كاسىپكەرلەر اۋرۋحاناعا كومەكتەستى

  جاقىندا وبلىس اكىمى بەيبىت اتامقۇلوۆ وبلىستىڭ دەنساۋلىق ساقتاۋ نىساندارىن ارالاپ, ماتەريالدىق-تەحنيكالىق مۇمكىندىكتەرىمەن تانىسقان بولاتىن. سوندا قالاداعى №1 پەريناتالدى ورتالىعىنىڭ توزىعى جەتكەن جابدىقتارىن جاڭارتۋ ماقساتىندا كاسىپكەرلەرگە وي تاستاعان.   ۇكىمەت مەديتسينالىق قۇ­رال-جابدىقتارمەن تولىق قام­تاماسىز ەتىپ وتىر. ال وبلىس اۋ­ما­عىندا جا­ساۋ­عا بولاتىن جاساۋ-جي­ھاز­دار­مەن قامتاماسىز ەتۋگە بولادى عوي. وبلىستىق كاسىپكەرلىك, يندۋس­تريالىق-يننوۆاتسيالىق دامۋ جانە تۋريزم باسقارماسى وبلىس كا­سىپكەرلەرىمەن كەزدەسۋ وتكىزگەندە وسىنداي ويلار ايتىلعان ەدى. جاۋاپ كۇتتىرىلمەدى. «مەگا سمارت» جشس مەن «شىمكەنت جي­ھاز فابريكاسى» جشس, «نۇر الەم» جشس, «ەمباۆۋد» جشس وكىل­­­دە­­رى بيزنەستىڭ الەۋمەتتىك جاۋاپ­­­كەر­شىلىگى اياسىندا كومەك كورسەتۋگە نيەت ءبىلدىردى. سونىڭ ناتيجەسىندە كاسىپ­كەر­لەردىڭ ەسەبىنەن №1 پەريناتالدى ور­تالىققا ناۋقاستار جاتاتىن ءبول­مە­لەرگە جەكە گيگيەنالىق جانە وزگە دە زاتتار قويۋعا ارنالعان 120 شكاف جەتكىزىلىپ بەرىلدى. سونداي-اق, «Bai & R Group» جشس شىمكەنتتەگى «انا مەن با­لا» مە­ديتسينالىق ورتالىعىنىڭ اۋلاسىنا ورىندىقتار ورناتىپ بەردى. قازىر «الما ءپىس, اۋزىما ءتۇس» دەپ وتىراتىن زامان ەمەس. وبلىس­تىڭ وزىندە ىسكە اسىرىلاتىن جۇ­مىس­­تاردى ۇكىمەتتىڭ موينىنا اۋ­دارىپ, سىرتتان تاماشالاۋ ال­دىن­­دا ايقىن ماقساتى بار, ەرتەڭى نۇرلى حالىقتىڭ بويىنا جاراس­پايدى. وڭتۇستىكتىڭ كاسىپكەرلەرى بار تاپقان-تايانعانىن قويىن-قونى­شىنا تىعا بەرەتىن نيەتى جامان بايا­عىنىڭ قارىنبايى ەمەس. ولار ەلگە جاقسىلىق ەتۋدىڭ ابىرويلى ءىس ەكەندىگىن جاقسى بىلەدى.  باقتيار تايجان, «ەگەمەن قازاقستان» وڭتۇستىك قازاقستان وبلىسى