قازاقستان رەسپۋبليكاسى پرەزيدەنتىنىڭ جارلىعى №1145

قازاقستان رەسپۋبليكاسى پرەزيدەنتىنىڭ 2010 جىلعى 4 ناۋرىزداعى №932 جارلىعىنا وزگەرىستەر ەنگىزۋ تۋرالى قاۋلى ەتەمىن: 1. «قازاقستان رەسپۋبليكاسى الماتى قالاسىنىڭ وڭىرلىك قارجى ورتالىعىنىڭ قىزمەتىن رەتتەۋ اگەنتتىگى كورسەتەتىن مەملەكەتتىك قىزمەتتەر ستاندارتتارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 4 ناۋرىزداعى №932 جارلىعىنا (قا­زاق­ستان رەسپۋبليكاسىنىڭ ءپۇاج-ى, 2010 ج., №20-21, 151-قۇجات) مىناداي وزگەرىستەر ەنگىزىلسىن: جوعارىدا اتالعان جارلىقپەن بەكىتىلگەن «زاڭدى تۇلعالاردى – الماتى قالاسىنىڭ وڭىرلىك قارجى ور­تالىعىنىڭ قاتىسۋشىلارىن مەملەكەتتىك تىركەۋ (قايتا تىركەۋ)», «الماتى قالاسىنىڭ وڭىرلىك قارجى ور­تا­لىعىنىڭ قاتىسۋشىلارىن اككرەديتتەۋ», «الماتى قالاسىنىڭ وڭىرلىك قارجى ورتالىعىندا قىزمەتىن ءجۇ­زەگە اسىرۋ ءۇشىن قازاقستان رەسپۋبليكاسىنىڭ اۋماعىنا كەلەتىن شەتەلدىكتەر مەن ازاماتتىعى جوق ادامدارعا ۆيزالار بەرۋ تۋرالى ءوتىنىشحات بەرۋ», «الماتى قالاسىنىڭ وڭىرلىك قارجى ورتالىعىنىڭ ارنايى ساۋدا الاڭىنا جىبەرىلگەن قارجى قۇرالدارى ەميتەنتتەرىنىڭ اۋديتىنە جۇمسالعان شىعىنداردى وتەۋ», «الماتى قا­لاسىنىڭ وڭىرلىك قارجى ورتالىعى قاتىسۋ­شىلارىنىڭ قۇجاتتاماسىن قارجى ورتالىعىنىڭ ورگاندارىن قوس­پاعاندا, مەملەكەتتىك ورگاندارعا بەرۋ ءۇشىن اعىلشىن تىلىنەن مەملەكەتتىك جانە ورىس تىلدەرىنە اۋدارۋ» مەملەكەتتىك قىزمەتتەر كورسەتۋ ستاندارتتارى جاڭا رەداكتسيادا جازىلسىن. 2. وسى جارلىق العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەننەن سوڭ قول­دانىسقا ەنگىزىلەدى. قازاقستان  رەسپۋبليكاسىنىڭ  پرەزيدەنتى ن.نازارباەۆ. استانا, اقوردا, 2011 جىلعى قاڭتاردىڭ 31-ءى.  №1145 _______________ «قازاقستان رەسپۋبليكاسى پرەزيدەنتىنىڭ 2010 جىلعى 4 ناۋرىزداعى №932 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2011 جىلعى 31 قاڭتارداعى №1145 جارلىعىنا تۇسىنىكتەمە 2011 جىلعى 31 قاڭتاردا مەملەكەت باسشىسى «قا­زاقستان رەسپۋبليكاسى پرەزيدەنتىنىڭ 2010 جىلعى 4 ناۋ­رىزداعى №932 جارلىعىنا وزگەرىستەر ەنگىزۋ تۋ­رالى» جارلىققا (بۇدان ءارى – جارلىق) قول قويدى. جارلىق قازاقستان رەسپۋبليكاسى الماتى قا­لا­سىنىڭ وڭىرلىك قارجى ورتالىعىنىڭ قىزمەتىن رەتتەۋ اگەنتتىگىنىڭ (بۇدان ءارى – اگەنتتىك) الماتى قالاسىنىڭ الەمدىك ستاندارتتارعا سايكەس قارجى ورتالىعى رەتىندە دا­مۋىنا ىقپال ەتەتىن مەملەكەتتىك قىزمەتتەردى كور­سەتۋ بويىنشا قىزمەتىن جەتىلدىرۋگە باعىتتالعان. قازاقستان رەسپۋبليكاسى پرەزيدەنتىنىڭ 2010 جىل­عى 4 ناۋرىزداعى №932 جارلىعىمەن بەكىتىلگەن, اگەنتتىك كورسەتەتىن مەملەكەتتىك قىزمەتتەردىڭ ستاندارتتارى جاڭا رەداكتسيادا مازمۇندالىپ وتىر. مەملەكەت باسشىسىنىڭ بيزنەستىك احۋالدى جاق­سار­تۋ, بيزنەستى تىركەۋ جانە جۇرگىزۋمەن بايلانىستى بيز­نەستىڭ وپەراتسيالىق شىعىندارىن قىسقارتۋ تۋرالى تاپ­سىرمالارىن ىسكە اسىرۋ ماقساتىندا اگەنتتىككە زاڭدى تۇلعالار ۇسىناتىن قۇجاتتاردىڭ كەيبىر دانا­لارىنىڭ سانى ازايتىلدى. سونىمەن قاتار, قازاقستان رەسپۋبليكاسىنىڭ «مەملەكەتتىك ستاتيستيكا تۋرالى» زاڭىنا سايكەس, «زاڭدى تۇلعالاردى – الماتى قالاسىنىڭ وڭىرلىك قارجى ورتالىعىنىڭ قاتى­سۋشى­لا­رىن مەملەكەتتىك تىركەۋ (قايتا تىركەۋ)» جانە «ال­ماتى قالاسىنىڭ وڭىرلىك قارجى ورتالىعىنىڭ قاتى­سۋ­شى­لارىن اككرەديتتەۋ» مەملەكەتتىك قىزمەت كورسەتۋ ستان­دارتتارىنان زاڭدى تۇلعالارعا ستاتيستيكالىق كارتوچ­كانى رەسىمدەۋدى, بەرۋدى رەتتەيتىن نورمالار الىنىپ تاستالدى. تۇتاستاي العاندا, اگەنتتىكتىڭ جاڭارتىلعان مەملەكەتتىك قىزمەت كورسەتۋ ستاندارتتارى مەملەكەتتىك قىزمەتتەردى تۇتىنۋشىلاردىڭ قاجەتتىلىكتەرىن قانا­عات­تاندىرۋعا, ولاردىڭ قۇقىقتارىن, بوستاندىقتارىن قامتاماسىز ەتۋگە, زاڭدى مۇددەلەرىن قورعاۋعا باعىتتالعان. جارلىقتىڭ تولىق ءماتىنى اگەنتتىكتىڭ www.rfca.gov.kz ينتەرنەت-رەسۋرسىندا ورنالاستىرىلعان جانە قا­زاق­ستان رەسپۋبليكاسى پرەزيدەنتى مەن قازاقستان رەسپۋبليكاسى ۇكىمەتىنىڭ اكتىلەر جيناعىندا جاريا­لاناتىن بولادى. قازاقستان رەسپۋبليكاسى پرەزيدەنتى اكىمشىلىگىنىڭ  الەۋمەتتىك-ەكونوميكالىق مونيتورينگ ءبولىمى.