تەمىرتاۋ تۇرعىنى اۆتوكولىك جۋاتىن سۋسابىن ويلاپ تاپتى

«بيزنەستىڭ جول كارتاسى-2020» مەملەكەتتىك باعدارلاماسىنىڭ اياسىندا نەسيە العان دميتري تەلەباەۆ اۆتوكولىكتەرگە ارنالعان سۋسابىن, ياعني شامپۋن شىعارادى. ونىڭ ءارى ارزان, ءارى ساپالى دۇنيەسى دۇكەن سورەلەرىندەگى شەتەلدىك جۋعىش قۇرالداردى ەداۋىر كەيىنگە ىعىستىرعان.   – سۋسابىندى جاساۋدىڭ تەحنو­لوگيالىق ۇدەرىسى اسا قيىن ەمەس, – دەيدى كاسىپكەردىڭ ءوزى. – ارنايى قۇرامدى بەلگىلى ءبىر تەمپەراتۋرادا ارالاستىرىپ, تەك سونىڭ رەت-رەتىمەن قوسىلۋىن قاداعالاپ وتىرۋ كەرەك. «حيم-گرۋپپ قازاقستان» جشس-نەن ال­عاشقى سۋسابىندار «بونا» ساۋ­دا مار­­كا­سىمەن جاقىندا عانا شى­­عا­رىلدى. – مەن اۆتوسۋسابىننىڭ 17 ءتۇرىن جانە پوليرول, بالاۋىز, اينەك تازالاعىش, موتور تازالاۋ, ديسكى تازالاۋ قۇرالدارى, تەرەك بۇتاقتارىنان, جاندىكتەردەن قورعايتىن قۇرالدار سياقتى جاناما زاتتار شىعارامىن, – دەيدى دميتري. بار­لىق ونىمدەردى تەحنيكالىق نۇسقاۋ­لىق­تار مەن ءتيىستى تارتىپتەرىنە ءساي­كەس وندىرەدى. نەگىزىنەن جەرگىلىكتى شيكى­زاتتاردى پايدالانىپ, وتان­دىق حيميا وندىرىسىندە جوق كەيبىر قۇرام­دار­عا عانا شەتەلدىك كومپانيا­لارعا تاپسىرىس بەرىپ الدىرادى ەكەن. تسەحتىڭ ءوندىرىس قۋاتى ايىنا 40 توننا ءونىم شىعارۋعا جەتەدى. العاش­قىدا جارتى توننا عانا ءونىم شىعا­رىلعان ەدى. قازىردىڭ وزىندە ساتىپ الۋشى ۇيىمدارمەن كەلىسىمشارت جاسالىپ, بىرقاتار تۇراقتى تۇتىنۋشىلار پايدا بولدى. اۆتوسۋسابىن كولىك كىرىن بار-جوعى ەكى مينۋتتا جوق قى­لادى دەسەدى. بۇدان سوڭ, ارينە, تەمىرتاۋلىق كولىك جۋشىلار جاپپاي جەرگىلىكتى ءونىمدى پايدالانۋعا كوش­كەن. «بىزگە وسى سۋسابىنداردىڭ ساپاسى ۇنايدى. بۇرىن پايدالانىپ كەلگەندەرىمىزدەن الدەقايدا جاق­سى. كولىگىن جۋدىرعاندار دا ماقتاپ كەتەدى. ونىڭ ۇستىنە, وتاندىق ءوندىرۋ­شى­نى قولداعانىمىز دۇرىس قوي», – دەي­دى كولىك جۋ ورنىنىڭ قىزمەتكەرى ەلەنا ماريانكو. تەمىرتاۋلىق كاسىپكەر كۇزگە جا­قىن جا­ڭا­دان بەس جۇمىس ورنىن اشۋدى جوس­­پار­لاپ وتىر. كۇزدە كولىك اينە­گىن قى­راۋ­­د­ان قور­عاي­تىن قۇرال شىعار­ماقشى. ءوندىرىس كولەمىن ارتتىرۋ ءۇشىن دميتري تاعى دا مەملەكەتتىك باع­دار­­لاماعا ارقا سۇيەمەك.  قايرات ءابىلدينوۆ, «ەگەمەن قازاقستان» قاراعاندى وبلىسى, تەمىرتاۋ قالاسى