قۇربان بەردىەۆ پەن «سپارتاك» اراسىنداعى كەلىسسوز توقتاتىلدى

استانا. 1 ماۋسىم. وتكەن دۇيسەنبى كۇنى ماسكەۋدىڭ «سپارتاك» كلۋبى مەن بەلگىلى فۋتبول مامانى, دونداعى روستوۆتىڭ «روستوۆ» كومانداسىنىڭ باس جاتتىقتىرۋشىسى قۇربان بەردىەۆتىڭ وكىلى اراسىندا كەلىسسوز ءجۇردى. مالىمەتتەر بويىنشا, ماسكەۋ كلۋبىنىڭ باسشىلىعى وعان 2 ميلليون ەۋرو كولەمىندە جالاقى ۇسىنعان. بۇل تۋرالى matchtv.ru سايتىنا سىلتەمە جاساعان egemen.kz ءتىلشىسى حابارلادى. بىراق كەلىسسوز قۇربان بەردىەۆتىڭ وتىنىشىمەن توقتاتىلىپتى. ول مۇنى «روستوۆ» كلۋبىمەن اراداعى قارىم-قاتىناستىڭ ءالى شەشىلمەگەنىنەن بايلانىستىرعان. وسى ورايدا اتالمىش كلۋبتىڭ ۆيتسە-پرەزيدەنتى الەكساندر شيكۋنوۆ باس جاتتىقتىرۋشىمەن ارادا باستالعان كەلىسسوزدىڭ ناتيجەسى دۇيسەنبى كۇنى كەشكە قاراي بەلگىلى بولاتىنىن ايتتى. ول ءوز سوزىندە سونداي-اق باپكەرمەن كەلىسىمشارتتىڭ بۇدان ءارى جالعاسۋى مۇمكىن ەكەنىن اتاپ ءوتتى. بۇگىنگى كۇننىڭ مالىمەتىنە قاراعاندا, «روستوۆ» كلۋبى فۋتبولشىلاردىڭ جالاقىلارىن ءالى تولىق تولەپ ۇلگەرمەگەن ەكەن. ال قۇربان بەردىەۆ مۇنىڭ الدىندا سول قارىزدار 27 مامىرعا دەيىن تولەنبەسە, ءوزىنىڭ كلۋبتان كەتەتىنىن مالىمدەگەن ەدى. تاسس اقپارات اگەنتتىگى حابارلاعانداي, ويىنشىلار بيىلعى جىلدىڭ ناۋرىز ايىنان بەرى جالاقى كورمەگەن. كوماندا چەمپيوناتتا العان ەكىنشى ورىندارى ءۇشىن بولىنگەن سىياقىنا دا ءالى الماعان. دەگەنمەن, كلۋبتىڭ 28 مامىردان باستاپ قارىزداردى تولەي باستاعانى بەلگىلى بولدى. ايان ءابدۋالي. دەرەك, فوتو: matchtv.ru.