سكرينينگتىك ورتالىقتار اشىلدى

وڭتۇستىكتە وبلىستىق دەن­ساۋ­لىق ساقتاۋ باسقارماسى مەن قازاق عىلىمي-زەرتتەۋ ونكولوگيا جانە راديولوگيا ينستي­تۋ­تى­نىڭ باستاماسىمەن رەسپۋبلي­كامىزدا تۇڭعىش رەت ماممو­گرا­فيالىق جانە تسيتولوگيالىق سكرينينگتىك ورتالىقتار اشىلدى. – بىلتىرعى جىلدىڭ جەل­توق­سان ايىندا باستاپقى مەديتسي­نا­لىق-سانيتارلىق كومەك بەرەتىن قالالىق ەمحانانىڭ ونكولوگتارى, ماممولوگتار, رەنتگەنولوگتار, تسي­تو­لوگتارىن وقىپ-ۇيرەتتىك, – دەيدى وبلىستىق دەنساۋلىق ساقتاۋ باس­قار­ماسىنىڭ باستىعى جۇماعالي يسمايلوۆ. – ەندى وبلىس كولە­مىندەگى قالالىق اۋدانداردا وقىتۋ جۇرگىزىلىپ جاتىر. ورتالىقتاردىڭ نەگىزگى مىندەتى – ءىس-شارالاردى ۇيلەستىرۋ, ادىستەمەلىك كومەك كورسەتۋمەن قوسا وقىتىپ-ۇيرەتۋ. باستى ماقسات – ءسۇت بەزى جانە جاتىر موينى قاتەرلى ىسىكتەرىن ەرتە انىقتاپ, ولارعا ەم جۇرگىزىپ, وسى اۋ­رۋ­عا شالدىققان ايەلدەر ءولىمىن ازايتۋ. بۇعان قوسا تىك ىشەك, قۋىق استى, اسقازان-ىشەك جولدارى جانە قالقان­شا بەزدەرى قاتەرلى ىسىكتەرىن دە انىق­تاۋ قاراستىرىلعان. جۇماعالي قازىباي ۇلىنىڭ ءسوزى­نە قوسارىمىز, جالپى, وبلىستىق دەن­ساۋلىق ساقتاۋ باسقارماسى سوڭعى جىلدارى تابىستى جۇمىس جاساپ كەلەدى. انا مەن بالا ءولىمى ايتار­لىق­تاي ازايدى. جۇرەك قان تامىرلارى اۋرۋلارىندا دا جاعىمدى جاڭا­لىق­تار بار. حالىقارالىق تالاپتارعا ساي مەديتسينالىق قوندىرعىلار اكە­لى­نىپ جاتىر. بۇگىنگى اشىلىپ وتىر­عان سكرينينگتىك ورتالىقتار  دەن­ساۋ­لىق ساقتاۋ مينيسترلىگىنىڭ جاۋاپ­­تى حاتشىسى بولات سىزدىقوۆتىڭ اي­تۋىنشا, تمد ەلدەرىندە بالاماسى جوق. بۇنىڭ ءبارى باسشىنىڭ ءوز ىسىنە ۇلكەن جاۋاپكەرشىلىكپەن قاراۋىندا جاتقان سياقتى. وبلىستىق دەنساۋلىق ساقتاۋ باس­قارماسىنىڭ باستاماسىمەن ءجا­نە قولداۋىمەن 2010 جىلى ون­كو­لوگيالىق قىزمەت وڭتۇستىك قازاق­ستان وبلىسىنداعى دەنساۋ­لىق سالا­سىن دامىتۋدا ماڭىزدى نەگىزگى سالانىڭ ءبىرى بولدى. اتاپ ايت­قاندا, جالپى قارجىلاندىرۋ 35 پايىزعا (1 ملرد. 80 ملن. تەڭگەگە),  ءدارى-دارمەكپەن قامتىلۋى 175 پايىزعا وسسە, مەديتسينالىق قۇ­رال-جابدىقتارمەن 132 ملن. تەڭ­گەگە (قازىرگى تاڭعا ساي تىنىس­تىق-جانسىزداندىرۋ قۇرالدارى, توسەك ماڭىنداعى مونيتورلار مەن اۆتوماتتى تۇردەگى اناليزاتورلار جانە قازاقستاندا جالعىز ۆاكۋم­دىق بيوپسيالىق ۋلترودى­بىس­تىق قۇرالى ءسۇت بەزى اۋرۋ­لارىنا) قامتىلعان. راديولوگيا­لىق عي­مارات 176 ملن. تەڭگەگە سا­لىنۋدا. قۇرىلىسى بىتۋگە جا­قىن. وعان قاجەتتى مامموبۋس قۇرالى الىن­عان. اتاپ ايتاتىن تاعى ءبىر جايت, بار­لىق اۋدان جانە قالا ەمحا­نا­لارى قازىرگى تاڭعا ساي مام­مو­گرا­فيالىق قۇرالدارمەن قام­تىلعان. گامما-تەراپيالىق «تەرا­بالت» قۇرالى ىسكە قوسىلدى. وبلىستا سكرينينگتى ايەل­دەردى ءسۇت بەزى جانە جاتىر موي­نى راگىنە تەكسەرۋ جاقساردى. وبلىس اكىمى اسقار مىر­زاح­مەتوۆ دەنساۋلىق ساقتاۋ سالاسىنىڭ القا ماجىلىسىندە باسقارما جۇمى­سىنا جاقسى باعا بەردى. باقتيار تايجان. وڭتۇستىك قازاقستان وبلىسى.