«جاسىل ەكونوميكا» جولىنداعى جۇيەلى جۇمىستار

كەشە پرەزيدەنت جانىنداعى ورتالىق كوممۋنيكاتسيالار قىزمەتىندە «KEGOC» اق باسقارما توراعاسى باقىتجان قاجيەۆتىڭ قاتىسۋىمەن «ەلەكتر ەنەرگەتيكاسى ينفراقۇرىلىمىن قالىپتاستىرۋ – قازاقستان رەسپۋبليكاسى ەكونوميكاسىنىڭ تۇراقتى دامۋىنىڭ ماڭىزدى فاكتورى» تاقىرىبىندا بريفينگ ءوتتى. كومپانيا باسشىسى وتكەن جىلى «KEGOC» اق جۇيەلىك وپەراتور رەتىندە ەلىمىزدىڭ ءبىرتۇتاس ەلەكتر ەنەرگەتيكاسى جۇيەسىنىڭ ءتيىمدى جۇمىس ىستەۋىن قامتاماسىز ەتكەنىن حابارلادى. سونىمەن قاتار, وسىدان ءبىر جىل بۇرىن اتالعان كومپانيانىڭ وڭىرارالىق دەڭگەيدەگى جەلىلەر ارقىلى ەلەكتر ەنەرگياسىن جەتكىزۋ قىزمەتىنىڭ كولەمى 37,9 ملرد.كۆت/ساع. قۇراعانىن اتاپ ءوتتى. بەلگىلى بولعانداي, 2015 جى­لى ەلەكتر ەنەرگياسىن جەلىگە بو­ساتۋ مەن تۇتىنۋدى تەح­ني­كا­­لىق ديسپەتچەرلەندىرۋ قىز­مە­تى­­نىڭ كولەمى 82,8 ملرد.كۆت/ساع. جانە ەلەكتر ەنەرگياسىن ءون­دىرۋ – تۇتىنۋدى تەڭگەرىمدەۋدى ۇيىم­داستىرۋ قىز­مەتى 157 ملرد.كۆت/ساع. قۇراعان. ەلبا­سى­نىڭ جارلىعىمەن بەكىتىلگەن ەلى­مىزدىڭ «جاسىل ەكونوميكاعا» كوشۋى جونىندەگى تۇجىرىمداماعا سايكەس, كۇن مەن جەل ەلەكتر ستانسالارىنىڭ ەلەكتر ەنەرگياسىن ءوندىرۋدىڭ جالپى كورسەتكىشىندەگى ۇلەسىن 2020 جىلى 3 پايىزعا جانە 2030 جىلى 10 پايىزعا جەتكىزۋ مىندەتى تۇرعانىن اتاپ ءوتتى. وسى رەتتە ول «KEGOC» اق كۇن مەن جەل ەلەكتر ستانسالارى وندىرەتىن بارلىق ەلەكتر ەنەرگياسىن ءبىر ورتالىقتان ساتىپ الاتىن «جەك قولداۋ جونىندەگى قارجى-ەسەپ ايىرىسۋ ورتالىعى» جشس-ءنى قۇرعانىن تىلگە تيەك ەتتى. وتكەن جىلدىڭ قورىتىندىسى بويىنشا قارجى-ەسەپ ايىرىسۋ ورتالىعى جالپى سوماسى 5,5 ملرد. تەڭگەنى قۇرايتىن 200 ملن. كۆت/ساع.-تان استام «جاسىل» ەنەرگيا ساتىپ العان. ال بيىل اتالعان كورسەتكىشتەردى ەكى ەسەگە ارتتىرۋ جوسپارلانۋدا. بريفينگ بارىسىندا جۇمىس ىستەپ تۇرعان ەنەرگيا نىساندارىن جاڭعىرتۋ جانە ينفراقۇرىلىمدى دامىتۋعا باعىتتالعان جوبالاردى اتاپ وتكەن كومپانيا باسشىسى العاشقى باعىتتاعى جۇمىس شەڭبەرىندە 2000 جىلدان باستاپ KEGOC اسا اۋقىمدى «ۇلتتىق ەلەكتر توراپتارىن جاڭعىرتۋ» جانە «ۇەت-ءنى جاڭعىرتۋ, II-كەزەڭ» جوبالارىن جۇزەگە اسىردى, ناتيجەسىندە, ەنەرگيا جۇيەسىنىڭ ءتيىمدى جانە ورنىقتى جۇمىسى قامتاماسىز ەتىلىپ, قوسالقى ستانسالاردىڭ جاب­دىقتارىنداعى تەحنولوگيالىق اقاۋلاردىڭ سانى 4 ەسەگە ازايدى, تۇتىنۋشىلاردى ەلەكترمەن جابدىقتاۋدىڭ سەنىمدىلىگى مەن ساپاسى جاقساردى, دەدى. سونداي-اق, قازىرگى ۋاقىتتا KEGOC ەلباسىنىڭ تىكەلەي تاپسىرماسىمەن «نۇرلى جول» مەملەكەتتىك باعدارلاماسى شەڭبەرىندە KEGOC تاريحىنداعى ەڭ اۋقىمدى «500 كۆ-لىق سولتۇستىك-شىعىس-وڭتۇستىك ءاج ءترانزيتىن سالۋ» جوباسىن ىسكە اسىرۋدا. جوبانىڭ ءبىرىنشى كەزەڭى بويىنشا «500 كۆ-لىق ەكىباستۇز – سەمەي – وسكەمەن ءاج-ءىن» سالۋ جۇمىستارى كۇن تارتىبىندە تۇر. اتالعان جەلىنى ىسكە قوسۋ «سولتۇستىك-شىعىس» باعىتىنداعى جەلىلەردىڭ وتكىزۋ قابىلەتىن ايتارلىقتاي ارتتىرادى. شىعىس قازاقستان وب­لىسىنىڭ تۇتىنۋشىلا­رى تىكەلەي قازاقستاننىڭ ەلەكتر ەنەر­گياسىمەن قامتاماسىز ەتىلەتىن بولادى, قازىرگى ۋاقىتتاعىداي رەسەي اۋماعى ارقىلى وتەتىن بۇگىن­دە پايدالانىلىپ وتىرعان تران­زيت­تىك جەلىلەردىڭ جاي-كۇيىنە تاۋەلدى بولمايدى. ەلميرا ماتىباەۆا, «ەگەمەن قازاقستان»