قالىقتايدى قاناتتار

ەلوردادا «كەسكىندەمە جانە گرافيكا» ۇيىرمەسى مۇشەلەرىنىڭ قاتىسۋىمەن «مۋزەي الەمىنە سايا­­حات» اتتى بالالار كوركەمسۋرەت كورمەسى اشىلدى. «شەبەر» ستۋدياسىنىڭ «كەسكىندەمە جانە گرافيكا» ۇيىرمەسىنىڭ جەتەكشىسى مۇحتار بايبوسىنوۆ كورمەنىڭ اشىلۋىندا مۇنداي ءىس-شارالار وڭىرلەردەگى ونەرلى بالالاردى قولداۋدا ايتارلىقتاي ءرول اتقاراتىنىن ايتا كەلىپ, بالاۋسا قىلقالام شەبەرلەرىنىڭ تۋىندىلارىنا جان-جاقتى توقتالىپ ءوتتى. – بۇگىن كوپشىلىك نازارىنا مۇندا 40-قا جۋىق سۋرەت ۇسىنىلىپ وتىر. بۇلاردىڭ بارلىعى بالالاردىڭ جۇرەگىن جارىپ شىققان جۇمىستار. ولاردىڭ ونەر بيىگىنەن كورىنە بەرۋى ءۇشىن وسىنداي ءىس-شارالاردى ءارى قاراي دا جالعاستىرا بەرۋى­مىز كەرەك. وقۋشىلار وزدەرىنىڭ ۇشقىر قيالدارىمەن قازاقستانداعى بەيبىتشىلىكتى, تۇراقتىلىق پەن تىنىشتىقتى بەينەلەگەن, – دەدى م.باي­بوسىنوۆ. ۇلتتىق مۋزەيدە وتكەن كورمەنى ۇيىمداس­تىرۋداعى باس­تى ماقسات وقۋشىلاردىڭ شىعارماشىلىق ىزدەنىستەرىنە باعا بەرىپ, ءجاسوس­پىرىمدەردىڭ ەستەتيكالىق تاربيەسىن قالىپ­تاستىرۋ بولىپ تابىلادى. «ەگەمەن-اقپارات»