ەكى قولعا – ءبىر كۇرەك

الماتى قالالىق حالىقتى جۇمىسپەن قامتۋ ورتالىعى «جۇمىسپەن قامتۋدىڭ جول كارتاسى-2020» مەملەكەتتىك باعدارلاماسىن جۇزەگە اسىرۋ اياسىندا جەرگىلىكتى جانە قالاعا وزگە ايماقتاردان كەلەتىن وتانداستارىمىزدى ەڭبەككە تارتۋ ماسەلەسىمەن تياناقتى اينالىسىپ وتىرعان مەكەمە. اتالمىش مەملەكەتتىك باعدار­لاما بويىنشا بەلگىلەنگەن 3 باعىت­تىڭ قالا جاعدايىنا وڭتايلى 2 باعىتىنا ساي مىندەتتەلگەن تاپسىرما ۋاقتىلى ورىندالۋدا. ايتالىق, ءبىرىنشى – «ينفراقۇرىلىم مەن تۇرعىن ءۇي-كوممۋنالدىق شا­رۋا­شىلىقتى دامىتۋ ەسەبىنەن جۇمىسپەن قامتۋدى قامتاماسىز ەتۋ» باعىتى بويىنشا الماتى قا­لا­سىنا جۇكتەلگەن 122 ميلليارد تەڭگەنى قۇرايتىن 286 جوباعا 11 151 ادامدى جۇمىسپەن قامتاماسىز ەتۋ جوسپارلانسا, سونىڭ ىشىندە «جۇمىسپەن قامتۋدىڭ جول كارتاسى-2020» باعدارلاماسى اياسىندا 29 جوبا, «بيزنەستىڭ جول كارتاسى-2020» بويىنشا 5 جوبا, «نۇر­لى جول» باعدارلاماسى بويىنشا – 11, ۇدەمەلى يندۋستريالىق-يننوۆاتسيالىق دا­مۋ باعدارلاماسى بويىنشا – 4, ايماقتىق دامۋ باعدارلاماسى بويىنشا 3 جانە باسقا دا دامۋ جوسپارلارىنا ساي 234 جوبا بار. جىل باسىنان بەرى قالالىق حالىقتى جۇمىسپەن قامتۋ ورتالى­عى ارقىلى بۇگىنگى تاڭدا «نۇرلى جول» باعدارلاماسىنا – 163 ادام, «جۇمىسپەن قامتۋدىڭ جول كارتاسى-2020» باعدارلاماسىنا ساي 135 جانە باسقا دا جوبالار ارقىلى 24 ادام جۇمىس ورنىنا يە بولىپ, وتباسىن اسىراپ وتىر. «سوڭعى ۋاقىتتا دارىگەر مامان­دىعى مەن قۇرىلىسشىعا, ساۋدا ىسىندە تاۋار وتىمدىلىگىن ارتتىراتىن ساۋاتتى ماماندارعا سۇرانىس ارتىپ وتىر», دەيدى الماتى قالا­لىق حالىقتى جۇمىسپەن قام­تۋ ورتالىعى باسشىسىنىڭ ورىنباسارى احمەتجان قۋانتاەۆ. ونىڭ اي­تۋىنشا, قالاداعى كوپ ساۋدا ورتالىقتارى ساتۋشى-مەنەدجەرلەر جەتىسپەيتىندىگىن ايتىپ, ورتالىق ارقىلى جۇمىسشى ىزدەۋ كورسەتكىشى كەيىنگى كەزدە كوبەيگەن. ودان وزگە, تىگىنشى مەن تاجىريبەلى ەسەپشى ماماندىعىنا دا سۇرانىس كوپ. جۇمىسشى ىزدەگەن تاپسىرۋشىلاردىڭ تالابىن قام­­تاماسىز ەتۋ ءۇشىن حالىقتى جۇ­مىسپەن قامتۋ ورتالىعى بىرقاتار ماماندىق بويىنشا ازاماتتاردى وقىتۋ, قايتا دايارلاۋ ىسىنە جۇ­مىلدىرىپ, ماماندىققا ساي بەيىمدەۋ ۇستىندە. «جۇمىسپەن قامتۋدىڭ جول كارتاسى-2020» باعدارلاماسى بويىنشا الماتىدا 332 ادام الەۋمەتتىك جۇمىس ورنىمەن قامتىلسا, قالا بويىنشا بۇل كورسەتكىش 500 ادامعا جۋىقتادى. ال قازىرگى داعدارىس جاعدايىندا جۇمىسسىزدىقپەن كۇرەسۋ ماقساتىندا ىسكە قوسىلعان «جاستار باعدارلاماسى» بويىنشا 350 ازامات ەڭبەككە تارتىلىپ, تۇراقتى جۇمىس ورنىمەن قامتىلعان. وقۋ بىتىرگەن كوپتەگەن جاستاردىڭ جۇمىس ىستەۋ تاجىريبەسى بولماۋى سەبەپتى جۇمىسسىزدار قاتارىن كوبەيتىپ جاتاتىنى بەلگىلى. وسى رەتتە از قامتىلعان وتباسىلاردان شىققان جانە تاجىريبەسى جوق جاستاردى جۇمىسپەن قامتۋ ءۇشىن قابىلدانعان «جاستار باع­دارلاماسى» حالقىمىز ءۇشىن مەملەكەت تاراپىنان جاسالعان ۇلكەن قولداۋ مەن ناقتى كومەك ەكەندىگىندە داۋ جوق. ەلىمىزدەگى ىشكى ميگراتسيانىڭ كورسەتكىشى الماتى قالاسى بويىنشا وتە جوعارى. سول سەبەپتى دە باستى ماسەلە تۇرعىنداردى جۇمىسپەن قامتۋ بولىپ وتىر. وسى ورايدا حالىقتى جۇمىسپەن قامتۋ ورتالىعىنىڭ جا­ۋاپكەرشىلىگى كۇشەيىپ, ءرولى ارتۋدا. ماسەلەن, «جۇمىس­پەن قامتۋدىڭ جول كارتاسى-2020» باعدارلاماسى اياسىندا «پانسيونات سامال» مەملەكەتتىك مەكەمەسىن كۇردەلى جوندەۋ مىندەتىنە جۇكتەلگەن «ەنەرگورەمسەرۆيس-ال­ماتى» جشس-نا قاجەتتى 135 جۇ­مىسشىنىڭ 13-ءى قايتا دايارلاۋ كۋرسىنان ءوتىپ, جۇمىسقا قابىلدانعان. سونداي-اق, №4 مەكتەپ-ينتەرناتتىڭ كۇردەلى ءجون­دەۋى مەن سەيسموبەرىكتىگىن نىعايتۋ ءۇشىن «تاراز قۇرىلىس ديزاين» جشس سۇراتقان 143 جۇمىس­شىنىڭ قازىردە 25-ءى قۇرىلىس باسىندا ەڭبەك ەتىپ ءجۇر. مەدەۋ اۋدانىندا بوي كوتەرگەن جاڭا مۇز ايدىنىن سالۋ جۇمىسىنا 163 جۇمىسشى تارتىلىپ, باسقا دا قۇرىلىس نىساندارى سۇراتقان ماماندار قازىرگى تاڭدا بىلىكتىلىگىن ارتتىرۋ ماقساتىندا ارنايى وقۋ-دايىنداۋ كۋرستارىنان وتۋدە. قانات ەسكەندىر, «ەگەمەن قازاقستان» الماتى