دەكلاراتسيا تاپسىرۋ كەزەڭ-كەزەڭىمەن جۇزەگە اسادى

كەشە پارلامەنت ماجىلىسىندەگى «نۇر وتان» پارتياسى فراكتسياسىنىڭ كەڭەيتىلگەن جينالىسى ءوتىپ, وعان وزگە پارتيالاردان سايلانعان دەپۋتاتتار دا شاقىرىلدى. جينالىستى اشىپ جۇرگىزىپ وتىرعان ماجىلىستەگى «نۇر وتان» پارتياسى فراك­تسيا­سىنىڭ جەتەكشىسى دەپۋتات گۇلميرا يسيمباەۆا كۇن تارتىبىنە قويىلىپ وتىرعان ماسەلەلەردىڭ دەپۋتاتتىق كورپۋس ءۇشىن, اسىرەسە الداعى شىلدە-تامىز ايلارىندا وڭىرلەرگە ساپارعا شىعۋلارىنا بايلانىس­تى حالىقپەن كەزدەسۋلەردە قويىلاتىن ساۋالدارعا جاۋاپ بەرۋدەگى ماڭىزدىلىعىنا وراي وعان «اقجول», «كوممۋنيستىك حالىق پارتياسىنىڭ» جانە قازاقستان حالقى اسسامبلەياسىنان سايلانعان دەپۋتاتتاردىڭ شاقىرىلعانىن جەتكىزدى. شىنىندا دا كۇن تارتىبىنە قويىلعان 3 ءما­سەلەنىڭ ەڭ العاشقىسى– قازاقستان رەسپۋب­لي­كاسىندا كىرىستەر مەن شىعىستارعا سالىقتىق دەكلاراتسيانى ەنگىزۋ تۋرالى ماسەلەنىڭ الداعى 2-3 جىلدىڭ جۇزىندە ەلىمىزدەگى ازاماتتاردى تۇگەلدەي دەرلىك قامتيتىنىن ەسكەرسەك, دەپۋتاتتىق كورپۋستىڭ فراكتسيالىق وتىرىسقا بۇلايشا كەڭ كولەمدە جينالۋى اقتالادى دا. قارجى ۆيتسە-ءمينيسترى ارداق تەڭگە­باەۆ­تىڭ ايتۋىنشا, جالپىعا بىردەي دەكلا­را­تسيالاۋعا كوشۋدەگى باستى ماقسات – كولەڭكەلى ەكونوميكامەن جانە جەمقورلىقپەن كۇرەس بويىنشا جەكە تۇلعالاردىڭ كىرىستەرى مەن م ۇلىكتەرىنە ءتيىمدى باقىلاۋ جۇيەسiن قۇرۋ, سونداي-اق سالىقتاردىڭ جانە بيۋدجەتكە تولەنەتiن باسقا دا مiندەتتi تولەمدەردiڭ جينالۋىن قامتاماسىز ەتۋدە مەملەكەتتiڭ ءرولiن كۇشەيتە ءتۇسۋ. انار تولەۋحانقىزى, «ەگەمەن قازاقستان» جالپىعا ورتاق دەكلاراتسيالاۋ كامەلەتتىك جاسقا تولعان بارلىق ازاماتتارعا, ورالماندار مەن تۇرعىلىقتى مەكەنجايعا يە تۇلعالاردىڭ بارىنە قاتىستى بولسا, ال شەتەلدىكتەر مەن كامەلەتتىك جاسقا تولماعاندار ءۇشىن ەگەر ولاردا م ۇلىك بولعاندا نەمەسە قازاقستاننان تابىس تاباتىنداي جاعدايدا دەكلاراتسيا تاپسىرۋعا مىندەتتى ەكەنىن جەتكىزگەن ول دەپۋتاتتار الدىندا ءارى قارايعى ءسوزىن تومەندەگىشە جالعادى: «2017 جىلدىڭ 1 قاڭتارىنان باستالاتىن بiرiنشi كەزەڭدە جالپىعا بiردەي دەكلاراتسيالاۋ سۋبەكتiلەرi كەلەسi تۇلعالار بولىپ تابىلادى: سىبايلاس جەمقورلىققا قارسى iس-قيمىل تۋرالى زاڭدا ايقىندالعان تۇلعالار جانە ولاردىڭ جۇبايلارى. ول قازiر دە دەكلاراتسيا تاپسىرىپ جۇرگەن – مەملەكەتتiك قىزمەتشiلەر, دەپۋتاتتار, سوتتار, ۇلتتىق بانك قىزمەتكەرلەرi. كەلەسi تۇلعالار – ۇلتتىق كومپانيا, حولدينگتەردiڭ اكiمشiلiك پەرسونالى. ءۇشiنشi توپ – مەملەكەتتiك كاسiپورىندار مەن مەكەمەلەردiڭ قىزمەتكەرلەرi. ال 2020 جىلدىڭ 1 قاڭتارىنان باستاپ, ەلiمiزدiڭ قالعان حالقى وسى جۇيەگە كiرەتiن بولادى. جالپى, بiرiنشi كەزەڭدە 1,8 ملن. ادام دەكلاراتسيا تاپسىرسا, ەكiنشi كەزەڭدە شامامەن 11 ملن. ادام وسى جۇيەگە قوسىلادى دەپ بولجانىپ وتىر», دەدى ا تەڭگەباەۆ. «نۇر وتان» پارتياسى فراكتسيا­سى جەتەك­شىسىنىڭ ورىنباسارى نۇرتاي سابيليانوۆ: «دەكلاراتسيالار جوباسىنا توقتا­لاتىن بولساق, بىرىنشىدەن, اكتيۆتەر مەن ءمىن­دەتتەمەلەر تۋرالى دەكلاراتسيا – 16 بەتتەن, كىرىستەر مەن م ۇلىكتەر تۋرالى دەكلاراتسيا – 42 بەتتەن, ال جەكە تۇلعانىڭ كىرىستەرى تۋرا­لى قىسقاشا دەكلاراتسيا 2 بەتتەن تۇرادى ەكەن. ياعني قاراپايىم حالىققا ولاردى تول­تىرۋ وڭايعا سوقپايدى. جانە كوپتەگەن ءمالى­مەتتەردى انىقتاۋ, سالىستىرۋ كوپ ۋاقىت­تى قاجەت ەتەدى جانە ولار سايكەسپەيتىن جاع­داي­دا العاشىندا ەسكەرتۋ بەرىلىپ, ال جىل ءىشىن­دە ونداي سايكەسسىزدىكتەر قايتالانسا, ازاماتقا 64 مىڭ تەڭگە كولەمىندە ايىپپۇل سالىنادى. ەگەر ازاماتتىڭ ەڭبەكاقىسى 40-50 مىڭ تەڭگە شاماسىندا بولسا, وندا ول بۇل ايىپپۇلدى قالاي تولەيدى؟ سوندىقتان, ايىپپۇل مولشەرىن ازايتقان دۇرىس», دەگەن ويدى جەتكىزدى.