لاڭكەستىككە لاعنەت

«اۋىل» حالىقتىق-پاتريوت­تىق دەموكراتيالىق پارتيا­سى لاڭكەستەردىڭ شابۋىلىنان قازا تاپقان ازاماتتاردىڭ تۋ­عان-تۋىسقاندارى مەن جاقىن­دارىنا كوڭىل ايتا وتىرىپ, ەكس­ترە­ميستەردىڭ تاعىلىق ارەكەتتەرىنە قاتاڭ سوققى بەرىپ, ءدىني ەكسترەميزم مەن تەرروريزمنىڭ كەز كەلگەن تۇرىنە توسقاۋىل قويۋ كەرەك دەپ سانايدى. * * * قايعىلى وقيعالاردى ساراپتاي وتىرىپ, قازاقستانداعى بەيبىتشىلىك پەن تۇراقتىلىقتىڭ ۋاقىت تەزىنەن وتكەن ءبىزدىڭ باستى قۇندىلىقتارىمىز ەكەندىگىن بارىنشا ۇعىنا تۇسەمىز. بۇل ۇعىمدار ەلدىڭ ءارى قارايعى دا­مۋىنىڭ تەمىرقازىعى بولىپ تابى­لادى, دەلىنگەن قازاقستان كاسىپ­وداقتار فەدەراتسياسى ءمالىم­دە­مەسىندە. كاسىپوداقتار قۇندى­لىقتارىمىزدى ساقتاپ, ونى نىعايتۋ جولىندا ەڭبەك ەتۋ كەرەكتىگىن اتاپ كورسەتەدى. * * * قازاقستان جازۋشىلار وداعى دا تەررورشىلاردىڭ تاعىلىق ارەكەتىن ايىپتاي وتىرىپ, ازاماتتاردىڭ ومىرىنە قاۋىپ توندىرەتىن بارلىق قاتەرلەرگە قارسى كۇرەستە بىرىگۋ كەرەكتىگىن, قازاقستاندىقتاردى ەلدىڭ بىرلىگى مەن كەلىسىمىن, تۇراقتىلىعىن ساقتاۋ جولىندا بۇكىل كۇش-جىگەردى جۇمىلدىرۋعا ۇندەيدى. * * * قازاقستان رەسپۋبليكاسى ارداگەرلەر ۇيىمدارى ورتالىق كەڭەسى اقتوبەدە ورىن العان لاڭكەستىك ارەكەتكە تاپسىرىس بەرۋشىلەر مەن ورىنداۋشىلار ەڭ قاتال جازاعا تارتىلۋى ءتيىس دەپ ەسەپتەيدى. سونداي-اق, ارداگەرلەر ۇيىمدارى قازاقستان ازاماتتارىنا قايىرىلا وتىرىپ, بەيبىت ءومىر ءسۇرىپ وتىرعان ەلىمىزدە تەرروريزم مەن ەكسترەميزمنىڭ تارالۋىنا قارسى كۇرەستى پارمەندى تۇردە جۇرگىزىپ, بۇكىل ەل ازاماتتارى كۇشتى بىرىكتىرۋدىڭ ماڭىزدىلىعىن اتاپ كورسەتەدى. * * * قازاقستان جاستارىنىڭ كونگرەسى دە ەلدىڭ جاستارىن ەكسترەميزم مەن تەرروريزمگە قارسى كۇرەستە الدىڭعى قاتاردا بولۋعا شاقىرىپ, ەلدەگى بەيبىت ءومىر مەن تۇراقتىلىقتى ساقتاۋعا, قوعامداعى تۇراقتىلىقتى ودان ءارى نىعايتۋعا جانە قازاقستان قوعامىنىڭ ىنتىماقتاستىعىن ارتتىرۋعا ۇندەيدى. * * * بۇلدىرگى اعىمداردى ۇستا­نۋشىلار جاساعان زورلىق اكتى­لەرىنىڭ يسلامعا ەشقانداي قاتىسى جوق دەپ سانايدى قازاقستاننىڭ ءدىنتانۋشىلار كونگرەسى. كونگرەسس يسلامنىڭ بەيبىت ءدىن ەكەندىگىن, قازاقستاندا ءارتۇرلى كونفەسسيالار وكىلدەرىنىڭ بەيبىتقاتار ءومىر سۇرۋىنە بارلىق جاعداي جاسالعاندىعىن ايتا وتىرىپ, بارلىق ازاماتتاردى تىنىشتىق پەن تۇراقتىلىقتىڭ قادىر-قاسيەتىن باعالاي بىلۋگە شاقىرادى. * * * قازاقستان جاستارىنا ەكسترەميستىك يدەيالار ءتان ەمەس, دەيدى «جاس وتان» جاستار قاناتى ءوز مالىمدەمەسىندە. وعان قوسا, جاستاردى ەلدىڭ بولاشاقتا دامۋ ماقساتى اينالاسىندا مەيلىنشە شوعىرلانىپ, بىرلىكتى ساقتاۋعا جانە نىعايتۋعا شاقىرادى.