كورگەندى كىسى كورگەنىن ايتادى

گازەتىمىزدىڭ ينتەر­نەت-نۇسقاسى باسىلىم بەتتەرىندە جا­ريالانعان بارلىق ماقالالار مەن حا­بارلاردىڭ بەزبەنى, وقىرمانداردىڭ ولارعا دەگەن كوزقاراسىنىڭ بارومەترى سياقتى. وسىنداعى ءوز كوڭىلدەرىنەن شىققان (نەمەسە شىقپاعان) ماتەريالدارعا كوپشىلىك بىردەن وي-پىكىرلەرىن بىلدىرە باستايدى. سونىڭ ىشىندە كۇللى ەلگە قاتىستى وزەكتى ماسەلەلەردى كوتەرگەن جاريالانىمدار سوڭى كوممەنتتەرگە تولىپ كەتەدى. ءبىز وسى كەزگە دەيىن سونداي پىكىرلەردى كوبىرەك جيناعان, كۇن تارتىبىندەگى وزەكتى جايتتاردى ءسوز ەتكەن ماقالالارعا تۇسكەن كوممەنتتەردى جاريالاپ تۇرۋدى داستۇرگە اينالدىرىپ كەلدىك. ال بۇگىن ءۇش بىردەي ماقالاعا تۇسكەن پىكىرلەردى توپتاستىرىپ بەرۋگە تۋرا كەلىپ وتىر. البەتتە, پىكىرلەردىڭ ءبارىن بىردەي بەرۋدىڭ مۇمكىندىگى بولعان جوق. دەگەنمەن, وسى ىرىكتەپ العانداردىڭ ءوزى سولارداعى جالپى كوڭىل-كۇيدى بىلدىرە الادى دەپ ەسەپتەيمىز. ەندەشە, اتالعان كوممەنتتەرگە كوز سالايىق. «وسى جاراسىمدى ما؟»  قاراشاش توقسانباي (7 ماۋسىم, 2016 جىل) ورال راس, قازىر جىگىتتەردىڭ ءبىر-بىرىمەن بەت ءسۇيىسىپ امانداسقانى, گۇل سىيلاعانى قاتتى اشۋ كەل­تىرەدى. جىگىتسىڭ بە, جىگىتتىك زاتىڭا ساي بولساڭشى! ءتوس قاعىسىپ امانداس, سىيلىق سىيلاعىڭ كەلىپ بارا جاتسا, ەر ادامدار ۇستايتىن زاتتاردىڭ ءبىرىن بەر. جومارت مۇنىڭ ءبارى ۇيدەگى تاربيەنىڭ دۇرىس-بۇرىستىعىنان بولادى. بۇرىنعى كەزدە اتا-بابالارىمىز ۇلدارىن قالاي ۇستاعان؟ ال قازىرگى زاماناۋي اكە بولىپ جۇرگەندەرىمىزدىڭ بالالارىنا بەرىپ جاتقان تاربيەسى قانداي؟ مەنىڭشە, بۇگىنگى قوعام ناعىز اكە دەپ ايتارلىق ادامداردان اقىرىنداپ ايىرىلىپ بارا جاتقان سياقتى. اسىلبەك قازىر شىنىمەن مۇنداي تيپتەگى جاستار كوبەيدى. ساحنادا ءان ايتىپ تۇرعان ءانشىنى تۇسىنۋگە بولار. ولارعا كورەرمەن گۇلدەن ارتىق ەشنارسە سىيلاي المايدى. بىراق دوسىڭا گۇل سىيلاۋ دەگەن ەندى وتە ۇيات نارسە. زاماننىڭ وزگەرگەنى دەگەن دۇرىس پا, الدە قازاق جاستارىنىڭ باتىس ەلدەرىنە ەلىكتەۋشىلىگى مە؟! اسەم بۇل قازىرگى تاڭداعى وتە وزەكتى ماسەلەلەردىڭ ءبىرى بولىپ تۇر. وتان قورعايدى دەپ ۇمىتتەنەتىن جى­گىتتەرىمىز ءوز باسىن دۇرىس الىپ جۇرۋگە جارامايدى. ء«بىز ءححى عا­­سىردىڭ جاستارىمىز», دەيدى ودان قالا بەردى. نە ايتارىمدى دا بىلمەيمىن. ءابدىجامىل ەندى بۇل بارىپ تۇرعان سو­راقىلىق پا دەيمىن. ونىڭ كەڭ ەتەك الىپ بارا جاتقانىن جازىپ, شۋلاي بەرگەنشە, ونىمەن قالاي كۇرەسۋ كەرەكتىگىن ويلاسايىق. سونىڭ جولدارىن قاراستىرايىق. مەنىڭشە, ونىڭ الدىن الۋ ءۇشىن ءاربىر وتباسىندا «ەركەك پەن ەركەك ءسۇيىسىپ سالەمدەسپەيدى» دەگەن سارىندا تىيىمدار اشىق ايتىلىپ وتىرۋى كەرەك. «التىن بەلگى» ارالى  باقتيار تايجان (17 ماۋسىم, 2016 جىل) دۋمان مۇنداي باسشىعا كوزىنىڭ تىرى­سىندە تۋعان جەرىندە ەسكەرتكىش قوي­سا دا ارتىق ەمەس! قادىر قازاقتاردان تۇك شىقپايدى, قازاقشا وقىعان بالالار دۇ­رىس ءبىلىم المايدى دەيتىن كوك­اۋىز­داردىڭ اۋزىنا قۇم قۇياتىن تاماشا دەرەك قوي مىناۋ! تولاعاي مەنىڭشە, ەڭبەك ەرى اتاعىن وسى كىسىگە بەرۋ كەرەك. بۇل كىسى كۇل­­لى ۇرپاققا ەڭبەك ءسىڭىرىپ جاتىر. بولات, قىزىلوردا وبلىسى, جاڭاقورعان اۋدانى قاتتى رازى بولىپ وتىرىپ وقىدىم مىنا ماقالانى. ءومىر­xان قوزىباق اعامىزعا مىڭ دا ءبىر راxمەت! ەڭبەك ەرى اتاعىن الاتىن دارەجەگە كەلىپ تۇر ەكەن. ءبىر جىل ەمەس, ءۇش جىل بويى رەس­پۋبليكانىڭ الدىن بەرمەي كەلە جاتقان وسى كىسى سونداي اتاق الماعاندا, ەندى كىم الادى؟ ايبەك كەرەمەت! مەن نە ايتارىمدى دا بىلمەي وتىرمىن. العاشىندا ءبىر مەكتەپتىڭ 40 تۇلەگى «التىن بەلگى» يەگەرى اتاندى دەگەندە, اسا قاتتى سەنە قويماپ ەدىم. ما­قالانى وقىپ وتىرىپ, كوزىم جەتىپ وتىر. ىشىمنەن «شىركىن, كەزىندە وسى مەكتەپتە وقىعانىمدا عوي» دەپ ويلاپ قويامىن. شولپان مەنىڭشە, بۇل مەكتەپتىڭ وقۋ پروتسەسىندەگى تاسىلدەمەسى بولەك جانە ۇستازدارى جىل سايىن شاكىرتتەرىن بيىككە جەتەلەۋ ءۇشىن بارىن سالادى. سونىمەن قاتار, مەكتەپ بىتىرۋشىلەر ۇبت-عا دايىندىقتى 2-3 جىل بۇرىن باستايدى دەپ ويلايمىن. نە دە بولسا, ماقتاارالداعى مەكتەپتىڭ باعى بەس ەلى ەكەن! ءبىرجان مەكتەپ ۇستازدارىنىڭ الدىندا باسىمدى يەمىن. ەلىمىزدە مۇنداي ءبىلىم وشاعى بار دەپ ويلاماپپىن. باسقالارىنا ۇلگى بولعانى انىق. تاڭىربەرگەن بۇل مەكتەپ رەسپۋبليكاداعى ورتا ءبىلىم بەرۋ ۇيىمدارىنا ۇلگى بولۋى كەرەك. شىنىمدى ايتسام, ريزا بولدىم. مەكتەپ باسشىلىعىنان باستاپ, ۇستازدار قاۋىمىنا. «قازانشىنىڭ ەركى بار...»  