اتقارۋشى ديرەكتورمەن اڭگىمە

پارلامەنت سەناتىنىڭ ءتورا­­عاسى قاسىم-جومارت توقاەۆ بۇۇ باس حاتشىسىنىڭ ورىن­باسارى, يۋنەيدس-ءتىڭ (بۇۇ ايتۆ/جيتس جونىندەگى بىرىك­كەن باعدارلاما) اتقارۋ­شى ديرەكتورى ميشەل سيدي­بەمەن كەزدەستى, دەپ حابارلادى سەناتتىڭ ءباسپاسوز قىزمەتى. سەنات باسشىسى قازاقستان سپيد, وكپە اۋرۋلارى جانە بەزگەكپەن كۇرەس جونىندەگى بۇۇ ۆيچ/سپيد ءجونىن­دەگى بىرىككەن باعدارلاماسىنىڭ قىز­مەتىن جوعارى باعالايتىنىن اتاپ ءوتتى. ق.توقاەۆ ۆيچ/سپيد-پەن كۇرەس قازاق­ستان ۇكىمەتىنىڭ نەگىزگ­ى سترا­تە­گيا­لىق قۇجاتتارىنا, دەن­ساۋ­لىق ساق­تاۋ سالاسىن دامىتۋ ءجونىن­دەگى «سالاماتتى قازاقستان» مەملە­كەت­تىك باعدارلاماسىنا ەنگەنىن ايتتى. سونداي-اق, ورتالىق ازيا ەلدەرى ءۇشىن الماتىدا ۆيچ-ءتىڭ تارالۋىمەن كۇ­رەس جونىندەگى ايماقتىق كەڭسەسى اشى­لۋى­نىڭ ماڭىزدىلىعى دا ايتىلدى. م.سيديبە قازاقستان ۇكىمەتىنىڭ ۆيچ/سپيد-پەن كۇرەس جونىندەگى شارالارىن جوعارى باعالادى جانە بۇۇ ۆيچ/سپيد جۇمىسى كەڭىنەن قولداۋ تاپقانى ءۇشىن ەلىمىزدىڭ باسشىلىعىنا العىس ايتتى. دۇنيەجۇزىلىك دەنساۋلىق ساق­تاۋ ۇيىمى ساراپشىلارىنىڭ باعا­لاۋى بويىنشا قازاقستان حالقىنىڭ اراسىندا ۆيچ ىندەتىنىڭ تارالۋ دەڭ­گەيى 0,1 پايىزدى قۇرايدى, ورتالىق ازيا ايماعىنداعى باسقا ەلدەرگە قاراعاندا جانە ورتاشا الەمدىك كورسەتكىشتەرگە قاراعاندا 1,1 پايىز­عا تومەن بولىپ وتىر.