كومپيۋتەرگە بايلانعان جان مۇگەدەك بولا جازدادى

قىتايدا ءوز ۇيىنەن قاشىپ, ءبىر اپتا بويى ينتەرنەت كلۋبتان شىقپاعان 19 جاستاعى جىگىت مۇگەدەك بولۋدىڭ از-اق الدىندا قالدى. دارىگەرلەردىڭ ايتۋىنشا, ول وسى ۋاقىتتىڭ بارىندە ويىن ويناپ, قوز­عالىسسىز وتىرعاندىقتان, ەكى اياعى ىرىڭدەپ كەتكەن. بىرنەشە كۇن اس ىشپەي, ورنىنان دا تۇرماي, كومپيۋتەرگە تاۋەلدى بولعان بوزبالانى جۇرت تەمىرجول ماڭايىندا ەسىن بىلمەي, قۇلاپ جاتقان جەرىنەن تاۋىپ العان. ونى كورگەندەر ءتىپتى, ءۇيسىز-كۇيسىز جۇرگەن قاڭعىباس ادام دەپ ويلاپ قالعان كورىنەدى. ۇزاق ۋاقىت قوزعالىسسىز وتىرۋ مەن كومپيۋ­تەردىڭ زاردابى ءوتىپ كەتكەندىكتەن, اياعىنداعى ينفەكتسيا دەنەگە تارالىپ كەتسە, ومىرىمەن قوش ايتىسۋى مۇمكىن بولار ەدى. بىراق اق حالاتتىلار دەر كەزىندە كومەك كورسەتىپ ۇلگەرگەن. قۇمار ويىنعا تاۋەلدىلىكتەن بۇگىندە قايتىس بولىپ جاتقاندار از ەمەس. ماسەلەن, وتكەن جىلى ءدال وسى اسپاناستى ەلىندە 19 ساعات بويى كومپيۋ­تەردىڭ الدىندا تەلمىرىپ وتىرعان ءجاسوسپىرىم ءتىل تارتپاي كەتكەن. ال باشقۇرتستاندا 2015 جىلى تامىز ايىنىڭ سوڭىندا 22 كۇن بويى ۇزدىكسىز ويىن ويناعان 17 جاسار بالا قايتىس بولدى. مالىمەتتەرگە سايكەس, ول 2014 جىلدان بەرى كومپيۋتەرگە 2 مىڭ ساعات ۋاقىتىن جۇمساعان. اتا-اناسى ۇيدە بولماعان كەزدەرى ەسكى اۋەنىنە باسىپ, تەك ۇيىقتاپ الۋ ءۇشىن عانا ءۇزىلىس جاساعان. ايان ءابدۋالي, «ەگەمەن قازاقستان»