اتقارىلعان ءىس از ەمەس

كەشە مادەنيەت جانە سپورت مينيسترلىگىندە ارىستانبەك مۇحامەدي ۇلىنىڭ قاتىسۋىمەن قوعامدىق كەڭەس مۇشەلەرىنىڭ وتىرىسى بولىپ ءوتتى. باسقوسۋ بارىسىندا مادەنيەت پەن سپورت سالاسىنداعى جەتكەن جەتىستىكتەر سارالانىپ, كەتكەن كەمشىلىكتەر دە نازاردان تىس قالمادى. «بۇگىن وسىندا جينالىپ وتىرعان مادەنيەت جانە سپورت سالاسىنداعى قوعامدىق كەڭەس مۇشەلەرىن, ساراپشىلاردى, ۇكىمەتتىك ەمەس ۇيىمدار مەن ازاماتتىق قوعام وكىلدەرىن كورىپ وتىرعانىما قۋانىشتىمىن. بيىل ءبىز «قوعامدىق كەڭەستەر تۋرالى» زاڭعا سايكەس جىل سايىن وتكىزىلەتىن وسى ەسەپتى كەزدەسۋگە جينالىپ وتىرمىز. الدىمەن, مينيسترلىكتىڭ وتكەن جىلى اتقارعان جۇمىستارىنىڭ قورىتىندىلارىمەن تانىس­تىرىپ وتسەم. 2015 جىلى ءبىز ەلبا­سىنىڭ باستاماسىمەن ينستي­تۋتتىق رەفورمالاردىڭ جاڭا جولىنا تۇستىك. «100 ناقتى قادام» ۇلت جوسپارىن ىسكە اسىرۋ شەڭبەرىندە مادەنيەت جانە سپورت مينيسترلىگى قازاقستان ەلىنىڭ بىرەگەيلىگى مەن بىرلىگىن نىعايتۋعا باعىتتالعان رەفورمالاردىڭ باس­تى ۇيلەستىرۋشىلەرىنىڭ ءبىرى بولدى. بۇل باعىت بويىنشا قاجەتتى زاڭنامالىق بازانى قالىپ­تاس­تىرۋدى قامتاماسىز ەتە وتىرىپ, اۋقىمدى جۇمىستار اتقار­دىق. اتاپ ايتقاندا, مينيسترلىك 2015 جىلى سالانى جاڭعىرتۋعا باعىتتالعان 19 نورماتيۆتىك-قۇقىقتىق اكتى قابىلدادى. مادەنيەت سالاسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت جانە تاريحي-مادەني مۇرا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى قابىلداندى. وزگەرىستەر ماتەريالدىق ەمەس مادەني مۇرا سالاسىنداعى ۇلتتىق زاڭنامالاردى ۇزدىك الەمدىك تاجىريبەلەرگە, سونىڭ ىشىندە ەىدۇ-عا مۇشە-مەملەكەتتەردىڭ ستاندارتتارىمەن سايكەستەندىرە وتىرىپ, جەتىلدىرۋگە مۇمكىندىك بەردى. مۋزەيلەر مەن كىتاپحانالار قىزمەتىن رەتتەيتىن سالالاردىڭ نورماتيۆتىك-قۇقىق­تىق بازالارىن جەتىلدىرۋگە باعىت­تالعان بىرقاتار تۇزەتۋلەر ەنگىزىلدى. زاڭنىڭ نورمالارىن ىسكە اسىرۋ ماقساتىندا 2015 جىلى مادەنيەت جانە ونەر سالالارى بويىنشا سالالىق كوركەمدىك كەڭەستەر قۇرىلىپ, تابىستى قىزمەت ەتۋدە. مادەني ساياسات تۇجىرىمداماسىنا ەنگىزىلگەن وزگەرىستەر مەن تولىق­تىرۋلاردىڭ شەڭبەرىندە مادەني-تۋريستىك كلاستەرلەردى ودان ءارى دامىتۋعا ەرەكشە ءمان بەرىلدى. ەكسپو-2017 كورمەسىن وتكىزۋ كەزىنە ارنالعان كەشەندى مادەني باعدارلاما ازىرلەندى. سپورت سالاسىندا ءبىز ەلباسىنىڭ جارلىعىمەن بەكىتىلگەن, دەنە شىنىقتىرۋ مەن سپورتتى دامىتۋدىڭ 2025 جىلعا دەيىنگى تۇجىرىمداماسىن ازىرلەدىك. جوبانىڭ جاڭالىعى وڭىرلىك سپورت قاۋىمداستىقتارىن قولداۋدى كۇشەيتۋ, سپورتتى ەكونوميكا سالاسى جانە حالىقتى الەۋمەتتىك قامسىزداندىرۋدىڭ ماڭىزدى فاكتورى رەتىندە دامىتۋ بولىپ تابىلادى. جالپى العاندا, مينيسترلىكتىڭ ينستيتۋتتىق رە­فورمالاردىڭ شەڭبەرىندە ىسكە اسىرىپ جاتقان بارلىق جوبالارى ەلىمىزدى دامىتۋ ءۇشىن بار الەۋەتىمىزدى ءتيىمدى قولدانۋ مەن باسەكەلەستىكتى ارتتىرۋعا باعىت­تالعان», دەدى مادەنيەت جانە سپورت ءمينيسترى ارىستانبەك مۇحا­مەدي ۇلى. كەلەلى كەڭەسكە توراعالىق جا­ساعان بەلگىلى قوعام قايراتكەرى مىرزاتاي جولداسبەكوۆ تە ءوز ويلارىن ورتاعا سالدى. ول بۇگىنگى ۇرپاق تاربيەلەۋ ماسەلەسىنە ءمان بەرىپ, بىرقاتار وزەكتى جاعدايلارعا توقتالدى. ەكرانداعى ەرسى بەينەلەرگە, جوسىقسىز كانالدارعا قاداعالاۋ جاساۋ كەرەكتىگىن قاداپ ايتتى. راۋان قايدار, «ەگەمەن قازاقستان»