وتانىمىزدى تانىستىرۋدىڭ وزىق ءتاسىلى

بۇدان بۇرىن حابارلانعانىنداي, سىرتقى ىستەر ءمينيسترى ەرلان ىدىرى­سوۆتىڭ حالىققا ەسەپ بەرۋ كەزدەسۋىنىڭ بارىسىندا «قازاقستان – ۇلى دالا ەلى» ساندىق تەحنولوگيالار سالاسىنداعى جاڭا ءونىمنىڭ تانىستىرىلىمى وتكەن ەدى. ال ونى ناقتىلاي تۇسەتىن بولساق, جاڭا ءونىم سىرتقى ىستەر مينيسترلىگى اتقارعان اقپاراتتىق-يميدجدىك جۇمىستىڭ ناقتى جەمىسى جانە بەس ينس­تيتۋتتىق  رەفورما اياسىندا ات­قا­رىلاتىن «100 ناقتى قادام» ۇلت جوسپارىنىڭ شەڭبەرىندەگى 87-قادامدى جۇزەگە اسىرۋعا قوسىلا­تىن ەلەۋلى ۇلەس بولىپ تابىلادى. «قازاقستان – ۇلى دالا ەلى» قو­سىم­­شاسى, زاماناۋي جانە ينتەراك­تيۆتى ۇلگى­دە ەلىمىز تۋرالى جان-جاق­تى اقپارات­پەن قولجەتىمدى تانىسۋ مۇمكىندىگىن قام­تاماسىز ەتۋ ءۇشىن ازىرلەنگەن. ال ءمينيستردىڭ ايتۋىن­شا, قوسىمشا «قۇرا­مىندا قازاق­ستان تۋرالى بىرەگەي كەشەندى اقپا­رات جينالعان, ساندىق تەحنولوگيا­­لار سالاسىنداعى العاشقى ونىمدەردىڭ ءبىرى». قوسىمشادا قولدانىلعان كوپتەگەن فوتوسۋرەتتەر مەن بەينەماتەريالدار ەكسكليۋزيۆتى بولىپ تابىلادى جانە دە بۇعان دەيىن جاريالانباعان. ازىرلەۋشى ءار ماتەريالدىڭ تەحنيكالىق جانە كوركەمدىك ساپاسىنا جوعارى تالاپتار قويعان. ول Windows, Apple, Android  جۇيەلەرىنە نەگىزدەلگەن قۇرىل­­عىلاردىڭ بارلىق تۇرلەرى (ۇيالى تەلەفوندار, پلانشەتتەر, نوۋت­بۋكتەر, كومپيۋتەرلەر) ءۇشىن جاسال­عان. ۆەب-سايت ۇلگىسىندەگى نۇس­قاسى دا بار. ءونىمدى جاساۋعا ءبىر توپ جەرگىلىكتى جانە شەتەلدىك ماماندار جۇمىلدىرىلعان, ولاردىڭ ىشىندە جۋرناليستەر, فوتوگرافتار, بەينەوپەراتورلار, ديزاينەرلەر, پروگرام­ميستەر, جالپى 80 ادام مەن 33 مەملەكەتتىك جانە جەكە ۇيىم بار. قازاقستاندىقتار ءۇشىن بۇل قو­سىم­شا وتانىمىز تۋرالى كەشەندى تاقى­رىپ­تاردىڭ كەڭ اۋقىمىن قامتيتىن ناعىز ساندىق ەنتسيكلوپەديا بولىپ تابىلادى. تۇتاستاي العاندا, قوسىمشا 10 بولىمنەن تۇرادى: گەوگرافيا, تاريح, قوعام, مادەنيەت, مەملەكەت, حالىقارالىق قاتىناستار, ەكونوميكا, تۋريزم, استانا جانە ەكسپو-2017. وتاندىق ديپلوماتتار بۇل كورنەكى قۇرالدى شەتەلدىك ارىپتەستەرىمەن كەزدەسۋلەر جانە تۇساۋكەسەرلەر بارى­سىنداعى اقپاراتتىق-يميدجدىك جۇمىستاردا, شەتە­ل­دەگى وتانداستار مەن قازاق دياس­پوراسىنىڭ اراسىندا تاراتا الادى. شەتەلدىكتەردى, اسىرەسە, قازاق­ستان­داعى تۋريزم مەن ينۆەستيتسيالار جانە ەكسپو-2017 كورمەسى تۋرالى ماتە­ريالدار قىزىقتىرادى. تاعى ءبىر ايتا كەتەرلىگى قوسىمشا قازاق, ورىس جانە اعىلشىن تىلدەرىندە جارىق كورگەن. «ءبىزدىڭ ۇجىمدىق ەڭبەگىمىز كوپشىلىكتىڭ نازارىنا ىلىگىپ, ول ارقىلى شەتەل­دىكتەر مەن قازاقستاندىقتاردىڭ ءوز­دەرىنىڭ دوستارى مەن تانىستارىن ۇلان-بايتاق ەلىمىزبەن جاقىنىراق تانىستىرۋلارىنا قوسىمشا مۇمكىندىك تۋىندايتىنىنا قۋانىشتىمىز. مۇنى دامىتۋ بارىسىندا ءبىز سياقتى اركىم-اق قازاقستان تۋرالى كوپتەگەن جاڭا قىزىقتى ءمالى­مەت­تەر­مەن تانىسا الاتىنىنا سەنىم­دىمىن», – دەيدى ە. ىدىرىسوۆ. AppStore  Play Market  Kazakhstan Land of the Great Steppe . قوسىمشانى AppStore جانە Play Market ارقىلى  جۇكتەۋگە بولادى. ول ءۇشىن ىزدەۋ جولاعىنا Kazakhstan Land of the Great Steppe ەنگىزۋ قاجەت. «ەگەمەن-اقپارات»