وزەكتى ماسەلەلەر تالقىلانعان ۇنقاتىسۋ

بريۋسسەلدە ەۋروپالىق وداق پەن ورتالىق ازيا ەلدەرى اراسىندا ساياسات پەن قاۋىپسىزدىك ماسەلەلەرى تۋرالى جوعارى دەڭگەيدەگى ۇنقاتىسۋدىڭ ءۇشىنشى وتىرىسى ءوتتى. ونىڭ الدىنداعى باسقوسۋدىڭ تاجىريبەسى جالعاستىرىلا وتىرىپ, ۇنقاتىسۋعا ارنايى قوناق رەتىندە اۋعانستاننىڭ وكىلدەرى شاقىرىلدى. قازاقستان تاراپىنا سىرتقى ىستەر ءمينيسترىنىڭ ورىنباسارى رومان ۆاسيلەنكو جەتەكشىلىك ەتسە, قۇرامىندا سىرتقى ىستەر, ىشكى ىستەر مينيسترلىكتەرى مەن ۇلتتىق قاۋىپسىزدىك كوميتەتىنىڭ وكىلدەرى بولدى. ەۋروپا دەلەگاتسياسىن ەۋروپا سىرتقى ارەكەتتەر قىزمەتى باس حاتشىسىنىڭ ورىنباسارى حەلگا شميد باسقاردى. كەزدەسۋگە قاتىسۋشىلار ەۋرو­پالىق وداققا, ورتالىق ازياعا جانە اۋعانستانعا قاتىستى نەگىزگى ماسەلەلەر بويىنشا پىكىر الماس­تى. تاراپتار 2015 جىلى ناۋرىزدا دۋشانبە قالاسىندا وتكەن كەزدەسۋ بارىسىندا قول جەتكىزىلگەن كەلىسىمدەردىڭ ىسكە اسىرىلۋ بارىسىن, سونداي-اق,  راديكاليزم مەن تەرروريزم قاتەرىنە قاتىستى سىن-تەگەۋرىندەردى تالقىلادى. ەۋروپالىق وداقتىڭ جاڭار­تىلعان بومكا جانە كاداپ وڭىرلىك باعدارلامالارى شەڭبە­رىندە شەكارانى باسقارۋ مەن ەسىرت­كىنىڭ زاڭسىز اينالىمىنا قارسى كۇرەس سالالارىنداعى ىنتى­ماقتاستىقتى نىعايتۋعا, سونداي-اق, ەۋروپالىق وداقتىڭ اۋعانستان شەكاراسىن باسقارۋ جونىندەگى بومناف باعدارلاماسى شەڭبەرىندەگى ءوزارا ءىس-قيمىلدى كۇشەيتۋگە ەرەكشە نازار اۋدارىلدى. ەو – ورتالىق ازيا پىشىمىندەگى ۇنقاتىسۋ ءوزارا قىزىعۋشىلىق تۋدىراتىن ساياسي جانە قاۋىپسىزدىك ماسەلەلەرىن تالقىلاۋعا جانە ولاردى شەشۋگە ارنالعان ءتيىمدى الاڭعا اينالدى. اۋعانستان وكىل­دەرىنىڭ وتىرىسقا قاتىسۋى وڭىردەگى جاعدايدى مەيلىنشە كەڭ تۇرعىدا قاراستىرۋعا, سونداي-اق, ورتالىق ازيا ەلدەرىنە, ەو مەن اۋعانستانعا وسى مەملەكەتتىڭ ودان ءارى ورنىقتى دامۋى ءۇشىن جاعدايلار جاساۋ بويىنشا بىرلەسكەن قادامدارىن تالقىلاۋعا مۇمكىندىك بەردى. ءىس-شارا بارىسىندا ر.ۆاسيلەنكو اۋعانستانداعى جاعدايدىڭ دامۋى نەگىزىنەن ەۋروپالىق وداق پەن وڭىردەگى كورشى مەملەكەتتەر سياقتى مۇددەلى سىرتقى اكتورلاردىڭ ەلدى قايتا قۇرۋ ۇدەرىسىنە قاتىسۋعا دەگەن قىزىعۋشىلىعىنىڭ دەڭ­گەيىنە تاۋەلدى بولىپ تابىلاتىنىنا سەنىمدى ەكەنىن ءبىلدىردى. ءبىز ۇستىمىزدەگى جىلدىڭ كۇزىنە جوسپارلانعان اۋعانستان بويىنشا كونفەرەنتسيانىڭ قورىتىن­دىلارىن اسىعا كۇتۋدەمىز. ەۋرو­پالىق وداق پەن وعان مۇشە مەملەكەتتەر وسى ەلدىڭ ودان ءارى دامۋىنا ەلەۋلى قارجىلىق جانە تاجىريبەلىك ۇلەس قوساتىنىنا سەنىمدىمىز», – دەدى قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى. ۇنقاتىسۋعا قاتىسۋشىلار ءوڭىر­دەگى كولىكتىك-ترانزيتتىك ءمۇم­كىن­دىكتەردى دامىتۋ ماسەلەلەرىنە, سون­داي-اق, قازاقستاننىڭ «نۇر­لى جول» ينفراقۇرىلىمدىق باع­دار­لاماسى مەن قىتايدىڭ «جىبەك جولىنىڭ ەكونوميكالىق بەلدەۋى» اتتى باعدارلاماسىنا, «باتىس ەۋروپا – باتىس قى­تاي» اۆتوكولىك ءدالىزى جانە ت.ب. ءىرى جوبالاردىڭ ۇيلەسىمدى تولىق­تى­رىلۋى مەن كەلەشەگىنە ەرەكشە نازار اۋداردى. «ەگەمەن-اقپارات»