۇستاپ قالۋعا باعىتتالعان بىرقاتار ناقتى تاپسىرمالار بەردى. كۇن سايىن اۋىل شارۋاشىلىعى ونىمدەرىنىڭ جارمەڭكەسىن وتكىزۋ جانە ساۋدا ورىندارىنىڭ سانىن كەڭەيتۋ, اۆتودۇكەندەر اشۋ تۋرالى شەشىم قابىلداندى. وسىعان بايلانىستى قازاقستاننىڭ وڭىرلەرىمەن اۋىل شارۋاشىلىق ونىمدەرىن تىكەلەي ەلورداعا جەتكىزۋ تۋرالى كەلىسىمگە قول جەتكىزىلدى. وسى ماقساتتا قالا باسشىسى ازىق-ت ۇلىك تاسىمالداۋشى كولىكتەرگە «جاسىل ءدالىزدى» قامتاماسىز ەتۋگە تاپسىرما بەردى. سونىمەن قاتار, جارمەڭكەدە ساتىلاتىن ونىمدەر اسسورتيمەنتى دە كەڭەيتىلمەك, ەندى ماي, شاي, جارمالار جانە باسقا ازىق-ت ۇلىك تاۋارلارى ساتىلادى. ەت جانە ءسۇت ونىمدەرىن تەكسەرۋگە ارنالعان ءموبيلدى زەرتحانالار ورناتىلادى. وسىعان بايلانىستى ايتا كەتەتىن ماسەلە, قالالىق اكىم­دىكتىڭ وكىلدەرى جارمەڭكەلەردە ءونىم­دەر باعاسىنا ۇدايى باقىلاۋ جۇرگىزەدى. ۇلتتىق ەكونوميكا مينيسترلىگىنىڭ تابيعي مونوپوليالار جانە باسەكەلەستىكتى قورعاۋ كوميتەتى باعالارعا تۇ­راقتى تۇردە مونيتورينگ ءجۇر­گىزەتىن بولادى. وسى وزەكتى ماسەلە بويىنشا قابىلداناتىن شارالاردى ۇيلەستىرۋ ءۇشىن استانا قالاسى اكىمىنىڭ ورىنباسارى اندرەي لۋكيننىڭ جەتەكشىلىگىمەن جەدەل شتاب قۇرىلدى. ەلوردادا ازىق-ت ۇلىك قاۋىپسىزدىگىن قامتاماسىز ەتۋ ماسەلەسى قالا باسشىسىنىڭ جەكە باقىلاۋىنا الىندى.