«قاجىمۇقان» كاتەرى

استانا حالىقارالىق كورمەسىنە قويىلادى استانادا وتەتىن حالىقارالىق «KADEX-2016» قارۋ-جاراق پەن اسكەري تەحنيكا كورمەسىندە «گيدروپريبور» عزي» اق زاۋىتى «قاجىمۇقان» سۋ جاڭا مۇز جارعىش كاتەرىنىڭ نوبايىن ۇسىنادى. كاتەر 2014 جىلدان باستاپ ۇلتتىق قاۋىپسىزدىك كوميتەتى شەكارا قىزمەتىنىڭ تاپسىرىسى بويىنشا سالىنا باستاعان. ول وزەندەردە, سۋ قويمالارىندا جانە كاسپي تەڭىزىنىڭ سولتۇستىك بولىگىندە مۇزدا پاترۋلدىك قىزمەت اتقارۋ ءۇشىن ارنالعان. كاتەردىڭ سالماعى شامامەن – 151 توننا, سۋعا باتۋ تەرەڭدىگى – 1,8 م. سونىمەن قاتار, «گيدروپريبور» عزي» اق كورمەگە كەلۋشىلەردىڭ نازارىنا كاماز-دىڭ بازاسىن­دا جىلجىمالى ستانسانى ۇسىنادى. ستانسا 10 مەترگە دەيىنگى تەرەڭدىكتە اسكەريلەردىڭ سۋ استى وپەراتسيالارىن جاساۋعا ارنالعان. بۇل كاسىپورىن «قازاقستان ين­جينيرينگ» ۇك» اق قۇرا­مىنا كىرەدى. ينستيتۋت كەمە قۇ­راستىرۋ, ءموبيلدى روبوت تەح­نيكا, سۇڭگۋىرلىك تەحنيكا, ناۆي­گاتسيالىق جابدىق, مۇناي-گاز سەكتورىنا ارنالعان تەحنيكالاردى جاسايدى. كورمەدە قازاقستاندىق باسقا دا كاسىپورىندار ءوز ونىمدەرىن كورسەتەدى. ولار ەكسپورتقا تور­پەدو­­لاردى, كەمە گيدراۆليكاسىن, زا­ماناۋي جىلۋ قۇرالدارىن, كوزدەۋىش­تەرگە ارنالعان لينزالار مەن باسقا دا قۇرال-جابدىقتاردى ۇسىنادى. بيىل كورمەنىڭ سەكتسيالارى كەڭەيتىلدى. وندا اۆياتسيالىق تەحنيكانى, ۇشقىشسىز ۇشۋ اپپاراتتارى مەن عارىشتىق تەحنولوگيالارى, قۇرلىق اسكەرلەرى مەن اسكەري-تەڭىز كۇشتەرىنىڭ قارۋ-جاراعى مەن اسكەري تەحنيكاسى, IT-تەحنولوگيالارى, بايلانىس جۇيەلەرى مەن قۇرالدارى, اسكەري سالا­داعى روبوت تەحنيكالارى قويىلادى. داستان كەنجالين, «ەگەمەن قازاقستان»