«سابانتويدا» سايران سالىپ...

تاياۋدا «جاستار» سارايى­نىڭ جازعى الاڭىندا ەل تاۋەل­سىزدىگىنىڭ 25 جىلدىعىن تويلاۋ شەڭبەرىندە استانا قالا­سى­نىڭ «تاڭ» تاتار-باشقۇرت مادەني ورتالىعى» قوعامدىق بىرلەستىگىنىڭ ۇيىمداستىرۋىمەن «سابانتوي» ءداستۇرلى حالىق مەرەكەسى اتاپ ءوتىلدى. بيىلعى مەرەكە رەسپۋبليكالىق كولەمدە توي­لانادى, سول سەبەپتى, وعان بار­شا وڭىرلىك ەتنومادەني بىرلەس­تىكتەر اتسالىستى. ءىس-شارانى ۇيىمداستىرۋعا قازاقستان حالقى اسسامبلەياسى, استانا قالاسىنىڭ اكىمدىگى, تاتارستان رەس­پۋب­ليكاسىنىڭ قازاقستانداعى وكىلەتتى وكىلدىگى, رەسەي فەدەراتسياسىنىڭ ەلشىلىگى, «كاما-قازاقستان» ساۋدا ءۇيى» جشس, «كاماز» ساۋدا كومپا­نيا­سى» جشس قولداۋ كورسەتتى. بۇل مەرەكەنىڭ ەرەكشەلىگى سول, وندا كەز كەلگەن ادام ءوزىنىڭ تۋعان جەرىنە دەگەن شەكسىز ءسۇيىس­پەن­شىلىگىن بىلدىرە الادى. ءوز كەزەگىندە ءسوز العان «تاڭ» تاتار-باش­قۇرت ەتنومادەني بىرلەستىگىنىڭ وكىلى رافيك ۆاليەۆ: «بۇل ايتۋلى مەيرامعا بارلىق وبلىستاردىڭ وكىلدەرى, ارتىستەر, ءتىپتى, قازان قا­لا­­سىنان دا ارنايى قوناقتار كەل­دى. بۇگىن ەرەكشە كۇن, ۇلكەن توي. ءان ايتىلىپ, بي بيلەپ جاتقان ونەر­پازداردى كورىپ, رۋحاني دەم­الىپ قالاسىڭ. «سابانتويدىڭ» ەرەك­شەلىگى دە وسىندا», – دەيدى اقجار­ما تىلەگىن كوپشىلىكپەن ءبولىسى­پ. شاراعا پارلامەنت دەپۋتاتتارى, قحا مۇشەلەرى, قازاق­ستاننىڭ جانە تاتارستان رەسپۋب­ليكاسىنىڭ بەلگىلى قوعام, مادە­نيەت جانە سپورت قايرات­كەر­لەرى, ەلوردالىق جانە ايماق­تىق ەتنومادەني بىرلەستىكتەر وكىل­دەرى, ەلوردا تۇرعىندارى مەن قوناق­­تارى قاتىستى. مەرەكەگە كەلگەندەر ءتۇرلى جارىس­­­تارعا, ۇلتتىق ويىن­دارعا قاتى­­سىپ, تاتار-باشقۇرت حالىق­تارى­­نىڭ ۇلتتىق دامدەرىنەن اۋىز ءتيدى. سونداي-اق, تاتارلاردىڭ «كوراش» ۇلتتىق كۇرەسى تاماشالاندى. راۋشان سۇلەيمەنوۆا