تۋريستەر ءۇشىن ءتيىمدى

كاتونقاراعاي اۋ­دا­نىنىڭ اكىمى اح­­مەتقالي نۇرعو­جين جاقىندا اق­پارات قۇرالدارى وكىلدەرى­مەن كەز­دە­سىپ, اۋ­دان­داعى تۋريزم ءجا­­نە سپورتتىڭ دامۋى جايلى ايتىپ بەردى. – وبلىستا تۋ­ريزمدى دامى­تۋ ءجو­نىنەن ءبىزدىڭ اۋدان كوش باسىندا كە­لەدى, – دەدى اۋدان باس­شىسى. – «راح­مان قاينارى», «نۇر-بۇلاق» شيپا­جايلارىنىڭ اتا­عى الىسقا كەتكەن. بۇل جەردە جازدا ورىن تابۋ وڭاي شارۋا ەمەس. سەبەبى, ادام اعزاسىنا وتە پايدالى پانتىمەن ەمدەلۋگە سۇرانىس ۇلكەن. سونداي-اق, بۇرىنعى اۋدان ورتالىعىندا «بايان» شيپاجايى قىسى-جازى كەلۋشىلەرگە ساپالى قىزمەت كور­­سەتەدى. وعان قوسا, پانتىمەن ەمدەيتىن 11 ساۋىقتىرۋ ورىندارى, بىرنەشە قوناقۇيلەر شەت جاقتان كەلگەندەرگە قىزمەت كورسەتەدى. بيىل بەلقاراعاي اۋى­لىنىڭ تۇسىندا 30 ورىندىق وننان استام قوناقۇي سالۋ باستالماق. بۇل جەردە 200 ورىندىق مەيرامحانا, 30 ورىندىق ءدامحانا سالۋ ويدا بار. جەكە كاسىپكەر اسقار ءۋالحانوۆ بۇل ماقساتقا 500 ميلليون تەڭگە جۇمساماق. ورەل اۋىلىندا بەس قوناقۇي پايدالانۋعا بەرىلەدى. بۇدان بىرنەشە جىل بۇرىن ەلىمىزدە ءبىرىنشى بولىپ پايدالانۋعا بەرىلگەن «جاس تۋريست بەكەتى» مەكتەپ وقۋشىلارىنىڭ تۋعان ولكەنىڭ تابيعاتىن قورعاپ, ءتۋريزمدى ناسيحاتتاۋدا باعىتتى دا باعدارلى جۇمىستاردى اتقارۋدا. اۋدان اكىمىنىڭ ايتۋىنشا, تابيعاتى كورىكتى بۇقتىرما سۋ قويماسىنىڭ جاعالاۋىندا 40 ورىندىق دەمالىس كەشەنى بوي كوتەرمەك. ءتۋريزمدى دامىتۋ ماق­ساتىندا شەتەلدىك ينۆەس­تور­لارمەن كەلى­سىم­شارت جاسالۋدا. اتاپ ايت­­قاندا, كا­تون­قا­راعاي بۇعى شا­­رۋا­شىلىعىنىڭ باس­­شىسى نۇر­لان توقتاروۆ قى­تايدىڭ شىڭ­جان-ۇيعىر اۆتونوميالى اۋدانىنىڭ ىسكەر ازاماتتارىمەن بىرلەسىپ كاتونقاراعاي اۋىلىندا پانتى ونىمدەرىن وڭدەيتىن جانە ەت ونىمدەرىن ازىرلەيتىن تسەح سالۋدى ۇيعاردى. ولاردىڭ ءار­قايسىسىنىڭ قۇنى تيىسىنشە 210-280 ميلليون تەڭگە. دەمەك, قوسىمشا ونداعان جۇمىس ورىندارى اشىلماق. سونىمەن بىرگە, كورشى ەل مەن اۋداندىق اكىمدىك اراسىندا ءتۋريزمدى وركەندەتۋگە ارنالعان مەموراندۋمعا قول قويىلدى. اۋداندا مارال جانە ومارتا شارۋاشىلىعى وركەندەپ كەلەدى. قازىرگى كەزدە مارال شارۋا­شى­لىعىمەن 11 قوجالىق اينالىسادى, مارال مەن تەڭبىل بۇعىنىڭ سانى 6 مىڭدى قۇرايدى. ءدامى ءتىل ۇيىرەتىن, شيپالى كاتون­نىڭ قىمىزىن سوناۋ الماتى مەن استانادان ال­عىزىپ پايدالاناتىندار سانى كۇرت وسكەن. تا­­ۋارلى ءسۇت فەرماسىن قۇرۋدا دا العا باسۋ بار. اۋداندا بالا­باقشالارمەن قامتاماسىز ەتۋ 100 پايىز شە­­شى­مىن تاپ­قان. مۇندا سپورتپەن شۇ­عىل­­دانامىز دەۋشىلەرگە بارلىق جاع­داي جا­سالعان. 150 سپورت نىسانى, ونىڭ ەكەۋى ءىرى سپورت كەشەنى, 37 سپورت زالى, 19 حوككەي قوراپتارى, 49 سپورت الاڭدارى, 38 فۋتبول الاڭى, ەكى باسسەين, شاڭعى بازالارى اۋدان تۇرعىندارىنىڭ ءجيى جينالاتىن مەكەنى. اقسۋ اۋىلىندا قۇنى 85 ميلليون تەڭگە تۇراتىن سپورت كەشەنىن سالۋ جوسپاردا تۇر. مەكتەپتەردەگى 2700 وقۋشى سپورتتىق كيىمدەرمەن قامتاماسىز ەتىلگەن. امانشىلىق بولسا, بيىل ق.داميتوۆ اتىنداعى ورتا مەكتەپتە سپورت سىنىبى اشىلىپ, وندا 20 بالا شاڭعى سپورتىمەن مىقتاپ شۇعىلدانباق. شىنىندا دا, جەتى-سەگىز اي بويى اپپاق كورپەگە ورانىپ الاتىن ايماقتا قىزىعى كوپ قىسقى سپورتتى وركەندەتۋگە بارلىق جاعداي بار. وڭداسىن ەلۋباي, جۋرناليست شىعىس قازاقستان وبلىسى