مەملەكەتتىك قىزمەت ينستيتۋتىنىڭ ماڭىزى

ونىڭ قوعامداعى ورنى مەن ءرولىن ارتتىرۋ ماسەلەلەرىنەن كورىنەدى جاقىندا الماتى قالاسىندا قازاق­ستان رەسپۋبليكاسىنىڭ مەملەكەتتىك قىز­مەت ىستەرى مينيسترلىگىنىڭ الماتى قالاسى بويىنشا دەپارتامەنتى, قازاقستان رەس­پۋبليكاسىنىڭ ءبىلىم جانە عىلىم مينيستر­لىگى عىلىم كوميتەتىنىڭ «عىلىم ورداسى» رەسپۋبليكالىق مەملەكەتتىك مەكە­مەسى, الماتى قالاسىنىڭ ءبىلىم, دەنساۋ­لىق ساقتاۋ, جۇمىسپەن قامتۋ جانە الەۋ­مەتتىك باعدارلامالار, قارجى, مادە­نيەت باسقارمالارى مەن الماتى قالاسى­نىڭ حالىققا قىزمەت كورسەتۋ ورتالىقتارى ۇيىمداستىرعان كونفەرەنتسيا بولىپ ءوتتى. «سىبايلاس جەمقورلىققا قارسى مادە­نيەت – مەملەكەتتىك م ۇلىكتى باسقارۋ ءتيىم­دىلىگىن قامتاماسىز ەتۋ, مەملەكەتتىڭ الەۋمەت­تىك-مادەني فۋنكتسيالارىن ىسكە اسىرۋ نەگىزدەرىنىڭ ءبىرى» دەگەن تاقىرىپتا وتكەن كونفە­رەنتسياعا قاتىسۋشىلار مەملە­كەت باس­شىسى نۇرسۇلتان نازارباەۆ ۇسىن­عان بەس ينس­تيتۋتتىق رەفورمانى ىسكە اسىرۋداعى «100 ناقتى قادام» ۇلت جوسپا­رىنىڭ نەگىزى مەملەكەتتىڭ تۇراقتىلىعى مەن تابىستىلىعىن ساقتاي وتىرىپ, «قازاقستان-2050» ستراتەگياسىنىڭ ماق­سات­تارى مەن مىندەتتەرىن ورىنداۋعا قاتىس­تى ءوز ويلارىمەن ورتاقتاستى. كونفەرەنتسيا جۇمىسىن كىرىس سوزبەن اشقان مەملەكەتتىك قىزمەت ىستەرى مينيسترلىگىنىڭ الماتى قالاسى بويىنشا دەپارتامەنتىنىڭ باسشىسى باقتيار كامالوۆ ءوزىنىڭ سوزىندە كونفەرەنتسيانىڭ نەگىزگى ماقساتى ءبىلىم, عىلىم, دەنساۋلىق ساقتاۋ, كۆازيمەملەكەتتىك سەكتورلاردا حالىققا قىزمەت كورسەتۋ سالالارىندا سىبايلاس جەمقورلىقتىڭ الدىن الۋ, مەملەكەتتىڭ الەۋمەتتىك-مادەني قىزمەتتەرىن جۇزەگە اسىرۋدىڭ اشىقتىعى تۋرالى ايتىپ ءوتتى. سونداي-اق, ول سىبايلاس جەمقورلىققا نەمقۇرايلى قاراۋدى جويۋ قازاقستاندىقتاردىڭ بويىندا پاتريوتتىق سەزىمىن وياتىپ جانە رۋحاني-ادامگەرشىلىك تاربيە جەمقورلىققا قارسى مادەنيەتتى قالىپتاستىراتىنىن اتاپ كورسەتتى. سىبايلاس جەمقورلىققا قارسى قو­عامدا ساياسات پەن مادەنيەتتى قالىپ­تاس­تىرۋدىڭ باستى مىندەتتەرى مەن ماقسات­تارى جەمقورلىقتىڭ نەگىزگى مازمۇنىن تەك قانا قۇقىقتىق ەمەس, رۋحاني-ادامگەرشىلىك تۇرعىدان دا تىيىم سالىناتىن كورىنىستەرىن, مەملەكەتتىك قىزمەت ينستيتۋتىنىڭ ماڭىزىن, ونىڭ قوعامداعى ورنى مەن ءرولىن ارتتىرادى. اتالعان  كونفەرەنتسيادا قوعامداعى جەمقورلىق جاعدايلاردى تۋعىزاتىن سەبەپتەردى بىرلەسىپ انىقتاۋ جانە جويۋ, اكىمشىلىك كەدەرگىلەردى ازايتۋ بويىنشا كەشەندى شارالاردى جۇزەگە اسىرۋ ءاربىر قازاقستاندىقتىڭ مىندەتى ەكەنى اتاپ ايتىلدى. بۇل ماسەلەلەردە مەملەكەتتىك قىزمەتشىنىڭ ىنتاسى مەن كاسىبي دەڭگەيىن ارتتىرا وتىرىپ, وزىنە جۇكتەلگەن كەز كەلگەن مىندەتتەمەلەردى جۇزەگە اسىرۋدا وڭتايلى شەشىم قابىلداي الادى. سوندىقتان, جاڭا قابىلدانعان زاڭدار بويىنشا مەملەكەتتىك قىزمەت سالاسىن ءوز دەڭگەيىندە جەتىلدىرىپ, قازىرگى تالاپقا ساي حالىققا ساپالى ءارى ءتيىمدى قىزمەت كورسەتۋدە ماڭىزدى ءرول اتقارادى. شارافاددين ءامىر, «ەگەمەن قازاقستان» الماتى