جەتىسۋ جەرىندە براكونەرلەر 2 توننا بالىقپەن قولعا ءتۇستى

تالدىقورعان. 21 مامىر. الماتى وبلىستىق مامانداندىرىلعان تابيعات قورعاۋ پروكۋراتۋراسىنىڭ قىزمەتكەرلەرى الماتى - قاپشاعاي اۆتوموبيل جولىندا ورنالاسقان بەكەتتە سىرتقا زاڭسىز اكەتىلىپ بارا جاتقان بالىقتاردى توقتاتتى. بۇل تۋرالى وبلىستىق پروكۋراتۋرا ءباسپاسوز قىزمەتىنىڭ سۇيەنگەن egemen.kz ءتىلشىسى حابارلادى. ءمالىم بولعانداي, كولىكتەردىڭ ءبىرىن تەكسەرۋ بارىسىندا جالپى سالماعى 301 كيلو تارتاتىن زاڭسىز تاسىمالدانىپ بارا جاتقان سازان بالىعى تابىلعان. ال ەرتەڭىنە تاپ وسى جەردە وسىنداي ۇرلىق جولىمەن بالىق تاسىمالداۋدىڭ تاعى ەكى فاكتىسى تىركەلگەن. ولاردان جالپى سالماعى 1 522 كيلو كەلەتىن بالىقتار تاركىلەنىپ الىنادى. تاسىمالداپ بارا جاتقانداردىڭ بۇل جولى دا بالىق اۋلاۋعا رۇقسات قاعازى مەن ولاردى الىپ وتۋگە بەرىلگەن ىلەسپە قۇجاتى جوق. وبلىستىق مامانداندىرىلعان تابيعات قورعاۋ پروكۋراتۋراسىنىڭ مالىمەتىنشە, ۆەدومستۆو قىزمەتكەرلەرى بالىق اۋلاۋعا تىيىم سالىنعان مەزگىلدە زاڭسىز اۋلاۋ, ساتىپ الۋ, ساتۋ جانە تاسىمالداۋ تارتىپتەرىنىڭ ورىندالۋىن قاداعالاۋدى, سونداي-اق قىلمىستىڭ الدىن الۋ ماقساتىندا تۇراقتى تۇردە رەيدتىك شارالار وتكىزىپ تۇرۋدى جاقسى ۇردىسكە اينالدىرعان. نۇربول الدىباەۆ. دەرەك: الماتى وبلىستىق پروكۋراتۋراسىنىڭ ءباسپاسوز قىزمەتى.