جيىن-تەرىمگە دايىندىق ويداعىداي

ەلىمىزدىڭ وڭتۇستىك وڭىرلەرىندە ەگىن وراعى باستالىپ كەتكەنى ءمالىم. ال استىقتى ولكە – سولتۇستىكتەگى وراق ناۋقانىنا دايىندىق جۇمىستارى قايتا-قايتا پىسىقتالىپ جاتىر ەكەن. كەشە ورتالىق كوممۋنيكاتسيالار قىزمەتىندە ءباسپاسوز ءماسليحاتىن وتكىزگەن «قازاگرو» ۇلتتىق باسقارۋشى حولدينگى» اق-تىڭ باسقارما توراعاسى نۇرلىبەك مالەلوۆ كۇزگى ناۋقانعا دايىندىق جونىندە اڭگىمەلەدى. باسقارما توراعاسى بيىلعى تۇقىم سەبۋ ناۋقانى وتە جاقسى وتكەنى جونىندە ايتىپ, الداعى جيىن-تەرaىم جۇمىستارىنا جاسالىپ جاتقان دايىندىقتارعا توق­تالدى. ەڭ باستىسى, بيىل ەگىن ورۋ ناۋقانىن قارجىلاندىرۋ ءۇشىن «قازاگرو» 60 ملرد. تەڭگە ءبولىپتى. بيىل بۇل قارجى اۋىلشارۋاشىلىق تاۋار وندىرۋشىلەرىنە 5 پايىز, بانك­تەرگە 7,41 پايىزبەن تاراتىلىپتى. وسىنى ايتقان سپيكەر كەلەسى جىلدان باستاپ پايىزدىق قايتارىم كولەمى بۇدان دا ازايتىلاتىنىن جەتكىزدى. «بيىل 60 ملرد. تەڭگە بەرىلدى. ولار ءتۇرلى باعىتتاردا ءبولىندى. ءبىرىنشى باعىت – قارجىنى ەكىنشى دەڭگەيلى بانك­تەر كووپەراتيۆتەرگە بەرەدى. ەكىن­شى, قارجىنى ءوزىمىزدىڭ ەنشىلەس مە­كەمەلەر ارقىلى بەردىك. قازىر­گى ۇستەمە – اۋىلشارۋاشىلىق تا­ۋار وندىرۋشىلەر ءۇشىن – 5 پايىز, بانكتەرگە – 7,41 پايىز. الاي­دا, اۋىل شارۋاشىلىعى مي­نيستر­­لىگىمەن بىرگە كەلەسى جىلعا باعا قالىپتاستىرۋ ماسەلەسىن دە قاراستىردىق. بۇيىرتسا, كەلەسى جىلى پايىزدار ايتارلىقتاي ءتو­مەندەتىلەدى», دەدى ن.مالەلوۆ. اعىمداعى جىلى 2 514 اۋىل­شارۋاشىلىق تاۋار ءوندىرۋ­شى­لەرى 58,4 ملرد. تەڭگە نەسيە الىپتى. «جىل باسىنان وسى كۇنگە دەيىن بيۋدجەتتىك نەسيە ايا­سىندا 58,4 ملرد. تەڭگەگە 2 514 اۋىلشارۋاشىلىق تاۋار وندىرۋشىلەرى قارجىلاندىرىلدى. جالپى, ەگىستىك القاپتارى 5 ملن. گەكتار اۋماقتى قۇرايدى. سونىڭ ىشىندە, استىقتى كەپىلدىكپەن فورۆاردتىق ساتىپ الۋعا 14,1 ملرد. تەڭگەگە 1718 ءاشتو قار­­جى­لاندىرىلدى. ەگىستىك الا­ڭىنىڭ كولەمى 2,3 ملن. گا. ال ەكىنشى دەڭگەيلى بانكتەردىڭ كە­پىلدىگىمەن تىكەلەي نەسيەلەۋگە شامامەن 2 ملن. گەكتار الاڭعا ەگىن ەگۋ ءۇشىن 36 ملرد. تەڭگەگە 584 ءاشتو-گە نەسيە بەرىلدى», دەگەن باسقارما توراعاسى, حولدينگتىڭ قۇرامىنداعى شارۋالارعا نەسيە بەرەتىن ورتالىقتاردىڭ جۇ­مى­سىنا توقتالدى. «قازاگرو» ۇلتتىق باسقارۋشى حولدينگى» اق قۇرامىنداعى ءۇش كومپانيا قارجى بولۋمەن اينالىسادى. ول – «قازاگروقارجى», «اگرارلىق نە­سيەلىك كورپوراتسيا» جانە «اۋىل شارۋاشىلىعىن قارجىلاي قول­داۋ قورى» اق-تار. وسى ءۇش ۇيىم وبلىس ورتالىقتارىندا فيليال­دارىن اشقان. ولار نەسيەلىك سە­رىكتەستىكتەر ارقىلى شارۋالارعا نەسيە بەرەدى», دەدى ول. وتاندىق شارۋالار بيىل 8 ملرد. تەڭگەگە 461 تەحنيكا ساتىپ الىپتى. «وسى جىلدىڭ 7 ايىندا شارۋالارعا تەحنيكا ساتىپ الۋدى قارجىلاندىرۋ شەڭبەرىندە 8,3 ملرد. تەڭگە سوماسىنا 461 بىرلىك تەحنيكا الىندى. مۇنىمەن بىرگە, شارۋالار الداعى ەگىس ناۋقانىن اياقتاۋ ءۇشىن تاعى دا جاڭا تەحنيكالار ساتىپ الۋدى جوس­پارلاپ وتىر. وسىعان وراي, قاجەتتى اۋىلشارۋاشىلىق تەحنيكاسىن ساتىپ الۋ ءۇشىن 15,2 ملرد. تەڭگەگە 954 قارجى ليزينگى شارتى جاسالدى. بۇل باعىتتا 594 تراكتور, 131 ءدان­سەپكىش پەن باسقا دا تەحنيكالار جەتكىزىلمەك», دەدى ن.مالەلوۆ. بريفينگ بارىسىندا ەلىمىزدە كووپەراتيۆ قۇرۋ تاجىريبەسى اۋىل شارۋاشىلىعىنىڭ باسقا دا سالالارىنا ەنگىزىلەتىنى ايتىلدى. «قازاگرو» كووپەراتيۆتەر جۇرگىزگەن جۇمىستار وڭ ناتيجە بەرگەنىن ەسەپكە الا وتىرىپ, ونى اۋىل شار­ۋاشىلىعىنىڭ باسقا دا سالالارىنا ەنگىزۋدى جوسپارلاپتى. ەندى 2018 جىلعا دەيىن ءسۇت وڭدەۋ جانە ءوندىرۋ, ەت ونىمدەرىن, ماقتا, شۇبات, جۇگەرى ءوندىرۋ, ومارتاشىلىق, قوي ءوسىرۋ جانە ءداندى داقىلدار ەگۋدى قارجىلاي قولداۋ قورىنىڭ كومەگىمەن كووپەراتيۆ نەگىزىندە جۇزەگە اسىرۋدى ويلاستىرىپ جاتىرمىز», دەدى باسقارما توراعاسى. كووپەراتيۆتىڭ ارتىقشىلىق­تارى جونىندە ۇزاق اڭگىمەلەگەن سپيكەر, اۋىلشارۋاشىلىق كوو­پە­راتيۆى جۇمىسىنىڭ تابىستى بولۋى شارۋالاردىڭ اۋىزبىرلىگى مەن جۇمىسىنا بايلانىستى ەكەنىن قاداپ ايتتى. سويتسەك, وسى جىلدىڭ باسىنان باستاپ «قازاگرو» اقمولا, سولتۇستىك قازاقستان, قاراعاندى جانە پاۆلودار وبلىستارىندا 10 كووپەراتيۆتى قارجىلاندىرىپتى. ناتيجەسىندە, 726 مىڭ گەكتار جەرگە ەگىن ەككەن 212 شارۋاعا 8,3 ملرد. تەڭگە كولەمىندە قارجىلاي قولداۋ كورسەتىلگەن. نۇرباي ەلمۇراتوۆ, «ەگەمەن قازاقستان»