باستى پروبلەمامىز اۋىز سۋ ەدى

سۋ – تىرشىلىك ءنارى. سۋسىز ءومىر جوق. اسىرەسە اۋىز سۋ تاپشىلىعى ورىن العان كەزدە ءومىر ءسۇرۋ تىپتەن كۇر­دە­لەنە تۇسەدى. سوڭعى جىلدارى ءبىزدىڭ بولاشاق اۋىلىنىڭ تۇرعىن­دا­رى ءدال وسىنداي اۋىر ءحالدى باستارىنان كەشىرىپ كەلەدى. ءوزىنىڭ بيىلعى جولداۋىندا ەلباسى وسى كو­كەي­كەستى ماسە­لە­نى كوتەرگەن كەزدە, العاشىن­دا ابدىراپ, ارتىنان قاتتى قۋاندىق. سەبەبى پرەزيدەنت ءبىزدىڭ اۋىل­دا بولماسا دا, مۇن­داعى تۇر­عىن­داردىڭ اۋىز سۋدان ۇلكەن قيىندىق كورىپ وتىرعا­نىن كورمەسە دە – سونى الدىن الا ءبىلىپ, بولجاپ وتىر­عانداي اسەر قالدىردى بىزگە. بۇل مەملەكەت باسشىسىنا اسا قاجەت قاسيەتتىڭ ءبىرى دەپ ەسەپتەيمىز. ءيا, نۇرسۇلتان ءابىش ۇلى اتاپ كورسەتكەندەي, رەسپۋبليكا كولەمىندە تاسىمال­دانا­تىن اۋىز سۋ كولەمى ءتورت ەسەگە دەيىن كەمىگەنى وتە ءسۇي­ى­نىش­تى ءجايت. ەندىگى جەردە بۇل كورسەتكىشتە مەجە شەگى بولا المايتىنىن جولداۋدان اي­قىن سەزىندىك. ەلباسى بۇدان سەگىز جىل بۇ­رىن رەسپۋبليكادا قابىلدان­عان اۋىز سۋ ساپاسىن جاقسارتۋ جونىندەگى باعدارلاما بىرقاتار وڭ ءنا­تيجەلەرگە جەتكىزگەنىن ايتا كەلە, وسى ءىستى اياعىنا دەيىن الىپ بارۋ جونىندە اتقارۋ­شى ورگاندار الدىنا ناقتى مىندەتتەر كويدى. بۇل كەشە تەلەديداردان ءوزىمىز كورىپ تىڭداعانداي – اۋىز سۋمەن قامتۋ جۇيەلەرىن تۇبەگەيلى جاڭعىرتۋ, جەر اس­تى سۋ قورلارى كارتاسىن جاساپ, ونى تۇبەگەيلى زەرتتەۋ مەن ىزدەستىرۋ بولماق. تۇتاس مەملەكەت اۋقىمىندا قولعا الىنا­تىن وسىنداي ىرگەلى ىستەر مەن ىزدەنىستەردىڭ ءناتي­جە­سىندە 2020 جىلعا دەيىن قالا تۇر­عىندارىن تازا, ساپا­لى اۋىز سۋمەن قامتۋ 100 پايىزعا جەتكىزىلمەك. وسى مەرزىم ارالى­عىندا تازا اۋىز سۋدى تۇتى­ناتىن اۋىل تۇر­عىندارىنىڭ ۇلەسى 80 پايىزدى قۇراماق. بۇل ارينە ۇلان-عايىر ۇلكەن جەتىستىك بول­ماق. سونداي-اق رەس­پۋبلي­كا­دا­عى سۋ شارۋاشىلى­عىمەن اي­نالىساتىن مۇددەلى ۆەدومستۆولار مەن قۇزىرلى مەكە­مە­لەردىڭ بارلىق ءىس-قيمىل­دارى مەن مۇمكىندىكتەرى وسى ماقساتقا جۇمىلدى­رى­لاتىن بولعانى دا – اۋىز سۋ تاپ­شى­لىعىن تارتۋداي-اق تار­تىپ جۇرگەن بولاشاق اۋىلى­نىڭ تۇرعىندارىنا ۇلكەن سەنىم ۇيالاتادى. بىزدەر قازىرگى جاعدايدا اۋىز سۋدى 35 شاقىرىم قا­شىق­تىقتاعى قايىڭدى اۋى­لى­نان تاسىمالداپ ءىشىپ وتىر­مىز. وسىعان قاتتى كۇيى­نەتىن ەدىك, قينالاتىن دا ەدىك. وسى مۇشكىل ءجاي-كۇيى­مىز بەن جان­اي­قايى­مىزدى ءوزىنىڭ بيىلعى جول­داۋىندا ەلباسى ءدوپ باس­قانداي بول­عا­نى – نۇرسۇلتان ءابىش­ۇل­ى­­نىڭ كورەگەندىگى, قا­راپايىم تۇرعىنداردىڭ مۇڭ-مۇقتاج­دارى­نا ءاردايىم سەرگەك كوڭىل­مەن قاراي بىلەتىن كىسىلىك كەل­بەتىنىڭ كورىنىسى دەپ بىلەمىز. مۇتيعوللا حالەلوۆ, بولاشاق اۋىلىنىڭ تۇرعىنى. باتىس قازاقستان وبلىسى, كازتالوۆ اۋدانى.