جاھاندىق فورۋمعا دايىندىق جايى قارالدى

پارلامەنت سەناتىنىڭ توراعاسى قاسىم-جومارت توقاەۆ سەمەي يادرولىق سىناق پوليگونىنىڭ جابىلۋىنا 25 جىل تولۋىنا ارنالعان «يادرولىق قارۋسىز الەم قۇرۋ» حالىقارالىق كونفەرەنتسياسىنا ازىرلىك جونىندەگى ۇيىمداستىرۋ كوميتەتىنىڭ كەزەكتى وتىرىسىن وتكىزدى, دەپ حابارلادى وسى پالاتانىڭ ءباسپاسوز قىزمەتى. بيىلعى 29 تامىزدا استانادا وتەتىن فورۋم جۇمىسىنا حالىق­ارالىق ۇيىمداردىڭ باسشىلارى, بەدەلدى ساياساتكەرلەر, پارلامەنتتىك قاۋىمداستىق مۇشەلەرى, ساراپشىلار مەن ازاماتتىق قوعامنىڭ وكىلدەرى قاتىساتىن بولادى. شارا بارىسىندا ءتورت تاقىرىپتىق سەس­سيا وتەدى, سونداي-اق, كورمە قويى­لىمدارى كورسەتىلەدى. كونفە­رەن­تسيا يادرولىق قارۋدى تاراتپاۋ جانە قارۋسىزدانۋ جونىندەگى پار­لامەنتشىلەر وداعىنىڭ قولداۋى­مەن وتەدى. ق.توقاەۆ بۇل فورۋمنىڭ ماز­م­ۇنىن ساپالى قامتاماسىز ەتۋ, ەڭ الدىمەن, پرەزيدەنت ن.نازار­باەۆتىڭ «الەم. ءححى عاسىر» مانيفەسىنىڭ يدەيالارى تۇرعىسىندا ىسكە اسىرۋ قاجەتتىگىنە نازار اۋداردى. سەنات توراعاسىنىڭ پىكىرىنشە, كونفەرەنتسيانىڭ ناتيجەلەرى ياد­رولىق قارۋدى جاھاندىق تۇرعىدا تا­راتپاۋ جانە قارۋسىزدانۋ ۇدە­رىس­تەرىنە جاردەمدەسۋى ءتيىس. فورۋمعا ازىرلىك بارىسى تۋرالى سىرتقى ىستەر ءمينيسترى ەرلان ىدى­رىسوۆ بايانداما جاسادى. كەڭەسكە پرەزيدەنت اكىمشىلىگى باسشىسىنىڭ ورىنباسارى باعلان مايلىباەۆ, دەنساۋلىق ساقتاۋ جانە الەۋمەتتىك دامۋ ءمينيسترى تا­مارا دۇيسەنوۆا, مادەنيەت جانە سپورت ءمينيسترى ارىستانبەك مۇ­حامەدي ۇلى, ءبىلىم جانە عى­لىم ءمينيسترى ەرلان ساعاديەۆ, ەنەر­گەتيكا ءمينيسترى قانات بوزىم­باەۆ, اقپارات جانە كوممۋني­كاتسيالار ءمينيسترى داۋرەن اباەۆ, ينۆەستيتسيالار جانە دا­مۋ ءمينيسترى جەڭىس قاسىمبەك, سەنات­تىڭ تۇراقتى كوميتەتتەرىنىڭ ءتورا­عالارى, سونداي-اق, باسقا دا مەملە­كەتتىك ورگانداردىڭ وكىلدەرى قاتىستى. سەنات توراعاسى شارانىڭ ماز­مۇندىق جانە ۇيىمداستىرۋ ماسە­لەلەرى بويىنشا بىرقاتار تاپسىرما بەردى.