فورۋمعا لاتۆيا دەلەگاتسياسى كەلەدى

پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ لاتۆيا رەسپۋبليكاسىنىڭ قازاقستانداعى ەلشىسى يۋريc پوگرەبنياكسپەن ونىڭ ءوتىنىشى بويىنشا كەزدەستى, دەپ حابارلادى سەناتتىڭ ءباسپاسوز قىزمەتى. كەزدەسۋ بارىسىندا تاراپتار «دىندەر تەرروريزمگە قارسى» حالىق­ارالىق كونفەرەنتسياسىنا قاتىساتىن لاتۆيا رەسپۋبليكاسى دەلەگاتسياسىنىڭ الداعى ساپارىن تالقىلادى. ەلشى قازاقستان ەلورداسىنىڭ ءدىني قايراتكەرلەر مەن ۇلتتىق پارلامەنتتەر دەپۋتاتتارىنا تەرروريزم مەن ەسترەميزم قاۋپىنە, ءدىني توزبەۋشىلىككە قارسى ءىس-قيمىلدا, كونفەسسياارالىق ءۇن­قاتىسۋدى ىلگەرىلەتۋ ءۇشىن ءبىر­لەسىپ ارەكەت ەتۋدىڭ جولدارىن اشىق تالقىلاۋ ءۇشىن ورتاق الاڭ ۇسىنۋداعى ءرولىن ەرەكشە اتاپ ايتتى. ي.ادىربەكوۆتىڭ پىكىرىنشە, «دىندەر تەرروريزمگە قارسى» كونفەرەنتسياسىن وتكىزۋ جاھاندىق دەڭگەيدەگى ۇلتارالىق جانە ءدىن­ارالىق كەلىسىمدى قولداۋ جانە نىعايتۋ ءما­سە­لەلەرى جونىندەگى كەلىسىلگەن قا­دامداردى ازىرلەۋگە مۇمكىندىك بەرەدى. سەناتور كونفەرەنتسياعا لاتۆيا پارلامەنتى توراعاسىنىڭ ورىنباسارى ينەسە ليبينيا-ەگنەرە باستاعان دەلەگاتسيانىڭ قاتىسۋ جوسپارىنا ريزاشىلىق ءبىلدىردى