جەتىنشى قاباتتان قۇلاعان بالا امان قالدى

وقيعا 21 ماۋسىم كۇنى كەشكى ساعات 18.00 شاماسىندا اقتاۋ قالاسىنداعى 17 شاعىن اۋدانداعى Green Park تۇرعىن ءۇي كەشەنىندە ورىن الدى. اقتاۋدا سوڭعى جىلدارى سالىنعان ساۋلەتتى ءۇي سانالاتىن اتالمىش كەشەننىڭ جەتىنشى قاباتىنان قۇلاعان بالا تومەنگى قاباتقا ارنايى سالىنعان توردىڭ ارقاسىندا امان قالدى. وقيعا كۋالەرىنىڭ ايتۋىنشا, تەرەزە الدىندا ويناپ وتىرعان بالا كەنەت تەرەزەنى اشىپ, تومەن قاراي قۇلديلاي جونەلگەن. ابىروي بولعاندا, جاقتاۋلارى تەمىردەن جاسالعانمەن توردىڭ ءوزى جۇمساق ماتەريالدان بولىپ شىقتى. قۇتقارۋشىلار كەلىپ تور ۇستىندە جىلاپ وتىرعان بالاعا كومەك قولىن سوزعان. «بالانى جۇباتىپ, ونىڭ قوزعالماۋىن, قورىقپاۋىن سۇراي ءجۇرىپ دۇيسەن اققاليەۆ باسپالداق قويىپ, جوعارى ءوزى كوتەرىلىپ, بالانى قولىنا الدى», دەيدى تۇرعىندار. جەدەل جاردەم كومەگىن كۇتپەي-اق, بالانى دەرەۋ اۋرۋحاناعا جونەلتتى. ارتىنشا ماڭعىستاۋ وبلىستىق اۋرۋ­حاناسىنىڭ قابىلداۋ ءبولىمى بالادا اۋىر جاراقاتتاردىڭ جوق ەكەندىگىن حابارلاعان. قازىر قۇقىق قورعاۋ ورىندارى وقيعانىڭ ءمان-جايىن انىقتاۋدا. ولار ەرەسەكتەردەن تەرەزەلەردى اشىق قالدىرماۋدى, بالالار بار بولمەدە تەرەزە الدىنا جۇك, جيھاز قويماۋدى, سونداي-اق بالالاردىڭ تەرەزەنى ءوز بەتىنشە اشۋىنا مۇمكىندىك بەرمەيتىن ق ۇلىپتاردى قوندىرۋعا كەڭەس بەرۋدە. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى