جەر تاعدىرى – ەل تاعدىرى. تاعدىرىمىزبەن قاتار تاريحىمىز دا جەردە جاتىر. وسى جەردى قورعاۋ ءۇشىن سىرتقى جاۋمەن الىسىپ وتكەن, بۇگىنگە مۇراعا قالدىرعان اتا-بابا بەيىتى جاتىر. «ومىرگە ءومىر جالعاسىپ, انامىز جەرگە جارماسىپ, بىردە ادام, بىردە قايىڭ بوپ, سۇرەيىك ءومىر الماسىپ» دەپ مۇقاعالي ايتقانداي, ءتىرى جاننىڭ تىرشىلىگىنىڭ بارلىعى دا جەرگە تاۋەلدى. جەر مەملەكەتىمىزدىڭ
باستى ستراتەگيالىق نىسانى بولعاندىقتان, ەل تاۋەلسىزدىگىنىڭ مازمۇنى دا تىكەلەي جەرگە قاتىستى. سوندىقتان حالقىمىز ءۇشىن تىرشىلىك پەن جەردىڭ ماڭىزى بىردەي. مەملەكەت باسشىسى نۇرسۇلتان نازارباەۆتىڭ جەر كودەكسىنە ەنگىزىلگەن كەيبىر وزگەرىستەردىڭ كۇشىنە ەنۋىنە موراتوري جاريالاۋىن ۇتىمدى پايدالانۋ ءۇشىن ەلىمىزدە قابىلدانعان زاڭدى حالىققا ءتۇسىندىرۋ, اۋىلشارۋاشىلىق ماڭىزى بار جەرلەردى ساتۋ مەن شەتەلدىكتەرگە جالعا بەرۋ ماسەلەسى قىزۋ تالقىلانىپ جاتىر.
قوستاناي وبلىسىندا جەر كودەكسىنە ەنگىزىلگەن وزگەرىستەرگە بايلانىستى حالىقتىڭ كوكەيدەگى سۇراقتارىن تىڭداۋ جانە ۇسىنىستارىنا قۇلاق قويۋ ماقساتىندا وبلىس ورتالىعىندا مامىر ايىنىڭ ورتاسىنان باستاپ Call-ورتالىق ۇيىمداستىرىلىپ, جۇمىس ىستەي باستادى. جەر ماسەلەسىنە سامارقاۋ قارامايتىن تۇرعىندار, شارۋاشىلىق باسشىلارى, اۋىلشارۋاشىلىق تاۋارلارىن ءوندىرىپ جۇرگەن كاسىپكەرلەر, جالپى, وبلىس تۇرعىندارى جەدەل تەلەفون جەلىسىنە كۇن سايىن قوڭىراۋ شالىپ, ءوزىنىڭ كوكەيتەستى سۇراقتارىن بەرىپ, ۇسىنىستارىن ايتۋدا.
– جەدەل تەلەفون جەلىسىندە 8 ادام كەزەكشىلىك ەتەدى. ونىڭ ىشىندە ەكى ادام الاڭسىز تەلەفون قۇلاعىندا وتىرادى. ولار تۇسكەن سۇراقتاردى الگى كەزەكشى ماماندارعا جەتكىزەدى, ولار وعان جاۋاپ بەرەدى. بۇل تۇرعىنداردىڭ جەردىڭ ساتىلۋى مەن جالعا بەرىلۋىنە قاتىستى ماسەلەلەردى انىق, دۇرىس تۇسىنۋىنە مۇمكىندىك بەرەدى, – دەيدى وبلىستىق جەر قاتىناستارى باسقارماسىنىڭ باسشىسى نۇرلان ءابدۋوۆ.
جۇمىس ىستەي باستاعانىنا كوپ بولماسا دا, جەدەل تەلەفون جەلىسىنە كۇنى بويى كوپتەگەن ادامدار حابارلاسادى. مامانداردىڭ ايتۋىنشا, تۇرعىندار تاراپىنان «قازاقستاندىق ازاماتتاردىڭ اۋىل شارۋاشىلىعىنداعى جەرلەردى جالعا الۋى جالعاسىن تابا ما؟», «موراتوري جالعاسا ما؟» دەگەن سەكىلدى سۇراقتار ءجيى قايتالاناتىن كورىنەدى. ال شارۋاشىلىق باسشىلارى, جەرمەن تىكەلەي جۇمىس ىستەپ وتىرعان ازاماتتاردىڭ جەردى ساتىپ الۋ جونىندەگى ناقتى ۇسىنىستارى دا جازىپ الىنعان. سونىمەن قاتار, Call-ورتالىق تەلەفوندارىنا حابارلاسقان ازاماتتار تاراپىنان ءۇي سالاتىن جەر ماسەلەسى دە ءجيى ءسوز بولادى. ماماندار تۇرعىندار قويعان سۇراقتاردىڭ بارلىعىنا ءتيىستى جاۋاپتار بەرىپ وتىر. ەڭ باستىسى, تەلەفون سوققان ءار تۇرعىن جەر كودەكسىنە ەنگىزىلگەن وزگەرىستەردىڭ ءمان-ماعىناسى, ونىڭ جۇزەگە اسىرىلۋى تۋرالى تولىققاندى تۇسىنىك الىپ جاتىر.
ءنازيرا جارىمبەتوۆا,
«ەگەمەن قازاقستان»
قوستاناي
قوستاناي وبلىسىندا جەر كودەكسىنە ەنگىزىلگەن وزگەرىستەرگە بايلانىستى حالىقتىڭ كوكەيدەگى سۇراقتارىن تىڭداۋ جانە ۇسىنىستارىنا قۇلاق قويۋ ماقساتىندا وبلىس ورتالىعىندا مامىر ايىنىڭ ورتاسىنان باستاپ Call-ورتالىق ۇيىمداستىرىلىپ, جۇمىس ىستەي باستادى. جەر ماسەلەسىنە سامارقاۋ قارامايتىن تۇرعىندار, شارۋاشىلىق باسشىلارى, اۋىلشارۋاشىلىق تاۋارلارىن ءوندىرىپ جۇرگەن كاسىپكەرلەر, جالپى, وبلىس تۇرعىندارى جەدەل تەلەفون جەلىسىنە كۇن سايىن قوڭىراۋ شالىپ, ءوزىنىڭ كوكەيتەستى سۇراقتارىن بەرىپ, ۇسىنىستارىن ايتۋدا.
– جەدەل تەلەفون جەلىسىندە 8 ادام كەزەكشىلىك ەتەدى. ونىڭ ىشىندە ەكى ادام الاڭسىز تەلەفون قۇلاعىندا وتىرادى. ولار تۇسكەن سۇراقتاردى الگى كەزەكشى ماماندارعا جەتكىزەدى, ولار وعان جاۋاپ بەرەدى. بۇل تۇرعىنداردىڭ جەردىڭ ساتىلۋى مەن جالعا بەرىلۋىنە قاتىستى ماسەلەلەردى انىق, دۇرىس تۇسىنۋىنە مۇمكىندىك بەرەدى, – دەيدى وبلىستىق جەر قاتىناستارى باسقارماسىنىڭ باسشىسى نۇرلان ءابدۋوۆ.
جۇمىس ىستەي باستاعانىنا كوپ بولماسا دا, جەدەل تەلەفون جەلىسىنە كۇنى بويى كوپتەگەن ادامدار حابارلاسادى. مامانداردىڭ ايتۋىنشا, تۇرعىندار تاراپىنان «قازاقستاندىق ازاماتتاردىڭ اۋىل شارۋاشىلىعىنداعى جەرلەردى جالعا الۋى جالعاسىن تابا ما؟», «موراتوري جالعاسا ما؟» دەگەن سەكىلدى سۇراقتار ءجيى قايتالاناتىن كورىنەدى. ال شارۋاشىلىق باسشىلارى, جەرمەن تىكەلەي جۇمىس ىستەپ وتىرعان ازاماتتاردىڭ جەردى ساتىپ الۋ جونىندەگى ناقتى ۇسىنىستارى دا جازىپ الىنعان. سونىمەن قاتار, Call-ورتالىق تەلەفوندارىنا حابارلاسقان ازاماتتار تاراپىنان ءۇي سالاتىن جەر ماسەلەسى دە ءجيى ءسوز بولادى. ماماندار تۇرعىندار قويعان سۇراقتاردىڭ بارلىعىنا ءتيىستى جاۋاپتار بەرىپ وتىر. ەڭ باستىسى, تەلەفون سوققان ءار تۇرعىن جەر كودەكسىنە ەنگىزىلگەن وزگەرىستەردىڭ ءمان-ماعىناسى, ونىڭ جۇزەگە اسىرىلۋى تۋرالى تولىققاندى تۇسىنىك الىپ جاتىر.
ءنازيرا جارىمبەتوۆا,
«ەگەمەن قازاقستان»
قوستاناي
