الماتىدا تاەكۆوندودان «بارىس كۋبوگى» ءتۋرنيرى بولىپ جاتىر

استانا. 20 مامىر. الماتىدا وسىمەن ەكىنشى رەت تاەكۆوندودان «بارىس كۋبوگى» ءتۋرنيرى بولىپ جاتىر. بۇل تۋرالى egemen.kz ءتىلشىسى حابارلادى. وعان ەلىمىزدىڭ ءار جەرىنەن, سونداي-اق رەسەي, موڭعوليا, وزبەكستان, ازەربايجان, تاجىكستان مەن قىرعىزستاننان 1200-دەن استام سپورتشىلار قاتىسۋدا. تۋرنير 22 مامىرعا دەيىن بولادى. وسى ءۇش كۇندە سپورتشىلار ءوزارا مىقتىنى انىقتايدى. ءبىرىنشى توپتا 2007 – 2009 جىلدارى تۋعان بالالار, ەكىنشى توپتا 2005 – 2007 جىلعى جاسوسپىرىمدەر باق سىناسسا, 2002 – 2004 جىلعى كادەتتەر ءۇشىنشى توپتا ايقاسادى. ال 1999 – 2000 جىلدارى تۋعان جاستار مەن 1998 جانە ودان ۇلكەن جاستاعى جىگىتتەر ەرەسەكتەر اراسىندا وتەتىن جەكپە-جەكتەردە كۇش سىناسادى. تۋرنير تاەكۆوندو فەدەراتسياسىنىڭ ۇيىمداستىرۋىمەن رەسپۋبليكالىق سپورت كوللەدجدىڭ جەڭىل اتلەتيكا مانەجىندە وتۋدە. داستان كەنجالين. دەرەك: مادەنيەت جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتى. فوتو: egemen.kz