حالىق پىكىرى قاشاندا قالتقىسىز

مەملەكەت باسشىسىنىڭ اتىنا قازاقستاندىقتاردان ەلبا­سى­نىڭ كەزەكتەن تىس پرەزيدەنتتىك سايلاۋ وتكىزۋ تۋرالى شەشىمىن قۋاتتاعان حاتتار مەن جەدەلحاتتار كەلىپ تۇسۋدە, دەپ حا­بار­لادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. جامبىل وبلىسى, مەركى اۋىلىنىڭ تۇرعىنى ساكەن دارمەنوۆ ءوز حاتىندا: «31 قاڭتاردا قابىلداعان شەشىم – تەك ۇلى ادامداردىڭ قولىنان كەلەتىن ءىس. بۇل ارقىلى ءبىزدىڭ پرەزيدەنت الەمدەگى بەدەلىن تاعى دا ارتتىرا ءتۇستى. ءسويتىپ, ءوزىنىڭ جەكە باسىنان گورى حالىق قامىن جوعارى قوياتىنىن كورسەتتى», دەپ جازادى. ودان ءارى اۆتور «ەلباسى ن.ءا.نازارباەۆ قازاقستاندى مۇراتىنا جەتكىزەتىن ۇلى تۇلعا», دەپ وزىندىك پىكىرىن بىلدىرەدى. ال ماڭعىستاۋ وبلىسى, جاڭاوزەن قالاسىنىڭ تۇرعىنى, «التىن القا» يەگەرى زامزە تۇراقوۆا ەلباسى جۇرگىزىپ وتىرعان ساياساتقا ۇلكەن قولداۋ بىلدىرگەن. ودان ءارى: «ەل يگىلىگى جولىنداعى ەڭبەگىڭىز ۇشان-تەڭىز جانە وعان حالقىمىز ءدان رازى. بۇگىندە قازاق حالقى ءال­ەمگە تانىلدى. كەشەگى وتكىزىلگەن ەقىۇ-نىڭ ءسامميتى سونىڭ ايعاعى دەپ بىلەمىن. تەلەديداردان پرەزيدەنتتىك سايلاۋعا قاتىساتىنىڭىزدى ەستىپ, شەكسىز قۋانىپ وتىرمىن. ىستىق ىقىلاسىمدى بىلدىرە وتىرىپ, اۋلەتىمىزبەن ءسىزدى قولدايتىنىمىزدى ايتۋدى ءجون كوردىم. مەملەكەت مۇددەسى مەن ەلىمىزدى دامىتۋ جولىنداعى ابىرويلى ىستەرىڭىزدە مول تابىس تىلەيمىن», دەيدى جەدەلحات يەسى. * * * وتانداسىمىزدىڭ وڭ تىلەگى مەملەكەت باسشىسىنىڭ اتىنا قوستاناي وبلىسىنىڭ تۇر­عىنى امانگەلدى باقتىباەۆتان جەدەلحات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. «قازاقستاندا ازيا ويىندارىنىڭ تابىستى اشىلۋىمەن شىن جۇرەكتەن قۇتتىقتاۋىمدى قابىل الىڭىز. سپورتشىلارعا تولاعاي تابىستار, ال سىزگە, قۇرمەتتى پرەزيدەنت, زور دەنساۋلىق تىلەيمىن», دەلىنگەن جەدەلحاتتا.