25-ءشى كاتەر

ەل تاۋەلسىزدىگىنىڭ 25 جىل­دىعى قارساڭىندا ورال قالاسىنداعى «زەنيت» زاۋىتىندا جاسالعان جاڭا كاتەر سۋعا ءتۇسىرىلدى. اتالعان راسىمگە قورعانىس مينيسترلىگى اسكەري-تەڭىز كۇش­تەرى باس قولباسشىسىنىڭ ورىنباسارى, ءبىرىنشى رانگالى كاپيتان سەرىك بورامباەۆ, قارۋلى كۇشتەر ارداگەرلەرى, جەرگىلىكتى سالا باسشىلارى جانە زاۋىتتىڭ جۇمىسشى-قىزمەتكەرلەرى قاتىستى. جاڭا كاتەردىڭ ۇزىندىعى – 13 مەتر, ەنى – 3,5 مەتر, سۋ ىعىستىرعىشتىعى – 12 توننا. بۇل كەمە جايىق وزەنى ارقىلى كاسپي تەڭىزىنە قاراي باعىت الىپ وتىر. «زەنيتتىڭ» جاڭا ءونىمى تەڭىز­دەگى ەكونوميكالىق قىز­مەت نىساندارى ءۇشىن وتە ءتيىم­دى بولماق. بۇل پورت ايماعىنداعى نىسانداردى باقىلاۋ مەن قاداعالاۋ ءۇشىن دە وتە ىڭعايلى. سۋ استى دي­­ۆەرسيالىق قاۋىپتەردەن قور­عاۋدى قامتاماسىز ەتە الا­تىن قۇرالدارمەن جاب­دىقتالعان. ول ءوزىنىڭ سەرياسىنداعى ال­عاشقى مودەل. بۇعان دەيىن زاۋىتتا قۇراستىرىلعان ءوز­گە كەمەلەرمەن سالىستىرا قاراعاندا, تايىز جەرلەرمەن ءجۇزۋ مۇمكىندىگى جوعارى. سۋ استىن زەرتتەۋ قۇرالدارى قازىرگى تالاپتارعا تولىق ءساي­كەس كەلەدى. سونىمەن قاتار, جاڭا كەمە لاڭكەستىككە قارسى بارلاۋ جۇمىستارىن جۇرگىزە الادى. ەكيپاجى ءتورت ادامنان تۇرادى. كەمە زاماناۋي بايلانىس جانە ناۆيگاتسيا قۇرال­دارىمەن جابدىقتالعان. كاسپيگە جەتكىزىلگەننەن كەيىن كاتەر قاجەتتى قابىلداۋ سىناقتارىنان وتپەك. ايىمگۇل تولەۋعالي, جۋرناليست ورال