تەمىر قۇسايىن (17 ماۋسىم, 2016 جىل) تاسبولات, اقجايىق اۋدانى ماسقارا عوي! شاھاردىڭ ءدال ورتالىعىندا, وبلىستىق جانە قالالىق اكىمدىك عيماراتتارىنىڭ تاپ قاسىندا قالانىڭ باس جوس­پارى تالابىنا ساي كەلمەيتىن ءزاۋلىم بۇل نە قۇرىلىس؟ جاندارباي جۋرناليست تەمىر قۇسايىن­نىڭ جازىپ وتىرعانى وتە ورىن­دى ماسەلە. ەلباسىنىڭ سىندار­لى ساياساتىنا ساي, وبلىس ورتالىقتارىنداعى قۇرىلىس قالانىڭ ءسانى مەن ساۋلەتى­نە لايىقتى تۇردە جوبالانۋى قا­جەت. ال مىنا توعىز قاباتتى قۇ­رى­لىستىڭ اتالعان تالاپتاردىڭ ءبىرى ەسكەرىلمەي, قالانىڭ قاق ورتاسىندا بار كورىكتى بۇزىپ سالىنۋىنا قاراعاندا, اۆتوردىڭ جازعانىنداي, زاڭدى اينالىپ وتكەن ءبىر گاپ بار سەكىلدى. يمانات زاڭدى بەلدەن باسىپ ويىنا كەلگەندى جاساي بەرۋ وڭاي نəرسە-اۋ دەيمىن. قاتەلىك مەملەكەتتىك قىزمەتكەر دەگەن اتى بار əكىمدىك قىزمەتكەرلەرىنەن شىعادى. قالانىڭ باس جوسپارىن اياقاستى ەتىپ ورىنسىز جەردەن جەر تەلىمىن بەرگەندەرى وسى ايتقانىمىزعا دəلەل ەمەس پە؟ ايبولات بۇگىندە باتىس قازاقستان وبلىسىنىڭ بيلىگى باق-قا جابىق. كەز كەلگەن مەكەمەدەن كىشكەنە اقپارات الۋ ءۇشىن دە جوعارعى جاقتىڭ رۇقساتى كەرەك دەيدى. جوعارعى جاق اكىمنىڭ پيارىن جاسايمىن دەپ, شاش ال دەسە باس الۋعا دەيىن كەتىپ قالدى. «ەگەمەن» اقپارات الا الماسا, قالعانىنا نە جورىق؟ بەيىمبەت قالالارداعى ورتالىق الاڭ تۇبىنەن, اكىمشىلىك عي­ما­رات­تاردىڭ ىرگەسىنەن كوپ­قاباتتى ءۇي سالۋ تاجىريبەسى بىردە-ءبىر مەملەكەتتە جوق. ورال­دىڭ ورتالىق الاڭىنداعى بۇل ارا ونسىز دا تار. ەشقانداي بوس كەڭىستىك جوق. قۇرىلىس بىت­كەن سوڭ بۇل جەردە ادام دا, كولىك تە كوبەيەدى. سول كەزدە ءتۇر­لى قا­ۋىپ­سىزدىك جاع­داي­دان ساق­تانۋ­عا مۇمكىندىك بولماي قالۋى ىقتيمال. اراي دەمەك, وبلىستىق قۇرىلىس باسقارماسىنىڭ باسشىسى وك­سىكباەۆ اتالعان قۇرىلىس نىسانى جايلى تولىق بىلمەيتىن بولدى عوي. سوندىقتان دا ارتىق بىردەڭە ايتىپ قويامىن با دەپ قورىققاندىقتان, اكىمدىككە سىلتەپ وتىر. جالتاق شەنەۋنىك, جابىق مەكەمە كىمگە ابىروي اپەرەدى؟! تاراز سوڭعى كەزدەرى «ەگەمەن قا­زاقستان» گازەتى سىن ماقالالار جاريالاپ, وزەكتى ماسەلەلەردى كوتەرىپ ءجۇر. سىن ناقتى ءارى شىن بولسا نەگە جازباسقا؟ وسىنداي وتكىر دۇنيەلەر كوبەيە بەرسىن.