كورەيانىڭ ەكى التىن, ەكى كۇمىس جۇلدەسى

شورت-ترەك شورت-ترەكتەن وڭتۇستىك كو­رەيا­نىڭ قۇراماسى الەمدەگى ازۋلى كوماندالاردىڭ ءبىرى. ماسەلەن, كا­نادانىڭ ۆانكۋۆەر قالاسىندا وتكەن قىسقى وليمپيا ويىن­دارىندا سەگىز التىننىڭ التاۋىن بىردەي قورجىنعا سالعان كورەيا­لىق­تار ايدى اسپانعا شىعارىپ, العاشقى وندىققا ەنگەن. ەندى, مىنە, استانانىڭ «الاۋ» كونكي تەبۋ كەشەنىندە ءوتىپ جاتقان شورت-ترەكتەن ازيا ويىن­دارىن­دا كورەيلەر جارىستىڭ ءبىرىنشى كۇنى-اق ەكى التىن, ەكى كۇمىستى جەڭىپ الدى. 1500 مەترلىك قاشىقتىقتا شو حا رە التىننان القا تاقسا, تاعى ءبىر جەرلەسى پارك سەيحۋن كۇمىستى يەلەندى. ال جاپونيادان كەلگەن جەلاياق ساكاكيۆا ۆازۋكو ءۇشىنشى ورىنعا تابان تىرەدى. بۇل قاشىقتىقتا قازاقستان­دىق ايدار بەكجانوۆ, نۇربەرگەن جۇ­ما­عا­زيەۆ, قىزدار اراسىندا قوستانايلىق د.ۆولوكيتينا مۇز ايدىنىنا شىققان بو­لا­تىن. ايدار بەك­­جانوۆ «ب» توبىندا ونەر كورسەتىپ, جەتىنشى ورىندى يەلەنسە, قوس­تانايلىق قى­زىمىز دا ا­ل­عاشقى وندىق­قا ءىلىندى. شورت-ترەك سپورتى ءبىز­دىڭ ەلىمىزدە, ءاسى­رەسە, ورال قالاسىندا سوڭعى كەزدەرى العا جىلجي باستادى. مادىعالي قارسىبەكوۆتىڭ شاكىرتى ارتۋر سۇلتانعاليەۆ 500 مەترلىك قا­شىقتىقتا جارىس جولىنا شىق­سا, تاعى ءبىر ورالدىڭ قىزى كسەنيا موتوۆا ەكىنشى وندىقتان كورىندى. – 500 مەتردە وليمپيادا چەم­پيونى لي حۋ اسا قاۋىپتى قارسىلاس, ءتىپ­تى مەدالعا ىلىگە الماسام دا العاشقى التىلىققا ەنسەم دەگەن ويىم بار, – دەيدى بولاشاعىنان ءۇمىت كۇ­تەتىن شورت-ترەك شە­بەرى ارتۋر سۇل­تان­عاليەۆ. جارىس جەڭىمپازدارىن ازيا­نىڭ شىعىس ايماعى بويىنشا وليمپيالىق كەڭەسىنىڭ ۆيتسە-پرەزيدەنتى فوك تيموتي جانە وڭتۇستىك كورەيانىڭ سپورت جانە مادەنيەت ءمينيسترى جينگ بۋينگ كۋك, استانا مەن الماتىداعى ازيادانى وتكىزۋ جونىندەگى باس ديرەكتسياسىنىڭ باس ديرەكتورى ءاناتولى قۇلنازاروۆ تاپسىردى. وڭداسىن ەلۋباي.