دەنساۋلىق ساقتاۋدىڭ جاعدايىن تالقىلادى

كەشە استانادا تمد-عا مۇشە-مەملەكەتتەردىڭ دەنساۋلىق ساقتاۋ سالاسىنداعى ىنتىماقتاستىعى بويىنشا XXVI وتىرىسى ءوتتى. حالىقارالىق دەڭگەيدە ۇيىمداستىرىلعان شارادا ون مەملەكەتتىڭ دەنساۋلىق ساقتاۋ مينيسترلىگى مەن ۇيىم­دارىنىڭ وكىلدەرى قاتى­سىپ, قوعامدىق دەن­ساۋلىق ساقتاۋ جۇيەسى مەن مە­ديتسينا عىلىمى سالا­لارىنداعى ءوزارا ىنتى­ماق­تاستىقتى دامىتۋ ماسە­لەلەرى تالقىلاندى. سون­داي-اق, القالى جيىندا يۋنەيدس اتقارۋشى ديرەك­تورى ميشەل سيديبە مەن ددۇ ەۋروپا وڭىرلىك بيۋرو­سىنىڭ ارنايى وكىلى گايك نيكوگوسيان دا توبە كورسە­تىپ, ۇلتتار ساۋلىعىن ساقتاۋ­دىڭ جايى تۋرالى ەگ­جەي-تەگجەيلى پىكىر الىستى. دەنساۋلىق ساقتاۋ ءجا­نە الەۋ­مەتتىك دامۋ مي­نيسترى تا­مارا دۇيسەنوۆا جەتەك­شىلىك ەتكەن وتىرىس­تا بار­لىعى 18 ءما­سەلە قا­رالدى. نەگىزىنەن, مۇن­داي باسقوسۋلار ارقىلى الەم ەلدەرىندەگى دەنساۋلىق ساق­تاۋ سالاسىنىڭ سوڭ­عى جاڭالىقتارىمەن ءبولى­سە وتىرىپ, تاجىريبە الما­سۋ­عا باسىمدىق بەرىلەدى. وسى باعىتتاعى ءوزارا ارىپتەس­تىكتى ءۇزىپ الماي, كەرىسىنشە, ۋا­قىت اعىمىنا ساي جاندان­دىرا ءتۇسۋ ماقساتىمەن 1992 جىلدىڭ 26 ماۋسىمىن­دا تمد ەلدەرىنىڭ اراسىن­دا ارنايى كەڭەس قۇرىل­عان ەدى. وسى كەڭەس قۇرا­مىن­داعى ەلدەردىڭ كوشپە­لى وتىرىسىنىڭ كەزەكتى­سى استانادا ۇيىمداس­تى­رىلدى. تمد قۇرامىنداعى ءاربىر ەلدىڭ دەنساۋلىق ساق­تاۋ ءمينيسترى مەن مەملە­كەتتىڭ باس سانيتار-دارىگەرى وسى كەڭەستىڭ نەگىزگى ءمۇ­شەسى بولىپ تابىلاتىن باس­قوسۋعا سالا ماماندارى ءتۇ­گەل جينالدى. مينيستر ت.دۇيسەنوۆا ءوز كەزەگىندە ايتۆ/جيتس-ءتىڭ تارالۋى بويىنشا ەسكەرتۋگە باعىتتالعان ورتاق شا­­رالاردى جۇزەگە اسىرۋ با­رىسىندا قازاقستانعا كور­سەتكەن كومەك شارا­لارى ءۇشىن يۋنەيدس وكىل­دىگىنە جانە دەنساۋلىق ساق­تاۋ ماسەلەلەرى جونىندە كون­سۋلتاتسيالىق كومەگى ءۇشىن ددۇ ەۋروپالىق بيۋ­روسىنا العىس ءبىلدىردى. سو­نىمەن قاتار, القالى جيىن­­دا تەمەكى ونىمدەرىنىڭ حالىق دەنساۋلىعىنا تيگى­زەتىن كەرى اسەرى تۋرالى ەسكەر­تۋ شارالارىن ءجۇر­گىزۋ بويىنشا, العاشقى مە­دي­­تسينالىق-سانيتارلىق كو­مەكتى دامىتۋ, جۇقپالى ەمەس اۋرۋلاردى باقىلاۋ مەن ولاردىڭ الدىن الۋ تە­تىك­تەرى, ءوزارا تاجىريبە ءجا­نە اقپارات الماسۋ جايى دا ءسوز ەتىلدى. وسى ماسە­لە­لەرگە قاتىستى وي ءبولىس­كەن ميشەل سيديبە بۇۇ باس اسسامبلەياسىنىڭ اعىم­دا­عى جىلدىڭ 8-10 ماۋسى­مىن­دا نيۋ-يوركتە وتكەن جيتس-پەن كۇرەس ماسە­لە­لەرى بويىنشا جوعارعى دارەجەلى كەڭەستە بىرقاتار ءمىن­دەتتەمەلەر العاندىعىن اتاپ ءوتتى. «بۇۇ-عا مۇشە-مەم­لە­كەتتەر تۇراقتى دامۋ ماق­سات­تارىنىڭ اياسىندا 2030 جىلعا قاراي جيتس ەپي­دە­مياسىن توقتاتۋ شارا­­­لارى جونىندەگى جوس­پار­­دى ىسكە اسىرۋ بوي­ىنشا مىندەتتەمەلەر العا­­نىن ءمالىم­دەيمىن», دەدى ول ءوز ءسوزىن­دە. جيىن سوڭىن­­دا دەن­ساۋلىق ساقتاۋ جانە الەۋ­مەتتىك دامۋ مي­نيس­ترى ميشەل سيدي­بەنى قا­زاق­ستان حالقى اسسام­بلەيا­سى­نىڭ 20 جىلدىعىنا ار­نال­عان توسبەلگىمەن مارا­پات­تادى. ايتا كەتەيىك, تمد ەلدەرىنىڭ دەنساۋلىق ساق­تاۋ سالاسىنداعى ىنتى­ماق­تاستىعى بويىنشا كە­لەسى وتىرىس 2017 جىل­دىڭ ءساۋىر-مامىر ايىندا قىر­عىزستاندا وتەتىن بولدى. نۇرلىبەك دوسىباي, «ەگەمەن قازاقستان»