قوستاناي وبلىسىندا ءىرى جول اپاتى ورىن الدى

قوستاناي. 20 مامىر. قوستاناي – فەدوروۆ باعىتىنداعى جولدا, شەمينوۆ سەلوسى تۇسىندا ەكى جەڭىل ماشينا سوعىسىپ قالدى. ەكى كولىكتىڭ  دە جۇرگىزۋشىلەرى قازا تاپتى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. Hyundai ماركالى ماشينانى رەسەيدەگى پەنزا وبلىسىنىڭ 46 جاستاعى ازاماتى جۇرگىزىپ كەلە جاتقان. «ۆاز 2108» ماشيناسىندا شەمينوۆ سەلوسىنان شامالى جەردە جاتقان وزەرنوە سەلوسىنىڭ 38 جاستاعى تۇرعىنى وتىر ەكەن. وبلىستىق ىشكى ىستەر دەپارتمامەنتى جەرگىلىكتى پوليتسياسىنىڭ ينسپەكتورى, مايور يۋري پاناسەنكو: «ۆاز 2108» ماشيناسى جۇرگىزۋشىسى وقيعا ورنىندا قازا تاپتى, ال Hyundai كولىگىنىڭ جۇرگىزۋشىسى قوستاناي وبلىستىق اۋرۋحاناسىنا اپارا جاتقاندا «جەدەل جاردەم» ماشيناسىندا ءۇزىلدى», – دەدى. جول اپاتىنان زارداپ شەككەن ۆاز 2108» ماشيناسىنىڭ ەكى جولاۋشىسى اۋرۋحاناعا جەتكىزىلدى. ولاردىڭ ءبىرى 1975 جىلى تۋعان ايەل, ەكىنشىسى 1998 جىلى تۋعان ءجاسوسپىرىم. قازىر جول اپاتىنىڭ سەبەپتەرىن انىقتاۋ ماقساتىندا تەرگەۋ امالدارى جۇرگىزىلۋدە. ءنازيرا جارىمبەتوۆا. دەرەك, فوتو: قوستاناي وبلىستىق ىشكى ىستەر دەپارتامەنتى ءباسپاسوز قىزمەتى.