كوشباسشىلار انىقتالا باستادى

سەنبى كۇنى بالۋان شولاق اتىنداعى سپورت سارايىندا قى­تاي – سولتۇستىك كورەيا جانە قا­زاق­ستان – وڭتۇستىك كورەيا قۇراما­لارىنىڭ اراسىندا ماتچ ءوتتى. ءبىرىنشى كەزەڭدە قىتاي قىزى مانىڭ سوققان شايبى­سىنا ويىن بىتۋگە 5 ءمينوت قالعاندا كورەي كيمنىڭ شايبىمەن جاۋاپ بەرىپ, بەيبىت تارقاسقان. ەكىنشى كەزەڭدە قىتايلىقتار شابۋىلدى كۇرت كۇشەيتىپ جىبەردى. كومبيناتسيالىق ويىن ورنەگى جاق­سار­دى. ەسەپتى 5:1-گە جەتكىزىپ تاستادى. سوڭعى كەزەڭدە قىتاي­دىڭ 16-شى ءنومىرلى سايىپقىران قىزى ما ەكى شايبا سوعىپ, ەكى ءمينوت قالعاندا چانگ ەسەلەدى. ەسەپ 8:1. ال قازاقستاندىق قىزدار وڭ­تۇس­تىك كورەيادان كەلگەن ارىپتەس­تەرىن 11:0 ەسەبىمەن جەڭدى. بەينەلەپ ايتساق, كورەي جاق الاڭ مۇزىنىڭ اق جەمى شىعىپ, ءبىزدىڭ قاقپا الدىنا كونكي ءىزى تيمەدى دەسە دە بولعانداي. قازاقستان قۇرا­ما­سىنىڭ سۇرمەرگەنى ناتاليا ياكوۆچۋك العاشقى شايبانى سوعىپ, سوڭ­عى ەكى گولدى ءوزى قورىتىن­دىلادى. وسى ويىننان كەيىن-اق نەگىزگى تارتىستاردىڭ قاي قۇرامالاردىڭ اراسىندا وتەتىندىگىن انىقتاۋعا جۇلدىز-جورامالشى, باقسى-بال­گەر, كورىپكەل-قۇشىناپشىنىڭ كەرەكتىگى جوقتىعى كورىنىپ قالدى. الەمدىك رەيتينگ بويىنشا قىتاي, قازاقستان جانە جاپونيا قۇرامالارى ىركەس-تىركەس كەلەدى. ءبىزدىڭ وي – قۇرامامىزدىڭ ءوز جەرىمىزدە ءوتىپ جاتقان ازيادادا توپ جارۋى. وعان مۇمكىندىكتەر جوق ەمەس. ءبىز ەسەپتەن, جەرەبە بويىن­شا قوس كورەي قۇراماسىمەن كەزدەسۋىمىز ويىنشىلارىمىزدىڭ ءوز ويىن-ءور­نەگىن تابۋىنا جاردەم­دەس­تى. الەكساندر مالتسەۆ پەن سەرگەي سولوۆەۆ جاتتىقتىراتىن كوماندادا اقساپ جاتقان تۇستارى از ەمەس. «شە­شەسى ۇرعان تاياق بالاعا وتپەي­دى» دەگەندەي قىزدارى­مىز تۇسىنەدى دەپ ويلايمىز. ەكى ويىننان كوڭىل­گە تۇيگەنىمىز, قۇراما ۇجىمدىق ويىن ويناۋعا باستىقپاعان. كوبىنە جەكە وينايدى. شايبانىڭ سوڭى­نان كەيدە تۇيدەكتەلىپ ەكى ۇشەۋى قۋىپ جۇرەدى. باياعىدا حارلاموۆ­تاردىڭ داۋىرلەپ تۇرعان زامانىندا بوريس ميحايلوۆ قارسىلاسىنىڭ قاقپاسىنىڭ تۇبىندە تابانداپ تۇرار ەدى. كەۋدەمەن يتەرسە دە, شا­لىپ جىعىپ كونكيمەن بالتى­رىن باسىپ وتسە دە كەتپەيتىن. حارلاموۆ پەن پەتروۆ قارسىلاستارىن الداپ ءوتىپ, توسقاۋىلدا تۇرعان ميحاي­لوۆقا شايبا شىعارىپ بەرەر ەدى. سوعاتىن. سونداي ميحايلوۆ-ميحايلوۆالار جوق بىزدە. قارسى كوماندا شابۋىل كۇشەيتىپ جىبەرسە, قىزدارىمىز ساسقالاقتاپ قالادى. بۇل – جاقسىلىق ەمەس. وڭتۇستىك كورەيامەن ويىن بارىسىندا ءبىزدىڭ شابۋىلشىنى قاقپا الدىندا قوس جاقتاپ قاۋسىرمالاپ قىسىپ قۇلات­قاندىقتان قوس كورەي قىزى لي مەن حو ەكى مينوتتىك ايىپقا تارتىلدى. ءبىزدىڭ بەستىككە كورەيلىك ءۇش قىز عانا قالدى. ساقا كوماندالار مۇندايدى اپشىنى قۋىرىپ كەمىندە ەكى-ءۇش شايبا سوعىپ الادى. ال ءبىزدىڭ قىزدار وسى قولايلى ءساتتى تۇك تە پايدالانا المادى. كەشە قىتاي – وڭتۇستىك كورەيا, قازاقستان – جاپونيا قۇرا­ما­لارى مۇز ايدىنىنا شىقتى. وسى ويىن­داردان كەيىن كوكەيدەگى ءبىراز ساۋال­دارعا جاۋاپ تابىلادى. قازاق­ستان قۇراماسىمەن كەزدەسۋدە العاشقى ەكى كەزەڭ جاپون­داردىڭ باسىمدى­لى­عىمەن ءوتتى. ول سوعىلعان ەكى گول­عا عانا قاتىس­تى ەمەس, ويىن ورنەگى سولاي ءورىل­گەن. قازاقستان­دىقتار قاماۋ تەرى الىنباعان سايگ ۇلىكتەي جىلدام­دىق­تان دا, تاكتيكادان دا ۇتىلىپ جاتتى. شەشۋشى ءۇشىنشى كەزەڭدە قازاقستاننىڭ باسقا, تۇلە­گەن كو­مان­داسىن كوردىك. ءوز الاڭىن­دا جۇرگەندەي ەركىن سەزىنگەن جا­پون­­دىقتاردىڭ ەكى اياعىن ءبىر ەتىككە تىعىپ جىبەردى. كۇشكە باستى. اۋەلى لاريسا  سۆيريدوۆا, سوسىن  زارينا تۋحتيەۆا گول سالدى. سوعا الماي قالعاندار قانشاما. ەسەپ 2:2. وۆەرتايم. 5 ءمينوت ىشىندە كىم ءبىرىنشى گول سالسا, جەڭىس سونىكى. ويىن سوڭعى مينوتتەردە قازاق­ستان­دىقتاردىڭ باسىمدى­عى­مەن ءوتىپ, ەسەپ 3:2 بولىپ اياقتالدى. ال ەكىنشى كەزدەسۋدە قىتاي قۇرا­ماسى وڭتۇستىك كورەيا كوماندا­سىن 10:0 ەسەبىمەن ۇتىپ, ەكىنشى ءمار­تە جەڭىسكە جەتتى. قىتايلىقتار اراسىن­دا قارسىلاستاردىڭ قاقپا­سىنا رۋي سۋن بەس بىردەي شايبا سالىپ, كوزگە ءتۇستى. ەندى قىتاي كەلەسى ويىننان بۇگىن جاپونياعا قار­سى وتكىزەدى. ال كحدر بولسا, ءوڭتۇس­تىك كورەيا كومان­داسىمەن كۇش سىناسادى. باقتيار تايجان. الماتى.