الماتىدا اتىستان زارداپ شەككەندەردىڭ ءبىرى ەسىن جيدى

[caption id="attachment_52658" align="aligncenter" width="640"] inform.kz[/caption] الماتىدا بولعان اتىس سالدارىنان زارداپ شەككەندەردىڭ ءبىرى ەسىن جيدى. Inform.kz-ءتىڭ مالىمەتى بويىنشا, 18 شىلدە كۇنى الماتىدا بولعان اتىس سالدارىنان زارداپ شەككەندەرگە بارلىق قاجەتتى مەديتسينالىق كومەكتەر كورسەتىلۋدە. ال, جانساقتاۋ بولىمىنە تۇسكەن 4 ادامنىڭ ءبىرى ەسىن جيدى. «قازىرگى تاڭدا ەكى ادامنىڭ جاعدايى جاقسارىپ, بەيىندى بولىمشەگە اۋىستىرىلدى. دارىگەرلەر ولاردىڭ حالدەرىن ورتاشا اۋىر, تۇراقتى جانە بەلسەندى دەپ باعالاۋدا. ەمدەلۋشىلەر وزدەرى جۇرەدى جانە بارلىق ءتيىستى ەمدەردى قابىلداپ جاتىر», – دەلىنگەن الماتى قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى تاراتقان حابارلامادا. دەگەنمەن, ءتورت ادام ءالى دە جانساقتاۋ بولىمىندە جاتىر. ولاردىڭ ءبىرى ەسىن جيدى. وڭ وزگەرىستەر بايقالادى. قازىر جانساقتاۋ بولىمىندە بارلىق ەمدەلۋشىلەرگە قارقىندى تەراپيا جۇرگىزىلىپ جاتىر. جەتەكشى نەيروحيرۋرگ, نەيروينسۋلتولوگ, وفتالمولوگتاردىڭ قاتىسۋىمەن تۇراقتى تۇردە دارىگەرلەر كەڭەسى وتكىزىلىپ تۇرادى. الماتى قالاسى اكىمىنىڭ تاپسىرماسى بويىنشا ەمدەلۋشىلەردىڭ تۋعان-تۋىستارىنا اۋرۋحاناعا كەلىپ, باۋىرلارىنىڭ جاعدايىن بىلۋگە بارلىق جاعداي جاسالعان. ايدار ورىسباەۆ